GST ના દરોડાથી વેપારીઓને ફફડાવ્યા, તપાસ કરતા TV સિરીયલને ટપી જાય એવા ગજબ ‘કલાકાર’ નિકળ્યા! 3 જેલને હવાલે

સાબરકાંઠા જિલ્લાના તલોદ શહેરમાં આવેલ એક હોલસેલ જનરલ સ્ટોર્સ ધરાવતા વેપારીને ત્યાં દશેક દિવસ અગાઉ GST ટીમનો દરોડો પડ્યો હતો. દરોડાને લઈ વેપારી અને તલોદ બજારમાં ફફડાટ વ્યાપી ગયો હતો. જોકે તપાસ કર્યા બાદ GST માં વેપારીએ ગરબડ આચરી હોવાના દમ મારીને વાતને પતાવટ કરવાની વાત કરીને દોઢ લાખ રુપિયા પડાવી લીધા હતા. વેપારીને જોકે જે રીતે મામલાની પતાવટ કરવાની વાત કરી હતી તેને લઈ શંકા ગઈ હતી. આથી પોલીસ સ્ટેશનનો સંપર્ક કરતા પોલીસે CCTV આધારે તપાસ શરુ કરી હતી. જેમાં શહેરને જોડતા માર્ગો પરથી કારની વિગતો મળી આવી હતી. જેના આધારે તલોદ પોલીસે 3 આરોપીઓને ઝડપી લઈ તપાસ શરુ કરતા દરોડો કરનારી GST ટીમ જ આખી નકલી હોવાનુ ખૂલ્યુ છે.

તોડબાજ ગેંગો છેલ્લા કેટલાક સમયથી વધારે સાબરકાંઠા જિલ્લામાં લોકોને પરેશાન કરી રહી છે. આવી જ ગેંગ મીડિયા અને નકલી અધિકારી બનીને લોકોને પરેશાન કરી રહ્યા છે. આવી જ એક ટોળકી તલોદમાં પોલીસે ઝડપી છે. તલોદ પોલીસે 3 આરોપીઓને જેલમાં ધકેલી દઈને તપાસ શરુ કરી છે.

આ પણ વાંચોઃ IPL 2023: CSK ના કોચ ડ્વેન બ્રાવોની હોટ ગર્લફ્રેન્ડ ખૂબસૂરતી કરતા વધારે તેના શોખને કારણે ચર્ચામાં રહે છે, જુઓ Viral Photo

માર્ચ એન્ડીંગે હિસાબ કર્યો!

GST ટીમ બનીને આવેલ નકલી અધિકારીઓની ટોળકીએ તલોદ શહેરમાં ટાવર ચોક વિસ્તારમાં વેપારીને પોતાની જાળમાં ફસાવ્યો હતો. હોલસેલ વેપારીને 31 માર્ચના દિવસે હિસાબો બતાવવા GST અધિકારીઓ હોવાનુ કહીને કહ્યુ હતુ. અદ્દલ સિરીયલના કલાકારોની માફક સજી ધજીને આવેલી ટોળકીએ વેપારીને પોતાના સાણસામાં લીધો હતો. ટીમમાં બે મહિલાઓ પણ સામેલ હતી અને તમામ એક બીજાની સાથે જબરદસ્ત એક્ટીંગ વડે વેપારીને પોતાની ધાકથી ડરાવી દીધો હતો. નકલી અધિકારીની ટીમે વાતને પતાવવા માટે દોઢ લાખ રુપિયાની માંગણી કરી હતી અને પૈસા લઈને રફુચક્કર થઈ ગયા હતા.

જોકે વાતની પતાવટને લઈ શંકા જતા બાદમાં તપાસ શરુ કરી હતી અને પોલીસને જાણકરી હતી. સ્ટોર્સમાં લગાવેલ CCTV ફુટેઝના વિડીયો દર્શાવતા પોલીસે શંકાસ્પદ ટીમ લાગતા પ્રાથમિક તપાસ અજાણ્યા શખ્શો સામે દાખલ કરીને શરુ કરી હતી. વર્ણન ધરાવતી લાલ કાર અંગેની તપાસ પોલીસે શહેરના જુદા જુદા માર્ગો પર કરતા તેનો નંબર સહિતની વિગત મળી હતી. જેના આધારે તલોદ PSI ગૌતમ સ્વામી ખેડા અને અમદાવાદ પહોંચ્યા હતા. આ દરમિયાન તલોદ પોલીસે ત્રણ આરોપીઓની ધરપકડ કરી હતી.

આ પણ વાંચોઃ IPL 2023: ચેન્નાઈ સુપર કિંગ્સ ના કરોડપતિ ખેલાડીને એરપોર્ટ પર દાવ થઈ ગયો, કહ્યુ-આગળ નિકળો છુટ્ટા નથી, Video

પૂજામાં બેઠેલા નકલી અધિકારીને ઉપાડ્યા

પોલીસે પણ એ જ અદાથી પોતાના પોલીસ વાનમાં ઉપાડ્યા હતા, જે અદા થી તેઓએ અભિયન કરીને દરોડો પાડ્યો હતો. પોલીસની ટીમના સાદા કપડા પહેરેલ કર્મચારીઓએ હનુમાન જયંતિની પૂજાના હવનમાં ગોઠવાયેલા નકલી અધિકારીને ઓળખી લીધા બાદ ખાખી પહેરેલી ટીમ પ્રગટ થઈને ઉપાડ્યો હતો. આવી જ રીતે બીજો શખ્શ પોતાના જન્મ દિવસની ખુશીઓ મનાવતો હતો. જેને કેક કપાય એ પહેલા જ તલોદ પોલીસના લોકરુમમાં લાવી દીધો હતો.

ધરપકડ કરાયેલા આરોપી

1. નેહલ શૈલેષ પટેલ, ખેડા
2. ચંદ્રકાન્ત નરેન્દ્રભાઈ મેવાડા, વસ્ત્રાલ, અમદાવાદ
3. દિનેશ મેસરીયા, તલોદ. જિ સાબરકાંઠા

ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો  tv9gujarati.com પર

સાબરકાંઠા, હિંમતનગર તથા ગુજરાત ના તમામ જિલ્લાના સમાચાર વાંચવા માટે જોડાયેલા રહો…