સરસવનું તેલ : આ તેલ હૃદયરોગના જોખમને ઘટાડવાની સાથે આપે છે આ બીજા ફાયદા

સરસવનું (Mustard ) તેલ એ ખાદ્ય તેલ છે જે પરંપરાગત રીતે ભારતમાં રસોઈમાં (Kitchen ) ઉપયોગમાં લેવાય છે. ખાસ કરીને શિયાળામાં(Winter ) તેનો ખૂબ ઉપયોગ થાય છે. પરંતુ, શું તમે જાણો છો કે સરસવનું તેલ કાર્ડિયોવેસ્ક્યુલર રોગોના જોખમને ઘણી હદ સુધી ઘટાડે છે? એટલું જ નહીં, તે આવશ્યક ફેટી એસિડને પણ સંતુલિત કરે છે. કેટલાક અભ્યાસો અનુસાર, સરસવના તેલનો ઉપયોગ હૃદય રોગના જોખમને લગભગ 70 ટકા ઘટાડી શકે છે. એક અધ્યયન અનુસાર, ભારતીય સરસવના તેલમાં કેટલાક એવા પ્રાકૃતિક તત્વો મળી આવે છે, જે હૃદયની બીમારીઓનું જોખમ ઘટાડે છે. સરસવના તેલના અન્ય ફાયદાઓ વિશે અહીં જાણો.

સરસવનું તેલ વાળ માટે વધુ સારું છે

સરસવના તેલમાં વિટામીન, મિનરલ્સ અને બીટા કેરોટીન ભરપૂર માત્રામાં જોવા મળે છે, જેને હેલ્ધી કહેવાય છે. આ સિવાય તેમાં કેલ્શિયમ, મેગ્નેશિયમ, આયર્ન અને ફેટી એસિડ પણ હોય છે, તેથી સરસવનું તેલ વાળ માટે સારું માનવામાં આવે છે. તે તમને ડ્રાયનેસ, સ્પ્લિટ એન્ડ્સ, ડેન્ડ્રફ, વાળના અકાળે સફેદ થવા, વાળના પાતળા થવા અને ખરવા જેવી તમામ સમસ્યાઓથી દૂર રાખશે.

મસાજ કરવા

સરસવના તેલમાં વિટામીન E વધુ હોય છે જે તમારી ત્વચાને હાનિકારક યુવી કિરણો અને પર્યાવરણીય ઝેરથી બચાવે છે. બહાર જતા પહેલા આ તેલની થોડી માત્રાથી ત્વચા પર માલિશ કરો. તેનાથી તમને ચોક્કસ ફાયદો થશે. આ લાગુ કર્યા પછી, તમારે કોઈ બોડી લોશનની જરૂર પડશે નહીં.

નાભિમાં સરસવનું તેલ

સરસવનું તેલ ત્વચા માટે ફાયદાકારક છે. તેના પોષક તત્વો ત્વચાને પોષણ આપે છે અને ત્વચાને ચમકદાર બનાવે છે. આ સિવાય સરસવનું તેલ ફાટેલા હોઠને પણ મટાડે છે. જો તમારા હોઠ ફાટતા હોય તો રાત્રે સૂતા પહેલા નાભિમાં સરસવના તેલના બે ટીપા નાખો, સવાર સુધીમાં હોઠ નરમ થઈ જશે.

અસ્થમાના દર્દીઓ માટે

સરસવના તેલમાં મેગ્નેશિયમ અને સેલેનિયમ ભરપૂર માત્રામાં હોય છે, તેથી તે અસ્થમાના દર્દીઓ માટે ઉત્તમ કુદરતી ઉપાય છે. સરસવના તેલથી છાતીની માલિશ કરવાથી અસ્થમાના હુમલામાં આરામ મળે છે.

કાનના દુખાવાથી છુટકારો મેળવો

જે લોકો વારંવાર કાનમાં દુખાવાની ફરિયાદ કરે છે અથવા જ્યારે પણ અચાનક કાનમાં દુખાવો થાય છે ત્યારે સરસવનું તેલ ખૂબ જ ફાયદાકારક સાબિત થયું છે. દુખાવાના સમયે કાનમાં નાખવાથી તરત આરામ મળે છે. આ સિવાય સરસવના તેલમાં લસણ નાખીને ગરમ કરીને કાનમાં નાખી શકાય છે.

(આ લેખમાં આપવામાં આવેલી માહિતી સામાન્ય ધારણાઓ પર આધારિત છે. TV9 ગુજરાતી તેની પુષ્ટિ કરતું નથી. નિષ્ણાતની સલાહ લીધા પછી જ તેને અનુસરો.)