SURAT : સુરત મનપા સંચાલિત સ્કૂલોમાં ધો.11 ના વર્ગો આગામી 20 જુલાઈથી શરૂ થશે, હાલ ઓનલાઈન કલાસ જ ચાલશે
આગામી 20 જુલાઇથી અલગ અલગ વિસ્તારની સુમન શાળાઓમાં સુરત મહાનગરપાલિકા (SMC) દ્વારા ગુજરાતી,મરાઠી અને હિન્દી માધ્યમના 24 વર્ગો શરૂ થવા જઈ રહ્યા છે. 1560 વિદ્યાર્થીઓને હાલ ઓનલાઇન એજ્યુકેશન આપવામાં આવશે.
SURAT : સુરત મહાનગરપાલિકા (SMC)સંચાલિત સુમન શાળાઓમાં ચાલુ શૈક્ષણિક વર્ષથી જ ધોરણ 11 અને આગામી વર્ષથી ધોરણ 12 જેમાં આર્ટસ, સાયન્સ, કોમર્સ ફેકલ્ટી શરૂ કરવાનાં પછી મહાનગરપાલિકાએ પ્રવેશ પ્રક્રિયા શરૂ કરી દીધી છે.
20 જુલાઈએ શરૂ થશે ધોરણ-11 ના વર્ગો આગામી 20 જુલાઇથી અલગ અલગ વિસ્તારની સુમન શાળાઓમાં સુરત મહાનગરપાલિકા (SMC) દ્વારા ગુજરાતી,મરાઠી અને હિન્દી માધ્યમના 24 વર્ગો શરૂ થવા જઈ રહ્યા છે. 1560 વિદ્યાર્થીઓને હાલ ઓનલાઇન એજ્યુકેશન આપવામાં આવશે.
જ્યારે 20 જુલાઈએ વર્ગો શરૂ થતા સમયે 18 આચાર્યો ઉપરાંત શિક્ષકો પોત પોતાની શાળામાં હાજર રહેશે. તેઓની સાથે સ્થાનિક કોર્પોરેટરો અને ધારાસભ્યો પણ પોતાના વિસ્તારની શાળાઓ ખાતે હાજર રહેશે. ડીડોલી સ્થિત સુમન શાળા ખાતે મેયર સહિત ભાજપના પદાધિકારીઓ અને કમિશનર શાળા સ્ટાફ સાથે તમામ 24 વર્ગોનો 20જુલાઈના રોજ સવારે 11 વાગ્યે ઉદ્ઘાટન કરશે.
સુમન સ્કુલોમાં ધો-11 ના 24 વર્ગો શરૂ કરાયા નોંધનીય છે કે કોરોના મહામારીને ધ્યાનમાં રાખીને સરકારે માસ પ્રમોશન નિર્ણય કરતા શિક્ષણ સમિતિની શાળાના વિદ્યાર્થીઓને પ્રવેશ નો પ્રશ્ન ન નડે તે માટે પાલિકાએ સુમન સ્કૂલોમાં ગુજરાતી, હિન્દી અને મરાઠી માધ્યમમાં તે માટે સાયન્સ, કોમર્સ અને આર્ટસ ફેકલ્ટીમાં ધોરણ 11 ના વર્ગો શરૂ કરવાનો નિર્ણય કર્યો છે.
1560 વિદ્યાર્થીઓને પ્રવેશ અપાયો સુમન સ્કુલમાં ધોરણ-11 માટે પ્રથમ 24 વર્ગો શરૂ કરવાની જરૂર પડી છે. હાલ વર્ગદીઠ વિદ્યાર્થીઓની 65 સંખ્યા રાખી 1560 બાળકોને પ્રવેશ આપવામાં આવ્યો છે. પરંતુ મહાનગરપાલિકાએ ફોર્મ વહેંચવાનું શરૂ કર્યું ત્યારે પ્રથમ દિવસે 1500 ફોર્મ વહેંચાઈ ગયા હતા અને બાકીના દિવસોમાં મળીને કુલ 2990 ફોર્મ વહેંચાઈ હતા. જેમાંથી કુલ 2437 ફોર્મ ભરીને પરત આવતા મહાનગરપાલિકાએ તેમાંથી માત્ર 1560 વિદ્યાર્થીઓને પ્રવેશ આપ્યો છે. આગામી વર્ષે કદાચ સૌથી વધુ વર્ગનો સમાવેશ કરવો પડશે તેવું લાગી રહ્યું છે.
આ પણ વાંચો : GSEB 12th Result 2021 : લવ-કુશ નામના જોડીયા ભાઈઓમાંથી એક ને A1, બીજાને B1 ગ્રેડ મળ્યો
Latest News Updates
