Tea Side Effects: ચાનું વધુ પડતું સેવન સ્વાસ્થ્ય માટે હાનિકારક, જાણો તેની આડ અસરો

Tea Side Effects: મોટાભાગના લોકો સવારે ચાનું સેવન કરે છે. ચા ન મળે તો ઘણા લોકો ખૂબ સુસ્તી અનુભવે છે. ઘણા લોકો સક્રિય રહેવા અને થાક દૂર કરવા માટે ચા (Tea Side Effects) પીવે છે. ઘણા લોકોની આદત હોય છે કે તેઓ દિવસમાં લગભગ 5થી 6 કપ ચા પીવે છે. ઉનાળો હોય કે શિયાળો, આ લોકોને ચાની એવી આદત હોય છે કે તેઓ ચા વગર રહી શકતા નથી. પરંતુ ચાના વધુ પડતા સેવનથી સ્વાસ્થ્ય પર ખૂબ જ ખરાબ અસર પડે છે. વધુ પડતી ચા પીવાથી સ્વાસ્થ્ય સંબંધિત ઘણી સમસ્યાઓ થઈ શકે છે. આવો જાણીએ વધુ ચા પીવાના ગેરફાયદા.

ગભરાહટ થવી

વધુ પડતી ચા પીવાથી ચિંતા થાય છે. આ દરમિયાન તમે ખૂબ જ અસ્વસ્થતા અનુભવો છો. ચામાં ટેનીન હોય છે. તેનાથી તમારી સમસ્યા વધી શકે છે. તેમાં કેફીન હોય છે. કેફીનનું વધુ પડતું સેવન શરીરને ઘણાં નુકસાન પહોંચાડે છે.

હાર્ટબર્નની સમસ્યા

ચાના વધુ પડતા સેવનથી હાર્ટબર્ન થઈ શકે છે. તે આંતરડામાં એસિડનું ઉત્પાદન વધારે છે. આ કારણે છાતીમાં બળતરા થાય છે. ચાના વધુ પડતા સેવનથી એસિડ રિફ્લક્સની સમસ્યા પણ વધી શકે છે.

સારી રીતે ઊંઘ નથી આવતી

ઘણા લોકો લાંબા કલાકો સુધી કામ કરતી વખતે વધુ ચા પીતા હોય છે. ચામાં કેફીન વધારે હોય છે. આ કારણે જ્યારે સૂવાનો સમય થઈ જાય છે, ત્યારે સારી ઊંઘ શક્ય નથી હોતી. ચાનું વધુ પડતું સેવન ઊંઘની ગુણવત્તાને બગાડે છે. જેના કારણે આંખોની નીચે ડાર્ક સર્કલ, માનસિક તણાવ અને ચિંતા વગેરે જેવી સમસ્યાઓનો સામનો કરવો પડે છે. આવી સ્થિતિમાં ચાના વધુ પડતા સેવનથી તમારી જાતને બચાવવી જરૂરી છે.

આંતરડા માટે હાનિકારક

ચાના વધુ પડતા સેવનથી આંતરડાને ઘણું નુકસાન થાય છે. આનું સેવન કરવાથી આંતરડાને નુકસાન થવાનું જોખમ ઘણું વધી જાય છે. આવી સ્થિતિમાં પાચન સંબંધી અનેક સમસ્યાઓનો સામનો કરવો પડે છે. ખોરાક પચવામાં તકલીફ થાય છે.

પચય દર ઘટાડે છે

સ્વસ્થ રહેવા અને વજન ઘટાડવા માટે મેટાબોલિક રેટ ઝડપી હોવો જરૂરી છે. આવી સ્થિતિમાં જ્યારે આપણે વધુ ચાનું સેવન કરીએ છીએ, ત્યારે મેટાબોલિક રેટ ઘટી જાય છે. જેના કારણે પેટમાં બળતરા અને ગેસ વગેરેની સમસ્યાનો સામનો કરવો પડે છે.

નોંઘ : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા કૃપા કરીને નિષ્ણાતની સલાહ લો.