ગુજરાતમાં જામ્યો વરસાદી માહોલ, રાજ્યના 40 તાલુકામાં નોંધપાત્ર વરસાદથી ખેડૂતોમાં આનંદ
ગઈકાલે રાજ્યના(Gujarat) 40 તાલુકામાં 1થી પોણા ત્રણ ઇંચ વરસાદ વરસ્યો છે.જેમાં સૌથી વધુ સુરતના(Surat) ઉમરપાડામાં પોણા ત્રણ ઇંચ વરસાદ નોંધાયો
ગુજરાતમાં હાલ વરસાદી માહોલ જામ્યો છે.ગઈકાલે રાજ્યના(Gujarat) 40 તાલુકામાં1થી પોણા ત્રણ ઇંચ વરસાદ વરસ્યો છે.જેમાં સૌથી વધુ સુરતના(Surat) ઉમરપાડામાં પોણા ત્રણ ઇંચ વરસાદ(rainfall) નોંધાયા, તો વલસાડના ધરમપુરમાં 2 ઇંચ વરસાદ,તાપીના સોનગઢમાં 2 ઇંચ વરસાદ,દાહોદના ફતેપુરમાં દોઢ ઇંચ વરસાદ,રાજકોટ(rajkot) શહેરમાં 1 ઇંચ વરસાદ અને બનાસકાંઠા જિલ્લામાં પણ મેઘાની ધમાકેદાર બેટિંગ જોવા મળી હતી.
અમદાવાદમાં પણ મેઘરાજાની તોફાની બેટિંગ
ભારે વિલંબ કરાવ્યા બાદ આખરે અમદાવાદમાં(Ahmedabad) પણ મેઘરાજાએ તોફાની બેટિંગ કરી.ગઈકાલે અમદાવાદમાં ભારે પવન સાથે ધોધમાર વરસાદ વરસ્યો જેના પગલે ઠેર ઠેર પાણી ભરાયા હતા. જેના કારણે વાહનચાલકો પરેશાન થયા હતા. તો આ ઉપરાંત રાજકોટ, વડોદરા અને સુરતમાં પણ મેઘરાજા મન મુકીને વરસ્યા હતા. વડોદરા (Vadodara) અને રાજકોટમાં પણ રસ્તા પર પાણી ભરાતા વાહનચાલકો મુશ્કેલીમાં મુકાયા હતા.રાજ્યમાં વરસાદી માહોલ વચ્ચે કેટલાક જિલ્લામાં વીજળી પણ પડી.
રાજકોટના પડધરી અને દેવભૂમિ દ્વારકાના ખંભાળિયામાં વીજળી પડી હતી જે કેમેરામાં કેદ થઈ ગઈ હતી. તો પંચમહાલના ગોધરામાં ઝાડ પર વીજળી પડી હતી જેના કારણે ઝાડમાં આગ લાગી ગઈ હતી..તો આ તરફ સુરેન્દ્રનગરના (Surendranagar) પાટડીમાં ચક્રવાત સર્જાયું હતું જે દ્રશ્યોને પણ સ્થાનિકોએ કેમેરામાં કેદ કરી લીધા હતા.