Surat : સુરતમાં બ્લેક ફંગસનો અજીબ કિસ્સો, દર્દીના ફેફસામાં જોવા મળ્યું ઇન્ફેક્શન

Surat : સુરતમાં બ્લેક ફંગસનો અજીબ કિસ્સો, દર્દીના ફેફસામાં જોવા મળ્યું ઇન્ફેક્શન
Surat: Strange case of black fungus in Surat, infection found in patient's lung

નંદુરબારના રહેવાસી 60 વર્ષીય એક વૃદ્ધને માથામાં દુખાવો અને શ્વાસ લેવામાં તકલીફ હતી. 10 દિવસ પહેલા સારવાર માટે તે સુરત સિવિલ હોસ્પિટલમાં આવ્યા હતા

TV9 GUJARATI

| Edited By: Parul Mahadik

Oct 15, 2021 | 8:16 AM

બ્લેક ફંગસ (Black Fungus ) ના કેસો ભલે ઓછા થઇ ગયા છે. પણ સુરતમાં એક અજીબ જ કેસ સામે આવ્યો છે. જેમાં પહેલી વાર ફેફસાની(Lungs ) અંદર બ્લેક ફંગસ જોવા મળ્યું છે. જેને જોઈને સિવિલના ડોકટરો પણ હેરાન છે. સિવિલના તબીબોનું કહેવું છે કે બ્લેક ફંગસ વિશે તેમને અત્યારસુધી આવા કેસો ચોપડીમાં જ વાંચ્યા હતા. પણ ફેફસામાં મ્યુકર માઇકોસિસના દર્દીને જોઈ પણ લીધો છે. અત્યારસુધી આવા દર્દી આવ્યા નહોતા.

સામાન્ય રીતે આ બીમારી સાઇનસ મારફતે જડબા, આંખ, અને તે પછી બ્રેઇનને સંક્રમિત કરે છે. સિવિલ હોસ્પિટલના ઈ.એન.ટી. વિભાગના પ્રોફેસર ડો. આનંદ ચૌધરીએ જણાવ્યું હતું કે સુરત સિવિલમાં અત્યારસુધી 550 કરતા વધારે મ્યુકર માઇકોસિસના દર્દીઓની સારવાર કરવામાં આવી છે. પરંતુ આ પહેલો કેસ એવો છે જેમાં દર્દીને ફેફસામાં બ્લેક ફંગસ થઇ ગયું છે. દર્દીની સારવાર ચાલી રહી છે અને હાલ તે સ્ટેબલ છે. તેને એમ્ફોટેરિસિંન ઇન્જેક્શન પણ આપવામાં આવી રહ્યા છે. અને મ્યુકર માઇકોસિસના વોર્ડમાં શિફ્ટ કરવામાં આવ્યા છે.

10 દિવસ પહેલા નંદુરબારથી ઈલાજ માટે સુરત આવ્યા હતા  નંદુરબારના રહેવાસી 60 વર્ષીય એક વૃદ્ધને માથામાં દુખાવો અને શ્વાસ લેવામાં તકલીફ હતી. 10 દિવસ પહેલા સારવાર માટે તે સુરત સિવિલ હોસ્પિટલમાં આવ્યા હતા. ટીબી અને ચેસ્ટ વિભાગમાં તેમની સારવાર શરૂ કરવામાં આવી હતી. તપાસમાં માલુમ પડ્યું હતું કે તેમને ટીબી નથી. તે પછી ડોક્ટરોએ તેમના છાતી અને બ્રેઈનનું સીટી સ્કેન અને એમ.આર.આઈ. કરાવ્યું હતું. જેમાં બ્લેક ફંગસ હોવાનું બહાર આવ્યું હતું.

બ્લેક ફંગસના હવે ફક્ત 3 દર્દીઓ  ડો.આનંદ ચૌધરી જણાવે છે કે સિવિલમાં અત્યારસુધી 550 કરતા વધુ દર્દીઓ બ્લેક ફંગસ ના સામે આવી ચુક્યા છે. પણ હાલ ફક્ત ત્રણ દર્દીઓ જ સારવાર લઇ રહ્યા છે. લાંબા સમયથી કોઈ નવો દર્દી નથી નોંધાયો. મ્યુકર માઇકોસિસને કારણે 46 દર્દીઓનો જીવ ગુમાવવો પડ્યો છે. ત્યાં જ 22 દર્દીઓને આંખ ગુમાવવાનો વારો આવ્યો હતો. અત્યારસુધી સિવિલ હોસ્પિટલમાં 450 કરતા વધારે દર્દીઓનું ઓપરેશન થયું છે. અત્યારસુધી સાઇનસ, જડબા, આંખ અને બ્રેઈનમાં જ બ્લેક ફંગસ મળતા હતા. પરંતુ ફેફસામાં બ્લેક ફંગસ મળવાનો આ પહેલો કેસ છે.

આ પણ વાંચો: SURAT : VNSGUમાં ગરબા મામલે ઘર્ષણમાં તાપસના આદેશ, 3 દિવસમાં અહેવાલ રજૂ કરવામાં આવશે

આ પણ વાંચો: Surat: બેંકમાં ધોળા દિવસે દિલધડક લૂંટ, CCTV માં કેદ થયા તમંચાના દમે કરેલી લૂંટના દ્રશ્યો

Follow us on

Related Stories

Most Read Stories

Click on your DTH Provider to Add TV9 Gujarati