ટીમ ભૂપેન્દ્રમાં કુલ 16 પ્રધાનોએ શપથ લીધા, રાઘવજી પટેલનો બીજીવાર કેબિનેટમાં સમાવેશ

ગુજરાત વિધાનસભાના 18મા મુખ્યમંત્રી તરીકે ભૂપેન્દ્ર પટેલે શપથ ગ્રહણ કર્યા છે. તેમના નવા મંત્રી મંડળમાં જામનગર ગ્રામીણ વિધાનસભા બેઠક પરથી વિજેતા થયેલા રાઘવજી પટેલને સ્થાન આપવામાં આવ્યું છે. ભૂપેન્દ્ર પટેલના ગત મંત્રી મંડળમાં પણ રાઘવજી પટેલનો સમાવશ કરાયો હતો. રાધવજી પટેલનો જન્મ 1 જૂન 1958માં રાજકોટ જિલ્લાના પડધરી તાલુકાના તરઘડી ગામમાં થયો હતો. રાધવજી પટેલ બીએ. એલએલબી સુધીનો અભ્યાસ કર્યો છે. રાધવજી પટેલના પરિવારમાં તેમણા પત્નિ કાંતાબેન પટેલ, પુત્ર મહેન્દ્ર પટેલ અને જયેન્દ્ર પટેલ છે.

રાધવજીનો શોખ સમાજ સેવાનો છે આ ઉપરાંત રમત ગમત અને વાંચનમાં તેઓ રૃચિ દર્શાવે છે. રાધવજી પટેલ ત્રણ વાર કેબિનેટ મંત્રી અને એક વાર રાજ્યકક્ષાના મંત્રી રહી ચૂક્યા છે.

કેબિનેટ કક્ષાના પ્રધાનોએ લીધા શપથ

ભુપેન્દ્ર પટેલની આગેવાનીની સરકારમાં 8 ચહેરા નવા સામેલા કરવામાં આવ્યા છે. બળવંતસિંહ રાજપૂત, મુળુ બેરા, પરષોત્તમ સોલંકી, બચુ ખાબડ, પ્રફુલ પાનસેરિયા, ભીખુ પરમાર, કુંવરજી હળપતિ, ભાનું બાબરિયા આ આઠ નવા ચહેરાઓ મંત્રીમંડળમાં સામેલ થયા છે. જેમાં એક માત્ર મહિલા ભાનુબેન બાબરિયા કેબિનેટમાં સામેલ થયા છે. તો ઋષિકેશ પટેલ, કનુ દેસાઈ, રાઘવજી પટેલ, જગદીશ પંચાલ, હર્ષ સંઘવી, કુબેર ડીંડોર, કુંવરજી બાવળીયાને રિપીટ કરવામાં આવ્યા છે.

ભૂપેન્દ્ર પટેલ સરકારમાં નવો ચહેરો

(1) બળવંતસિંહ રાજપૂત- કેબિનેટ

(2) મૂળુભાઈ બેરા- કેબિનેટ

(3) ભાનુબહેન બાબરીયા- કેબિનેટ

(4) પરષોત્તમ સોલંકી- રાજ્યકક્ષા

(5) બચુભાઈ ખાબડ- રાજ્યકક્ષા

(6) પ્રફુલ્લ પાનસેરીયા- રાજ્યકક્ષા

(7) ભીખુભાઈ પરમાર- રાજ્યકક્ષા

(8) કુંવરજી હળપતિ- રાજ્યકક્ષા

ભાજપના ઉમેદવાર રાઘવજી પટેલ

ગુજરાતમાં વર્ષ 2019 વિધાનસભાની પેટા- ચૂંટણી જામનગર ગ્રામીણ બેઠક પરથી ભાજપના ઉમેદવાર રાઘવજી પટેલ જીત્યા હતા.આ વખતે પણ જામનગર જિલ્લાની જામનગર ગ્રામીણ વિધાનસભા બેઠક પર ભાજપના રાઘવજી પટેલની જીત થઈ છે. રાધવજી પટેલ એમ.એ પાર્ટ -1 સુધીનોઅભ્યાસ કર્યો છે. તેમની પાસે રૂપિયા 1,00,91,722 ની જંગમ મિલકત છે,રાઘવજીભાઈ હંસરાજભાઈ પટેલ એક રાજકારણી છે જે હાલમાં ગુજરાત સરકારમાં કૃષિ, પશુપાલન વિભાગના કેબિનેટ મંત્રી તરીકે સેવા આપી રહ્યા છે. તેઓ ભારતીય રાષ્ટ્રીય કોંગ્રેસના સભ્ય તરીકે 2012ની ગુજરાત વિધાનસભાની ચૂંટણીમાં જામનગર ગ્રામ્યમાંથી ગુજરાત વિધાનસભામાં ચૂંટાયા હતા.