Yoga for Cured TB patient : ગુજરાતની 6 મેડીકલ કોલેજમાં ટી.બી.થી સાજા થયેલા દર્દીઓ માટે યોગ કોર્સ શરૂ કરાયા

Yoga for Cured TB patient : પ્રત્યેક મેડિકલ કોલેજમાં ઓછામાં ઓછા 20 ટીબીના સાજા થયેલા દર્દીઓને યોગગુરુ દ્વારા તાલીમબદ્ધ કરવામાં આવ્યા હતા.

  • Publish Date - 11:13 pm, Mon, 21 June 21 Edited By: Nakulsinh Gohil
Yoga for Cured TB patient : ગુજરાતની 6 મેડીકલ કોલેજમાં ટી.બી.થી સાજા થયેલા દર્દીઓ માટે યોગ કોર્સ શરૂ કરાયા
ટી.બી.થી સાજા થયેલા દર્દીઓ માટે યોગ કોર્સ

Yoga for Cured TB patient : ઈન્ટરનેશનલ યોગ દિવસ નિમિત્તે “Yoga for Cured patient ” થીમ અંતર્ગત પલ્મોનરી રીહેબીલીટેશનના ભાગરૂપે ગુજરાત રાજ્યમાં કુલ 6 મેડિકલ કોલેજ ખાતે યોગનો કાર્યક્રમ શરૂ કરવામાં આવ્યો હતો. પ્રત્યેક મેડિકલ કોલેજમાં ઓછામાં ઓછા 20 ટીબીના સાજા થયેલા દર્દીઓને યોગગુરુ દ્વારા તાલીમબદ્ધ કરવામાં આવ્યા હતા.

કુલ 21 દિવસનો યોગ કોર્સ
ટી.બી.થી સાજા થયેલા દર્દીઓ માટે યોગ કોર્સ (Yoga for Cured TB patient) શરૂ કરતા પહેલા તમામ દર્દીઓના blood report, chest x ray, pulmonary function test વગેરે કરવામાં આવ્યા હતા.  7 દિવસ માટે આ તમામ દર્દીઓને સેન્ટર પર બોલાવી યોગ શીખવાડવામાં આવશે તેમજ અન્ય 14 દિવસ દર્દીઓ પોતાના ઘરે જ આ યોગનું અનુકરણ કરશે અને 21 દિવસ બાદ તમામ દર્દીઓના ફરીથી blood test, Chest Xray, pulmonary function test વગેરે કરવામાં આવશે.

આ 6 મેડીકલ કોલેજમાં કોર્સ શરૂ કરવામાં આવ્યો
ટી.બી.થી સાજા થયેલા દર્દીઓ માટે યોગ કોર્સ (Yoga for Cured TB patient) માટે રાજ્યમાં આ 6 મેડીકલ કોલેજ ખાતે યોગ કોર્સ શરૂ કરવામાં આવ્યા છે-

1) બી.જે.મેડીકલ કોલેજ, અમદાવાદ.
2) મેડીકલ કોલેજ, વડોદરા.
3) ગવર્નમેન્ટ મેડીકલ કોલેજ, સુરત.
4) એમ.પી.શાહ મેડીકલ કોલેજ, જામનગર.
5) ગવર્નમેન્ટ મેડીકલ કોલેજ, ભાવનગર.
6) GMIRS મેડીકલ કોલેજ, ગાંધીનગર.

ટીબીના દર્દીઓને યોગથી થતા લાભ
ટીબી ( ક્ષય ) રોગની બિમારી મુખ્યત્વે શ્વસનતંત્રના ફેફસાંને (Pulmonary TB) અસર કરતી બિમારી છે. જેમાં ફેફસાંની પેશીને ચેપ લાગતા તેની કાર્યક્ષમતામાં ઘટાડો થાય છે. ફેફસાંમાં લાગતા ચેપના કારણે જરૂરી પ્રાણવાયુ (ઓક્સીજન) સહેલાઈથી શરીરને મળતો ન હોવાથી થાક લાગવો, સ્વભાવ ચિડીયો થવો જેવી અસર થાય છે. જેના કારણે કાર્યક્ષમતામાં ઘટાડો થાય છે.

યોગ શ્વસન સાથે જોડાયેલ સ્નાયુઓ, ઉદરપટલ અને ફેફસાંની પેશીઓને મજબૂત કરે છે. ટીબી રોગના દર્દીના પુનર્વસન માટે (Rehabilitation ) ફેફસાંની કાર્યક્ષમતામાં વધારો કરી શ્વસનતંત્ર મજબૂત કરવું જરૂરી છે. યોગ શરીર અને મનની મજબૂતાઈ સાથે કાર્યક્ષમતામાં વધારો કરે છે.

યોગ યંત્રવત રીતે શ્વસનતંત્રની કાર્યક્ષમતામાં વધારો કરે છે અને મનને શાંત પાડી સ્વસ્થતાની અનુભૂતિ કરાવે છે. પ્રાણાયામ એ શ્વાસ-ઉચ્છવાસની ક્રિયામાં સુધારો કરી શરીરને જરૂરી પ્રાણવાયુ (ઓક્સિજન) પુરો પાડે છે. ટીબીની સારવાર સાથે શ્વસનતંત્રને મજબુત કરવા યોગ એ અસરકારક શસ્ત્ર છે.

Click on your DTH Provider to Add TV9 Gujarati