Child care: જાણો એવા ચિહ્નો જે સૂચવે છે કે તમારું બાળક યોગ્ય રીતે વિકાસ કરી રહ્યું છે કે નહીં

એવું કહેવાય છે કે જો બાળકના વિકાસમાં વિલંબ થાય છે, તો તેની સારવાર શક્ય છે, પરંતુ જો તે વિકાસમાં અસમર્થ છે, તો તેનો કોઈ ઉપાય નથી. આવા ઘણા કારણો અથવા ચિહ્નો છે, જે દર્શાવે છે કે તમારા બાળકનો વિકાસ જોઈએ તેવો થઈ રહ્યો નથી.

Child care: જાણો એવા ચિહ્નો જે સૂચવે છે કે તમારું બાળક યોગ્ય રીતે વિકાસ કરી રહ્યું છે કે નહીં
Know the reasons for baby's development (Symbolic Image)
TV9 GUJARATI

| Edited By: Tanvi Soni

Mar 21, 2022 | 8:37 AM

સામાન્ય રીતે, દરેક માતા-પિતા ( Parenting tips )તેમના બાળકના યોગ્ય વિકાસ ( Child growth tips )માટે તમામ પ્રકારના પ્રયત્નો કરતા રહેતા હોય છે. તેઓ ચિંતા કરે છે કે તેમના બાળકનો વિકાસ યોગ્ય રીતે થઈ રહ્યો છે કે નહીં. ઘણા કિસ્સામાં એવું જોવામાં આવ્યું છે કે માતા-પિતાની દેખભાળ છતાં બાળક યોગ્ય રીતે વિકાસ કરી શકતું નથી. એવું કહેવાય છે કે જો બાળકનો વિકાસ ( Child care ideas )યોગ્ય રીતે ન થઈ શકે, તો તે સામાજિક અને શૈક્ષણિક રીતે નબળા પડી શકે છે.

તજજ્ઞોના મતે, તેની પાછળ કેટલાક મહત્વપૂર્ણ કારણો હોઈ શકે છે, જેમાં આનુવંશિક, ચેપ અથવા ખોરાકની અછત જેવી સમસ્યાઓનો સમાવેશ થાય છે. તજજ્ઞોના મતે, બાળકના જન્મ પછી 3 વર્ષ સુધીનો સમય તેની વૃદ્ધિની દ્રષ્ટિએ ખૂબ જ મહત્વપૂર્ણ છે. જો તે આ સમયગાળામાં યોગ્ય રીતે વિકાસ કરી શકતો નથી, તો તેને લાંબા સમય સુધી અનેક પ્રકારની શારીરિક સમસ્યાઓનો સામનો કરવો પડી શકે છે.

એવું કહેવાય છે કે વિકાસમાં વિલંબ થાય તો તેની સારવાર શક્ય છે, પરંતુ જો તે વિકાસમાં અસમર્થ હોય તો તેનો કોઈ ઈલાજ નથી. એવા ઘણા કારણો અથવા ચિહ્નો છે, જે દર્શાવે છે કે તમારા બાળકનો વિકાસ જોઈએ તેવો થઈ રહ્યો નથી. અમે તમને આ સંકેતો અથવા ખાસ વસ્તુઓ વિશે જણાવવા જઈ રહ્યા છીએ.

શીખવાની ક્ષમતા

ઘણી વખત, બાળકના વિકાસમાં વિલંબને કારણે, તે જોઈ શકાય છે કે તે વસ્તુઓ શીખવામાં સક્ષમ નથી. તેને રમવામાં તકલીફ પડે છે અથવા તેને લર્નિંગ સ્કીલ્સ શીખવામાં મુશ્કેલી પડે છે. બીજી ઘણી બાબતો પણ આ સ્થિતિમાં જોવા મળે છે, જેમાં કોઇ વસ્તુ જોઇને ન શીખવી, સીધી સૂચનાઓ ન સમજી શકવી. જો તમે તમારા બાળકમાં આ સમસ્યા અનુભવો છો, તો તરત જ તેની સારવાર કરાવો. તેને અવગણવું ભારે પડી શકે છે.

જોવામાં મુશ્કેલી

યોગ્ય રીતે જોવામાં અસમર્થતા પણ બાળકમાં વિલંબિત વિકાસની નિશાની હોઈ શકે છે. તજજ્ઞોના મતે, આ એક પ્રકારની ગંભીર સમસ્યા છે, જેને ભૂલથી પણ અવગણવી ન જોઈએ. કેટલીકવાર બાળક 6 મહિનાની ઉંમર પછી પણ યોગ્ય રીતે જોઈ શકતું નથી. એવું કહેવાય છે કે 2 મહિનાનું બાળક પણ સામાન્ય રીતે હાવભાવ સમજવા લાગે છે. પણ જો બાળકને જોવામાં મુશ્કેલી ઉપરાંત આંખોમાં પાણી આવવુ એ પણ એક ગંભીર સમસ્યા છે. આવી સ્થિતિમાં, બાળકને બાળરોગ ચિકિત્સક પાસે સારવાર કરાવો.

બોલવામાં અસમર્થતા

કેટલાક બાળકો એવા હોય છે જે લાંબા સમય સુધી બોલી શકતા નથી. આ લક્ષણ પણ સૂચવે છે કે તમારું બાળક યોગ્ય રીતે વિકાસ નથી કરી રહ્યું. બોલવામાં મુશ્કેલી ઉપરાંત, બાળકને અવાજ સંબંધિત સમસ્યાઓ પણ હોઈ શકે છે. જો આવું થાય તો બાળકના વિકાસમાં અડચણ આવી શકે છે. તેની પાછળનું કારણ ઓટીઝમ અથવા મગજની ઈજા હોઈ શકે છે, પરંતુ આવી સ્થિતિમાં બાળક માતા-પિતાની વાતનો જવાબ આપી શકતું નથી.

(જાહેર ચેતવણી : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા કૃપા કરીને નિષ્ણાતની સલાહ લો.)

આ પણ વાંચો-

Health Care : આર્થરાઈટ્સના ઈલાજ માટે આ એક જડીબુટ્ટી છે રામબાણ ઈલાજ

આ પણ વાંચો-

Cancer treatment: કેન્સરની સારવાર દરમિયાન પગનો દુખાવો ખૂબ રહે છે, તેને દૂર કરવા માટે આ ઉપાયો અનુસરો

Follow us on

Related Stories

Most Read Stories

Click on your DTH Provider to Add TV9 Gujarati