Surat : ગ્રીષ્મા હત્યાકાંડ બાદ સુરત પોલીસ અને સ્થાનિક એનજીઓની મદદથી બહેનોને મફતમાં અપાઈ સ્વ સુરક્ષાની તાલીમ

સુરત(Surat ) શહેર જ નહીં પણ આખા રાજ્યમાં ચકચાર જગાવનાર ગ્રીષ્મા વેકરીયા હત્યાકાંડ બાદ શહેર પોલીસ(Police ) અને સામાજિક સંસ્થાઓના(NGO) સહયોગથી આવી ઘટનાઓ બનતી રોકવા માટે જનજાગૃતિ અભિયાન તો ચલાવવામાં આવી જ રહ્યું છે. સાથે સાથે દીકરીઓને પણ સ્વસુરક્ષા માટે તૈયાર કરવામાં આવી રહી છે. સુરત પોલીસ દ્વારા પણ આવી એક એનજીઓની મદદથી બહેનોને મફતમાં સ્વ સુરક્ષાની તાલીમ આપવામાં આવી હતી.

સુરત ખાતે પૂણાગામ વિસ્તારમાં પોલીસ વિભાગ દ્વારા બનાવવામાં આવેલ “સુરક્ષા સેતુ સોસાયટી”નાં માધ્યમથી સુરત શહેર પોલીસ દ્વારા સંચાલીત “સ્વ-રક્ષા અભિયાન” અંતર્ગત “કાપોદ્રા પોલીસ સ્ટેશન” દ્વારા “રાષ્ટ્રભૂમી સેવા સંઘ”નાં સહયોગથી મહિલા સશકિતકરણ માટે “નિઃશુલ્ક સ્વ-સંરક્ષણ તાલીમ શિબીર”નો પૂર્ણાહુતી સમારોહ યોજાયો હતો. 21 એપ્રિલથી શરૂ થયેલી તાલિમ-શિબિરમાં નિષ્ણાંત તાલીમ-શિક્ષક દ્વારા 80-જેટલી બહેનોને તદ્દન નિઃશુલ્ક સ્વ-સંરક્ષણની તાલીમ આપવામાં આવી હતી.

self defense training

અત્રે ઉલ્લેખનીય છે કે “રાષ્ટ્રભૂમી સેવા સંઘ”નાં સહયોગથી આયોજીત આ નિઃશુલ્ક તાલીમ-શિબીરનાં પૂર્ણાહુતી પ્રસંગે કાપોદ્રા પોલીસ સ્ટેશનનાં P.I. એન.એમ.ચૌધરી, મહિલા P.S.I. કે.વી. ચાવડા સહિતનાં પોલીસ અધીકારીઓનાં હસ્તે “પ્રશસ્તિ-પત્ર” એનાયત કરવામાં આવ્યા હતા. તેમજ તમામ બહેનો કે જેઓ તાલિમ-શિબીરમાં ઉત્સાહ પૂર્વક સહભાગી બની હતી તેઓને તાલીમ પૂર્ણ કરવા બદલ સન્માનીત કરવામાં આવ્યા હતા.

self defense training

સામાજીક કાર્યકર નિલેશ જીકાદરાએ જણાવ્યું હતુ કે તાજેતરમાં બનેલ દુઃખદ ગ્રીષ્મા હત્યાકાંડ બાદ સુરત શહેર પોલીસ દ્વારા આવી અમાનવીય ઘટના ફરી વખત ભવિષ્યમાં બનતી અટકાવવા તથા “સશકત નારી, સશક્ત સમાજ”નાં નિર્માણ હેતુથી શરૂ કરેલ “સ્વ-રક્ષા અભિયાન” ખુબ જ પ્રશંસનીય છે. તેઓએ તમામ વાલીને દિકરો-દિકરી એકસમાન માનવા માટે વિનમ્ર અપીલ કરી હતી.

self defense training

આ પ્રસંગે ઉપસ્થીત કાપોદ્રા પોલીસ સ્ટેશનનાં P.I. એન.એમ. ચૌધરી દ્વારા આપણા દેશનું આવતીકાલનું ભવિષ્ય એટલે આપણા બાળકો કોઈ સંગતફેરનાં લીધે દુષણનાં ભોગ ન બને તે હેતુથી તેમનાંમાં પરિવારીક સંસ્કારનું સીંચન થાય તે દિશામાં યોગ્ય પગલા ભરવા માટે ઉપસ્થીત વાલીને ટકોર કરાઇ હતી.

તેમજ મહિલા P.S.I  કે.વી.ચાવડા દ્વારા પણ એવું ભારપૂર્વક જણાવવામાં આવ્યું હતુ કે જો તમારી સાથે કોઈ અઘટીત ઘટના ઘટે તો તેને હળવાશમાં ના લેતા તાત્કાલીક પોલીસ-સ્ટેશનમાં તેની અચુક જાણ કરો જેથી ન્યાયિક પ્રક્રિયા સરળ બને અને કોઈ મોટો ગુનો બનતો અટકાવી શકાય તથા આજકાલ વધતા જતા ઓનલાઇન સાયબર છેતરપીંડીનાં સામાન્ય પ્રકારો તેમાંથી બચવાનાં ઉપયો વિશે પણ લોકોને માહિતગાર કર્યા હતા.

Surat : મહાનગરપાલિકાની સામાન્ય સભામાં મોડી રાત સુધી AAPના ધરણાં, દરખાસ્તો પર ચર્ચા પહેલા જ સભા પુરી કરી દેતા રોષ

જામીન મળ્યા બાદ જીગ્નેશ મેવાણી આકરા પાણીએ, કહ્યું ‘ભાજપ મારી બદલે આસામની સમસ્યાઓ પર ધ્યાન આપે’

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો