Surat : કેપી કોમર્સ કોલેજમાં વિદ્યાર્થી પર હુમલા પ્રકરણમાં સંડોવાયેલા વિધર્મી યુવકોને સસ્પેન્ડ કરવાની માંગ સાથે એબીવીપીનું વિરોધ પ્રદર્શન

અઠવા લાઈન્સ ખાતે આવેલ કેપી કોમર્સ કોલેજમાં ગત રોજ એક વિદ્યાર્થી પર બે વિધર્મી યુવકો દ્વારા હુમલો કરવામાં આવતાં ભારે હોબાળો મચી જવા પામ્યો હતો. જેને પગલે આજે અખિલ ભારતીય વિદ્યાર્થી પરિષદ (ABVP) ના કાર્યકરો દ્વારા કોલેજ કેમ્પસમાં વિરોધ પ્રદર્શન સાથે હુમલા પ્રકરણમાં સંડોવાયેલા બન્ને વિધર્મી યુવકોને સસ્પેન્ડ કરવા માટે કોલેજના આચાર્યને અલ્ટીમેટમ આપ્યું હતું.

સૂત્રો પાસેથી જાણવા મળતી માહિતી અનુસાર સોશ્યલ મીડિયામાં જાતિ વિષયક ટિપ્પણી કરવાના મુદ્દે ગઈકાલે અઠવા લાઈન્સ ખાતે આવેલ કેપી કોમર્સ કોલેજના ગેટ પાસે ડિંડોલી ખાતે રહેતા એક વિદ્યાર્થી પર હુમલો કરવામાં આવ્યો હતો. રાહિલ બિલાલ ખાન અને સૈયદ સોહેબ અલી ફિરદોસ અલી નામના બન્ને યુવકો દ્વારા પ્લાસ્ટિંગનું કુંડં મારવામાં આવતાં વિદ્યાર્થીઓમાં પણ ફફડાટ ફેલાઈ જવા પામ્યો હતો. આ ઘટનાને પગલે ઉમરા પોલીસ મથકે પણ વિદ્યાર્થીઓનું ટોળું પહોંચ્યું હતું પરંતુ બાદમાં કોઈપણ પ્રકારની પોલીસ ફરિયાદ કરવામાં આવી ન્હોતી.

આજે સવારે એબીવીપીના કાર્યકરો દ્વારા કેપી કોમર્સ કોલેજના આચાર્ય સમક્ષ રજુઆત કરવામાં આવી હતી કોલેજ કેમ્પસમાં વિદ્યાર્થી પર હુમલો કરવામાં સંડોવાયેલા બન્ને આરોપી વિદ્યાર્થીઓના એડમિશન જો 24 કલાકમાં રદ્દ નહીં કરવામાં આવે તો ઉગ્ર આંદોલન કરવામાં આવશે. એબીવીપીના કાર્યકરો મોટી સંખ્યામાં કોલેજ કેમ્પસ ખાતે ઉમટી પડતાં એક તબક્કે આજે પણ વાતાવરણ ગરમ થઈ જવા પામ્યું હતું.

આ પણ વાંચોઃ Surat: રાંદેરમાં કૅરટેકરે માર મારતા 8 માસની બાળકી ઇજાગ્રસ્ત, બાળકીની હાલત અત્યંત નાજુક, જુઓ કૅરટેકરની કરતુતનો આ વીડિયો

આ પણ વાંચોઃ Ahmedabad: કોંગ્રેસમાંથી હકાલપટ્ટી બાદ જમના વેગડાએ સોશિયલ મીડિયા પર કરી પોસ્ટ, ”સસ્તી પ્રસિદ્ધિ મેળવનારને 4 વાગ્યે પ્રેસ કોન્ફરન્સ કરી જવાબ આપીશ”