જામનગરમાં બનશે વિશ્વનું સૌથી મોટું પ્રાણી સંગ્રહાલય, સેન્ટ્રલ ઝુ ઓથોરિટીની બેઠકમાં લેવાયો નિર્ણય

જામનગરમાં વિશ્વનું સૌથી મોટા પ્રાણી સંગ્રહાલયનું નિર્માણ થશે. સેન્ટ્રલ ઝૂ ઓથોરિટી પર અપલોડ કરેલી વિગતો મુજબ આ મેગા ઝૂને ગ્રીન્સ ઝૂઓલોજિકલ રેસ્ક્યુ એન્ડ રિહેબીલીટીશન કિંગડમ તરીકે ઓળખાશે. જામનગરની આબોહવા અને વાતાવરણ વિશ્વભરના પક્ષીઓ અને પ્રાણીઓને માફક આવે તેમ છે. તાજેતરમાં સેન્ટ્રલ ઝૂ ઓથોરિટીની બેઠક યોજાઈ હતી. જેમાં આ નિર્ણય લેવાયો હતો. હાલ દુનિયાનું સૌથી મોટું પ્રાણી સંગ્રહાલય જર્મનીના બર્લિનમાં આવેલું છે. હાલમાં ભારતનું સૌથી મોટું પ્રાણી સંગ્રહાલય તામિલનાડુના ચેન્નઇમાં આવેલું છે. જેનું નામ અરિનગર અન્ન ઝુલોજીકલ પાર્ક છે.