Side Effects Of Eating Tomatoes: આ લોકોએ ટામેટાં ખાવાનું ટાળવું જોઈએ! જાણો કારણ

Side Effects Of Eating Tomatoes: ટામેટા (tomatoes)ભારતીય ભોજનનો એક મહત્વપૂર્ણ ભાગ છે. ટમેટાં વગર દરેક શાક કે દાળનો સ્વાદ અધૂરો છે. પરંતુ સતત અછતને કારણે ટામેટાં ખૂબ મોંઘા થઈ ગયા છે. છેલ્લા કેટલાક સપ્તાહમાં ટામેટાના ભાવમાં 400 ટકાનો વધારો જોવા મળ્યો છે. ટામેટા આપણા ભોજનનો સ્વાદ વધારે છે પરંતુ તે કેટલાક લોકોને નુકસાન પણ કરે છે.

હેલ્થ એક્સપર્ટ્સનું કહેવું છે કે, એસિડ રિફ્લક્સની સમસ્યાનો સામનો કરી રહેલા લોકોને ટામેટાં નુકસાન પહોંચાડી શકે છે. ટામેટા આવા લોકોના પેટમાં બળતરા કરી શકે છે. આ સિવાય જે લોકોને ટામેટાં ખાધા પછી હાર્ટબર્ન, અપચો અથવા gastrointestinal સમસ્યાઓ જેવી સમસ્યા હોય તો ટામેટાંને ડાયટમાં સામેલ ન કરવા જોઈએ.

આ પણ વાંચો : Weight Loss: સવારના નાસ્તામાં ખાવો આ હેલ્ધી વસ્તુઓ, વજન ઝડપથી ઘટવા લાગશે

પથરીના દર્દી

કેટલાક લોકો કિડનીની પથરીને કારણે ટામેટાં ખાવાનું ટાળે છે. પરંતુ હેલ્થ એક્સપર્ટના મતે જે લોકોને ઓક્સાલેટ પથરી હોય તેમણે જ ટામેટાં ખાવાનું ટાળવું જોઈએ. ટામેટાંમાં ઓક્સાલેટ નામનું તત્વ હોય છે, જે સંવેદનશીલ વ્યક્તિઓમાં ઓક્સાલેટ પથરીને વધારી શકે છે. આવી કોઈપણ પરિસ્થિતિમાં સ્વાસ્થ્ય નિષ્ણાતની સલાહ લીધા પછી જ આહારમાં ટામેટાંનો સમાવેશ કરો.

એલર્જી

અહિ ધ્યાન રાખવું જરુરી છે કે, કેટલાક લોકોને ટમેટાંથી એલર્જી હોય શકે છે. આવા કેસ ખુબ ઓછા સામે આવતા હોય છે જેમાં ખંજવાળ અને સોજા જેવી સમસ્યા થઈ શકે છે. જો તમનને ટમેટાંથી એલર્જી છે તો ટમેટા ખાવાનું ટાળો.

લોહીના ગઠ્ઠા

જે લોકો બ્લડ પાતળું થવાની દવા ખાય છે તેમણે ટામેટાંથી દૂર રહેવું જોઈએ. ટામેટાંમાં વિટામિન K હોય છે, જે આ દવાઓની અસરોને ઘટાડી શકે છે. જો તમે પણ આવી દવાઓ લેતા હોવ તો તમારા સ્વાસ્થ્ય નિષ્ણાત સાથે ચર્ચા કરો.

એસિડિટી વધી શકે છે

ટામેટાંમાં વિટામિન સી ભરપૂર માત્રામાં હોય છે, તેથી ટામેટાંમાં પણ વધુ ગુણો હોય છે. એટલા માટે ટામેટાંનું વધુ સેવન કરવાથી એસિડિટીની સમસ્યા થઈ શકે છે. ટામેટાં મર્યાદિત માત્રામાં જ ખાવા જોઈએ.

(આ લેખમાં આપવામાં આવેલી માહિતી સામાન્ય માન્યતાઓ પર આધારિત છે. TV9 ગુજરાતી તેની પુષ્ટિ કરતું નથી. નિષ્ણાતની સલાહ લીધા પછી જ તેને અનુસરો.)