Breaking News : દક્ષિણ ગુજરાતમાં એલર્ટ, સતત વરસાદને લઈ નદીઓના જળસ્તર વધતાં અનેક વિસ્તાર પાણીમાં, નવસારીમાં 250થી વધુ પરિવારો અસરગ્રસ્ત, જુઓ Video

નવસારી જિલ્લામાં સતત વરસી રહેલા ભારે વરસાદના કારણે કાવેરી નદીમાં પાણીની સપાટીમાં ગંભીર વધારો નોંધાયો છે. હાલ નદીની સપાટી 17 ફૂટ પર પહોંચી ગઈ છે, જેના પરિણામે નવસારી તાલુકાના દેસરા ગામમાં નદીનું પાણી ઘૂસી ગયુ છે. પરિણામે સમગ્ર વિસ્તારનું જનજીવન બઘડાયું છે.

દેસરા ગામમાં અનેક ઘરોમાં વરસાદી પાણી ઘૂસી જતા લોકો ગંભીર પરિસ્થિતિનો સામનો કરી રહ્યા છે. આશરે 250થી વધુ પરિવારો પર આ પ્રકૃતિની આફતનો સીધો અસરકારક અસર પડી છે. ગ્રામજનો ઘરોમાંથી બહાર નિકળી શકતા નથી અને અનાજ-પાણી સહિતની તાત્કાલિક જરૂરિયાતોની પણ અછત સર્જાઈ છે.

સ્થાનિક તંત્રએ રાહત માટે પગલાં શરૂ કર્યા છે, પણ પાણી નિકાલની પાયાની વ્યવસ્થાનો અભાવ જોવા મળ્યો છે. ગ્રામજનો દ્વારાRepeated માગ ઉઠાવવામાં આવી છે કે ધોરણબદ્ધ પાણીના નિકાલ માટે તાત્કાલિક પગલાં લેવામાં આવે, જેથી ભવિષ્યમાં આવી સ્થિતિ ફરી ન સર્જાય.

દેસરા ઉપરાંત આજુબાજુના ગામોમાં પણ નદીની સપાટી વધતા લોકોમાં ભયનો માહોલ છે. જિલ્લા તંત્ર અને SDRFની ટીમો એલર્ટ પર છે અને તમામ જળભરાયેલા વિસ્તારોમાં સ્થિતિની મોનીટરીંગ ચાલુ રાખી છે.

નવસારી તાલુકાના નિચાણવાળા વિસ્તારોમાં સ્થાનિક વરસાદ તથા ઉપરવાસમાં ભારે વરસાદના કારણે સંભવિત પુરની પરિસ્થીતીનું નિર્માણ થવાની સંભાવના થઇ રહી છે. જે અન્વયે સમગ્ર નવસારી જિલ્લા તંત્ર એક્ટીવમોડમાં આવી ગયું છે.

નવસારી જિલ્લાને લગતી નદીઓના જળસ્તરમાં સતત વધારો થઇ રહ્યો છે. જેને લઇ એસ.ડી.આર.એફની ટીમ તથા સ્થાનિક વહીવટી ટીમ દ્વારા નવસારી તાલુકાના પુર સંભવિત વિસ્તારો તથા આશ્રયસ્થાનની સ્થળ મુલાકાત લેવામાં આવી હતી.

રાજ્યના કુલ 144 તાલુકાઓમાં વરસાદ નોંધાયો છે અને સૌરાષ્ટ્ર તેમજ દક્ષિણ ગુજરાતમાં વરસાદનું જોર વધી ગયું છે. સૌથી વધુ વરસાદ માળીયા હાટીનામાં નોંધાયો છે જ્યાં 5.16 ઇંચ વરસાદ ખાબક્યો છે. સુરતના મહુવામાં 4.17 ઇંચ, જૂનાગઢના વિસાવદરમાં 4.65 ઇંચ, ખેડાના ખેરગામમાં 4.17 ઇંચ, નવસારીના ચિખલીમાં 4 ઇંચ અને તલાલામાં 3.90 ઇંચ વરસાદ વરસ્યો છે. તે સિવાય, બોરડોલીમાં 3.46 ઇંચ અને રાણાવાવમાં 3.06 ઇંચ વરસાદ થયો છે. રાજ્યના કુલ 44 તાલુકાઓમાં એક ઇંચથી વધુ વરસાદ નોંધાયો છે.

ગુજરાતભરના તમામ જિલ્લાના સમાચાર વાંચવા માટે અહીં ક્લિક કરો