મોડાસાના બજારમાં પાર્ક કરેલા મોપેડમાં ચડ્યો સાપ, મોપેડમાં સાપ જોઈને થઈ નાસભાગ
અરવલ્લી જીલ્લાના મુખ્ય મથક મોડાસા શહેરમાં બસ સ્ટેશન વિસ્તારમાં આવેલા ભરચક બજારમાં સાપને લઇને ઓચિંતી દોડાદોડ મચી ગઇ હતી. વાત જાણે કે એમ હતી કે મોડાસા શહેરમાં આવેલા લક્ષ્મી શોપીંગ સેન્ટરમાં એક યુવાન પોતાનુ મોપેડ લઇને મોબાઇલ ખરીદવા માટે આવ્યો હતો. પોતાનુ મોપેડ શોપીંગ સેન્ટરની બહાર જાહેર રસ્તા પર પાર્ક કર્યુ હતુ. જ્યાં અગાઉથી આસપાસમાં […]
અરવલ્લી જીલ્લાના મુખ્ય મથક મોડાસા શહેરમાં બસ સ્ટેશન વિસ્તારમાં આવેલા ભરચક બજારમાં સાપને લઇને ઓચિંતી દોડાદોડ મચી ગઇ હતી. વાત જાણે કે એમ હતી કે મોડાસા શહેરમાં આવેલા લક્ષ્મી શોપીંગ સેન્ટરમાં એક યુવાન પોતાનુ મોપેડ લઇને મોબાઇલ ખરીદવા માટે આવ્યો હતો. પોતાનુ મોપેડ શોપીંગ સેન્ટરની બહાર જાહેર રસ્તા પર પાર્ક કર્યુ હતુ. જ્યાં અગાઉથી આસપાસમાં અન્ય બાઇક અને મોપેડ પાર્ક કરેલા હતાં. યુવક મોબાઇલની દુકાનમાં મોબાઇલ જોઇ રહ્યો હતો એ દરમ્યાન જ કોઇકની નજર પર મોપેડ પર પડતા સાપ તેમાંથી બહાર નિકળ્યો હોવાની બુમાબુમ થઇ હતી.
સાપ હોવાની બુમાબુમ થતા જ આસપાસમાં ઉભેલા લોકોમાં જાણ કે ગભરામણ વધી ગઇ હતી. ભરચક બજાર વિસ્તારમાં જાહેર રોડ પર સાપ નિકળવાની ઘટનાને લઇને લોકો પણ ઘડી બે ઘડી બુમાબુમ કરી મુકી હતી. કોઇકે સ્થાનિક જીવદયા પ્રેમી જયેશ ભટ્ટનો સંપર્ક કરતા, તેઓ ત્યાં પહોંચી ગયા હતા. પંદરથી વીસ મીનીટની મથામણ બાદ મોપેડમાં સંતાયેલા સાપને બહાર કાઢીને પકડી લીધો હતો. જોકે આ સાપ આસપાસમાંથી આવીને મોપેડમાં ઘુસ્યો કે મોપેડમાં જ પહેલાથી સાપ ઘુસીને સફર કરી અહી પહોંચ્યો હતો તેની કોઇ સ્પષ્ટતા થઇ શકી નહોતી અને એ વાતે જ મોપેડ માલિક યુવાન પણ ચિંતામાં હતો કે પોતાને જાણે કે ઘાત ટળી અને સાપ નજરે ચઢતા પકડાઇ ગયો.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો