લ્યો બોલો! યુવાને ખાનગી કાર પર લાલ-વાદળી લાઇટ લગાવવા SP પાસે મંજૂરી માંગી

એક તરફ રાજ્યમાં નકલી અધિકારીઓ ઝડપાઇ રહ્યા છે. ત્યાં હવે કેટલાક યુવાનો પોતાની કાર પર અલગ અલગ એલઇડી લાઇટ અને હોર્ન લગાવીને રુઆબ છાંટતા નજર આવતા હોય છે. પોલીસ દ્વારા આવા અધિકારીઓને પણ પકડવામાં આવે છે અને તેમની સામે કાર્યવાહી કરવામાં આવતી હોય છે.

આ દરમિયાન સાબરકાંઠા જિલ્લામાં એક યુવાને લાલ, પીળી અને વાદળી લાઇટ પોતાની ખાનગી કાર પર લગાવવા માટેની મંજૂરી માંગી છે. યુવાને આ માટે જિલ્લા પોલીસ અધિક્ષકને અરજી પણ કરી છે.

એસપી અને આરટીઓને કરી અરજી

સાબરકાંઠા જિલ્લા પોલીસ અધિક્ષકને સંબોધીને એક યુવાને અરજી કરી છે. જે અરજીમાં તેણે પોતાની ખાનગી કાર પર બિકન-એલઇડી લગાવવા માટે મંજૂરી માંગી છે. વિજયનગરના આ યુવાને એસપીને અરજી કરીને આ અંગે રજૂઆત કરી છે. યુવાને અરજીની એક નકલને પ્રાદેશિક વાહન વ્યવહાર કચેરી, હિંમતનગરને પણ મોકલી આપી છે.

Web Stories View more

શું ફોન સ્વીચ ઓફ હોય તો ઝડપથી ચાર્જ થાય? જાણો સાચો જવાબ

નીતા અંબાણી સવાર થી સાંજ સુધી આખો દિવસ શું કરે છે? જાણો તેમનું શેડ્યૂલ

ગરમીમાં વધારે પડતી ના ખાતા કાકડી ! નહી તો થઈ શકે છે આ સમસ્યા

આજનું રાશિફળ તારીખ : 28-04-2024

પાકિસ્તાની યુવતીના શરીરમાં ધબક્યું ભારતીય હ્રદય, કહ્યું- થેંક્યું ઈન્ડિયા

એલિસ પેરીને ભૂલી જશો, જુઓ મુંબઈ ઈન્ડિયન્સની ખૂબસૂરત ક્રિકેટર એમેલિયા કેરની તસવીરો

પોલીસ તંત્ર પણ યુવાનની માંગણી જોઇને ચોંકી ઉઠ્યુ છે. કારણ કે ખાનગી વાહન પર અને એ પણ કોઇ પદ વિના જ લાઇટ લગાવવીની મંજૂરી કેવી રીતે આપી શકાય. જે રીતે અધિકારીઓ અને પોલીસના અધિકારીઓના વાહનો પર લાલ અને વાદળી એલઇડી-બિકન લગાવેલી હોય છે. એવી જ લાઇટ ખાનગી કાર પર લગાવવાની માંગણીને લઈ હવે પોલીસ આશ્ચર્ય અનુભવી રહી છે.

મંજૂરી માંગવાનું આ છે કારણ?

હવે તમને પણ થતુ હશે કે, આ યુવાનને વળી કોઈ હોદ્દા અને સરકારી પદ વિના જ કેમ આવી લાઇટ પોતાની ખાનગી કાર પર લગાવવાની ઇચ્છા થઈ હશે. તો આ માટેનું કારણ એ છે કે, નાયબ વન સંરક્ષક, સાબરકાંઠાની એક ખાનગી સ્કોર્પિયો કાર પર આવી જ એલઈડી-બિકન લાઇટ લગાવવામાં આવી છે. જેને દૂર કરવા માટે આ યુવાને રજૂઆત કરી છે.

આ પણ વાંચો: હિંમતનગરમાં થયેલ 49 લાખની આંગડીયા લૂંટનો ભેદ ઉકેલાયો, 7 આરોપીઓ ઝડપાયા

આ રજૂઆત બાદ પણ કાર પર આવી લાઇટ નજર આવવાને લઈ યુવાને અરજીમાં જ લખ્યુ છે કે, જેવી લાઇટ નાયબ વનસંરક્ષકના ખાનગી વાહન પર લગાડવામાં આવેલ છે, તેવી જ તે પોતે પોતાની ખાનગી કાર પર લાઈટ લગાવવાની ઈચ્છા ધરાવે છે. જેમાં તેણે લાલ, પીળી અને વાદળી લાઈટ લગાડવાની માંગ કરવામાં આવી છે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો