Kutch: ભુજથી માતાના મઢ જતી ST બસ અને ટ્રક વચ્ચે અકસ્માત, 20 મુસાફરો ઈજાગ્રસ્ત
Kutch: ભુજથી માતાના મઢ જતી એસટી બસ અને ટ્રક વચ્ચે એકસ્માત થયો હતો. કોટડા નજીક એસટી બસ પહોંચી ત્યારે આગળ જઈ રહેલા ટ્રક સાથે પાછળથી અથડાઈ હતી, જેમાં અચાનક બ્રેક વાગવાથી મુસાફરો આગળ તરફ ફંગોળાયા હતા. આ અકસ્માતમાં 20 મુસાફરોને નાની મોટી ઈજા પહોંચી છે.
કચ્છના ભુજ (Bhuj)થી માતાના મઢ જતી એસ.ટી. (S.T.) બસને અકસ્માત નડ્યો હતો. બસ અને ટ્રક વચ્ચે અકસ્માત (Accident) સર્જાયો હતો. જેમાં 20 જેટલા લોકો ઈજાગ્રસ્ત થયા છે. નખત્રાણાના કોટડા જદોડર નજીક આ અકસ્માત સર્જાયો હતો. તમામ ઈજાગ્રસ્તોને નખત્રાણાની સરકારી હોસ્પિટલમાં ખસેડવામાં આવ્યા હતા. તમામ ઈજાગ્રસ્તોને પહેલા સારવાર માટે 108 એમ્બ્યુલન્સ દ્વારા નખત્રાણા સરકારી હોસ્પિટલે ખસેડવામાં આવ્યા હતા. ત્યારબાદ ગંભીર રીતે ઈજાગ્રસ્તોને ભુજની જી. કે. જનરલ હોસ્પિટલમાં ખસેડવામાં આવ્યા હતા. આ અકસ્માતમાં ત્રણ મુસાફરોને ગંભીર ઈજા પહોંચી છે. સવારના સમયે આ અકસ્માતની ઘટના ઘટી હતી.
#Gujarat ST bus en route to Mata Na Madh met with an accident, at least 20 injured #Kutch #TV9News pic.twitter.com/S2lDVCswfJ
— Tv9 Gujarati (@tv9gujarati) October 4, 2022
ST બસના ડ્રાઈવરને પણ આવી ઈજા
સૂત્રો દ્વારા મળતી માહિતી અનુસાર સવારે 11 વાગ્યા આસપાસ માતાના મઢ તરફ જઈ રહેલી એસટી બસે આગળ જતા ટ્રેલર સાથે ધડાકાભેર અથડાઈ હતી. ટ્રકને ઓવરટેક કરવા જતા ટ્રક તરફથી સાઈડ ન મળતા બસ ટ્રક સાથે પાછળથી અથડાઈ હતી. જેમાં અચાનક બ્રેક લાગતા બસમાં સવાર મુસાફરો આગળની તરફ ફંગોળાયા હતા. જેમાં 20 જટેલા મુસાફરો બસની સીટ સાથે ટકરાઈ જવાથી દરેકને નાની મોટી ઈજા થઈ છે. અકસ્માતમાં બસ ચાલકને પણ ઈજા પહોંચી હતી. જો કે અકસ્માતનું ચોક્કસ કારણ હાલ જાણી શકાયુ નથી. પરંતુ આ ઘટના બાદ ઘાયલોને નખત્રાણા સી.એચ.સી. ખાતે ખસેડવામાં આવતા લોકોની ભીડ જમાં થઈ ગઈ હતી. સદનસીબે અકસ્માતમાં કોઈ જાનહાની થઈ નથી.
Latest News Updates
