Coconut Water : નારિયેળનું ઠંડુ ઠંડુ પાણી પીવાથી મળશે આ Health Benefits

એવું કહેવાય છે કે જો દિવસમાં એક નારિયેળ (Coconut )પાણી પીવામાં આવે તો તે દિવસભર પાણીની (Water ) કમી નથી થવા દેતું. તેના ઘણા સ્વાસ્થ્ય (Health ) લાભો ઉપરાંત, ત્વચા માટે ફાયદા પણ છે. નિષ્ણાતો પણ કોરોનાના આ યુગમાં રોગપ્રતિકારક શક્તિને મજબૂત કરવા માટે નાળિયેર પાણીનું સેવન કરવાની ભલામણ કરે છે. તે વિટામિન સી, પોટેશિયમ અને મેગ્નેશિયમ જેવા જરૂરી પોષક તત્વોથી ભરપૂર છે. તેની સૌથી મોટી વિશેષતા એ છે કે તેમાં ખૂબ જ ઓછી ચરબી જોવા મળે છે અને તેમાં લગભગ 94 ટકા પાણી હોય છે. ઉનાળાની ઋતુમાં ગરમીની લહેર શરૂ થઈ ગઈ છે અને આવી સ્થિતિમાં તમે પોતાને હાઈડ્રેટ રાખવા માટે નારિયેળ પાણીનું સેવન કરી શકો છો.

ઉનાળામાં હાઇડ્રેટેડ અને અંદરથી ઠંડુ રહેવા માટે ઠંડું નારિયેળ પાણી પીવો. હીટ સ્ટ્રોક સિવાય ઠંડું નારિયેળ પાણી તમને અપચાથી પણ બચાવી શકે છે. આ લેખમાં અમે તમને નારિયેળ પાણીના કેટલાક અન્ય ગુણો વિશે જણાવવા જઈ રહ્યા છીએ. જાણો તેમના વિશે..

ઇમ્યુનીટી મજબૂત

તમે નાળિયેર પાણીથી રોગપ્રતિકારક શક્તિને મજબૂત કરી શકો છો. તેમાં રહેલા પોષક તત્વો જેમ કે કેલ્શિયમ, મેગ્નેશિયમ, ફોસ્ફરસ અને પોટેશિયમ શ્વેત રક્તકણોને વધારે છે અને તેના કારણે રોગપ્રતિકારક શક્તિ પણ વધવા લાગે છે. કેલ્શિયમની ભરપૂર માત્રાને કારણે તમે તેનાથી હાડકાં અને દાંતને પણ મજબૂત બનાવી શકો છો. જો તમે ઈચ્છો તો તેને સાદા પી પણ શકો છો.

પાચન તંત્ર

ઉનાળામાં પેટ ખરાબ થવું કે પેટ સંબંધિત સમસ્યાઓ વધુ પરેશાન કરે છે. તળેલું ખાધા પછી અપચો, એસિડિટી અને અન્ય સમસ્યાઓ વ્યક્તિને દિવસભર પરેશાન કરે છે. બહારનું ખાવાનું ટાળો અને દિવસમાં એકવાર ઠંડુ-ઠંડુ નારિયેળ પાણી પીવો. તે પાચનતંત્રમાં સુધારો કરીને તમારી ભૂખ વધારશે. તેનું સેવન કરવાથી કબજિયાત નહીં થાય.

હૃદય માટે

નારિયેળ પાણીમાં પોટેશિયમની હાજરીને કારણે તે હૃદય સંબંધિત બીમારીઓને પણ આપણાથી દૂર રાખે છે. જેમને હાઈ બ્લડ પ્રેશરની સમસ્યા છે, તેમણે નારિયેળનું પાણી મર્યાદિત માત્રામાં પીવું જોઈએ. જો તમે વજન ઓછું કરવા માંગો છો, તો આ સ્થિતિમાં નારિયેળ પાણી પીવો, કારણ કે તેમાં ચરબીનું પ્રમાણ ખૂબ જ ઓછું હોય છે. તેમજ તેને પીવાથી પેટ લાંબા સમય સુધી ભરેલું રહે છે.

(આ લેખમાં આપવામાં આવેલી માહિતી સામાન્ય ધારણાઓ પર આધારિત છે. TV9 ગુજરાતી તેની પુષ્ટિ કરતું નથી. નિષ્ણાતની સલાહ લીધા પછી જ આને અનુસરો.)

આ પણ વાંચો :

Lunch Box Ideas : બાળકોને ટિફિનમાં બનાવી આપો આ વાનગીઓ, મન ભરીને ખાશે

Fatty Liver : ગર્ભાવસ્થામાં ફેટી લીવરના આ લક્ષણોને અવગણશો નહીં

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો