રાજકોટ(Rajkot) પોલીસના ટ્રાફિક પોલીસ સ્ટેશનમાં ફરજ બજાવતા પોલીસ કોન્સ્ટેબલે(Police Constable) પોતાની સાથે નોકરી કરતી એક મહિલા પોલીસ કોન્સ્ટેબલની છેડતી કરીને તેની પજવણી કરતી હોવાનું સામે આવ્યું છે. જેના આધારે એ ડિવીઝન પોલીસ સ્ટેશનમાં રેશાદ સિંજાત વિરુધ્ધ ગુનો દાખલ કરવામાં આવ્યો હતો જેના આધારે પોલીસે રેશાદની ધરપકડ કરી છે જે બાદ રાજકોટ પોલીસ કમિશનર મનોજ અગ્રવાલે પોલીસ કોન્સ્ટેબલ સસ્પેન્ડ(Suspend) કરી આગળની તપાસ શરૂ કરી છે.પોલીસના કહેવા પ્રમાણે રેશાદ અને મહિલા ટ્રાફિક પોલીસમાં ફરજ બજાવી રહ્યા હતા.રેશાદ દ્રારા એનકેન પ્રકારે ઓફિસમાંથી યુવતીનો નંબર મેળવીને તેને અવારનવાર ફોન કરતો હતો.તેનો પીછો કરીને તેની પજવણી કરતો હતો અને તેની છેડતી પણ કરતો હતો.
મહિલાએ તેનો વિરોધ કર્યો તો તેને ખોટી રીતે બદનામ કરવાની ધમકી પણ આપતો હતો અને તેના પરિવારજનોને મહિલા વિશે ખોટું કહેશે તેવું કહીને તેને બ્લેકમેઇલ કરતો હતો.છેલ્લા બે થી અઢી મહિનાથી રેશાદ મહિલા પોલીસ કોન્સ્ટેબલની છેડતી કરતો હોવાનું સામે આવ્યું હતું,
આખો મામલો ત્યારે પ્રકાશમાં આવ્યો જ્યારે રામનાથ પરા પોલીસ લાઇનમાં આવેલા રેશાદના પોલીસ ક્વાર્ટરમાં મહિલા પોલીસ કોન્સ્ટેબલ બેભાન હાલતમાં મળી આવી હતી.રેશાદના ઘરે કોઇ શંકાસ્પદ ગતિવીધી ચાલી રહી હોવાની સપાસના રહીશોને માલુમ પડતા પાડોશી મહિલાઓ તેના ઘરે પહોંચ્યા હતા જો કે રેશાદે પહેલા તેના ઘરે પ્રવેશ આપ્યો ન હતો જો કે ત્યારબાદ મહિલા કોન્સ્ટેબલ બેભાન હાલતમાં મળી આવી હતી,જે બાદ મહિલા કોન્સ્ટેબલને ખાનગી હોસ્પિટલમાં સારવાર માટે મોકલવામાં આવી છે,જેનું નિવેદન લઇને રેશાદ સામે કાયદાનો ગાળિયો મજબુત થઇ શકે છે.
આ પણ વાંચો : Ahmedabad : રેલવે ડિવિઝન દ્વારા સેફ્ટી સેમિનારનું આયોજન કરાયું, કર્મચારીઓને સુરક્ષા અંગે જાગૃત કરાયા
આ પણ વાંચો : ઓમાનમાં ફસાયેલી નડિયાદની યુવતી કેન્દ્ર સરકારના પ્રયાસોથી પરત ફરી, પરિવારમાં આનંદની લાગણી
Published On - 11:01 pm, Fri, 18 February 22