Rajkot : ગ્રામ્ય વિસ્તારમાં ગાજવીજ સાથે વરસાદ, વાસાવડમાં 4 ઈંચથી વધુ વરસાદ ખાબકતા નદીઓમાં ઘોડાપૂર
રાજકોટ શહેર (Rajkot) સહિત ગ્રામ્ય વિસ્તારોમાં વરસાદ વરસાી રહ્યો છે.ગોંડલના (Gondal) વાસાવડ ગામે ગાજવીજ સાથે 2 કલાકમાં 4 ઈંચથી વધુ વરસાદ ખાબકતા ગામનો મુખ્ય પ્રવેશ માર્ગ બંધ કરવામાં આવ્યો છે.
ચોમાસાના (Monsoon 2022) અંતિમ ચરણમાં પણ મેઘરાજા મન મુકીને વરસી રહ્યા છે. હવામાન વિભાગની આગાહી મુજબ સૌરાષ્ટ્રમાં છેલ્લા બે-ત્રણ દિવસથી વરસાદી (Rain) માહોલ જામ્યો છે. રાજકોટ શહેર (Rajkot) સહિત ગ્રામ્ય વિસ્તારોમાં વરસાદ વરસાી રહ્યો છે. ગોંડલના વાસાવડ ગામે ગાજવીજ સાથે 2 કલાકમાં 4 ઈંચથી વધુ વરસાદ ખાબકતા રસ્તાઓ પર વરસાદી પાણી ભરાયા હતા. વાસાવડ પંથકમાં (vasavad) ધોધમાર વરસાદથી વાસાવડી નદીમાં પૂર આવ્યુ. જેના પગલે ગામનો મુખ્ય પ્રવેશતો માર્ગ બંધ કરવાની ફરજ પડી હતી.
સૌરાષ્ટ્રમાં વરસાદી માહોલ જામ્યો
ગીર ગઢડાના જંગલ વિસ્તારમાં મેઘરાજાની તોફાની બેટિંગ જોવા મળી. એક કલાકમાં બે ઈંચ વરસાદ ખાબકતા રાવલ ડેમમાં પાણીની પુષ્કળ આવક થઈ છે.પાણીની આવક થતા ડેમના ચાર દરવાજા ખોલવામાં આવ્યા છે.તો નદી કાંઠાના અને નીચાણવાળા ગામોને તંત્ર દ્વારા એલર્ટ આપવામાં આવ્યુ છે.
અમરેલીના મોટા આંકડિયામાં મેઘરાજાની તોફાની બેટિંગને કારણે જળબંબાકારની સ્થિતિ સર્જાઈ છે. એક કલાકમાં પાંચ ઈંચ વરસાદ (Heavy rain) ખાબકતા ગામની બજારો અને રસ્તાઓ પાણીમાં ગરકાવ થઈ ગયા છે. ગામમાં ચારે બાજુ પાણી જ પાણી જોવા મળી રહ્યું છે. તો અમરેલીથી (Amreli) લુણીધાર, માલવણ, કોલડા, જંગર, જીથુંડી, ઇશ્વરીયા, લાખાપાદર જવાનો માર્ગ (roads) પણ બંધ કરવાની ફરજ પડી છે. મોટા આકડીયા ગામના બસ સ્ટેન્ડ તેમજ બજારોમાં ગોઠણસમા પાણી ભરાતા લોકોને પારાવાર મુશ્કેલીનો સામનો કરવો પડી રહ્યો છે. હાલ લોકો મોટા આકડીયાથી બહાર ન જઈ શકે તે પ્રકારની સ્થિતિ છે.
Latest News Updates
