Surat : 17 પોસ્ટ અને 1.53 કરોડની સહાય, સોશિયલ મીડિયાના સદ્ઉપયોગનું ઉત્તમ ઉદાહરણ આપતું સુરતનું આ ફેસબુક ગ્રુપ
અત્યારસુધી આ ગ્રુપ દ્વારા આવી 17 અલગ અલગ પોસ્ટ મૂકીને કોઈને કોઈ રીતે આર્થિક સહાય ઝંખતા પરિવારોની માહિતી શેર કરવામાં આવી હતી. અને આ 17 પોસ્ટ થકી તેઓએ જરૂરિયાતમંદોને 1.53 કરોડ જેટલી સહાય ભેગી કરીને મોટી મદદ કરી છે.
સોશિયલ મીડિયાના (Social Media )આ જમાનામાં યુવાધન ઘણી બધી એપ્સનો(Application ) યુઝ કરે છે. સામાન્ય રીતે યુવાનો પોસ્ટને(Post ) એક સ્ટેટ્સ સિમ્બોલની જેમ ગણે છે. પોતાની રહેણીકરણી, ખાણીપીણી, મોજશોખની પોસ્ટ અને ફોટોગ્રાફ્સ થકી યુવાન યુવક યુવતીઓ ઘણી લાઇક્સ અને કોમેન્ટ મેળવીને સંતોષની લાગણી અનુભવે છે.
પરંતુ સોશિયલ મીડિયાનો ઉપયોગ લોકો માટે કઈ રીતે ફાયદાકારક અને મદદરૂપ થઇ શકે છે તેનું ઉત્તમ ઉદાહરણ સુરતના એક સોશિયલ મીડિયા ગ્રુપે પૂરું પાડ્યું છે. સુરત સમસ્ત લેઉવા પટેલના ફેસબુક પેજ અને અન્ય એપ્લિકેશનની મદદથી તેઓ દ્વારા સર્જનાત્મક પોસ્ટ શેર કરવામાં આવે છે. આ ગ્રુપની ખાસિયત જ એ છે કે તેઓ પોતાના પેજ પર અન્ય કોઈ સમાચાર કે ફોટો નહીં પણ ફક્ત ને ફક્ત જરૂરિયાતમંદોને આર્થિક સહાય થઇ શકાય તેવી જ પોસ્ટ વધારે મૂકે છે.
અત્યારસુધી આ ગ્રુપ દ્વારા આવી 17 અલગ અલગ પોસ્ટ મૂકીને કોઈને કોઈ રીતે આર્થિક સહાય ઝંખતા પરિવારોની માહિતી શેર કરવામાં આવી હતી. અને આ 17 પોસ્ટ થકી તેઓએ જરૂરિયાતમંદોને 1.53 કરોડ જેટલી સહાય ભેગી કરીને મોટી મદદ કરી છે. થોડા દિવસો પહેલા રાજકોટના ગોંડલ નજીક સર્જાયેલા અકસ્માતમાં બે પરિવારના મોત થતા આ પરિવારની ત્રણ દીકરીઓ નોંધારી બની હતી. જેમની મદદ માટે પણ આ ગ્રુપ દ્વારા પોસ્ટ થકી અપીલ કરવામાં આવી હતી.
જેમાં ગણતરીના કલાકોમાં જ આ દીકરીઓના નામે બનાવવામાં આવેલા બેન્ક એકાઉન્ટમાં સહાય આવવા લાગી હતી. આ ત્રણેય દીકરીઓના નામે સોશિયલ મીડિયાના માધ્ય્મ થી 22 લાખ રૂપિયા એકત્ર થઇ શક્યા હતા. જેની હવે એફડી બનાવીને મુકવામાં આવશે.
સમસ્ત લેઉવા પટેલ સમાજ દ્વારા ચલાવવામાં આવતા આ ફેસબુક પેજના એડમીન મહેશ ભુવા ના જણાવ્યા પ્રમાણે તેઓનો આ ગૃપ બનાવવાનો હેતુ જ એ હતો જે જરૂરિયાતમંદોને મદદ કરી શકાય. આજે સોશિયલ મીડિયા પર એવું ઘણું મટીરીયલ જોવા મળે જેનાથી યુવાન વર્ગ વિચલિત થઇ રહ્યો છે. પણ આ પ્લેટફોર્મનો સદુપયોગ કેવી રીતે કરી શકાય એનો અમે વિચાર કર્યો હતો. અને આ ગ્રુપ બનાવ્યું છે.
નોંધનીય છે કે તેમના આ અલગ અલગ ગ્રુપમાં ચાર લાખ થી પણ વધુ યુઝર્સ જોડાયેલા છે. આ ગ્રુપ થઇ તેઓ માનવ સેવા એ જ પ્રભુ સેવાનો વિચાર સાર્થક કરવા માંગે છે. આ ગ્રુપમાં માનવતા ભરી અપીલ કરીને ફોન પે, ગુગલ પે અને ભીમ એપ દ્વારા જે એકાઉન્ટ હોય તે એકાઉન્ટ થઇ લોકોને મદદ કરવા કટિબદ્ધ છે.
આ પણ વાંચો : Surat : GST મામલે નાણામંત્રી સાથે ઉધોગ સંગઠનોની બેઠક ફળે તેવી સંભાવના