ગુજરાત પોલીસ બનશે વધુ સુસજ્જ, 11 આધુનિક પોલીસ વાનની ફાળવણી કરાઇ

ગુજરાત પોલીસને હવે ગુનો બન્યા બાદ વૈજ્ઞાનિક તપાસ રિપોર્ટ માટે રાહ નહિ જોવી પડે. ગુના સ્થળ પર જ હવેથી વૈજ્ઞાનિક તપાસનો પ્રાથમિક રિપોર્ટ મળી જાય તેવી વાન તૈયાર કરી દેવાઈ છે. મહત્વનું છેકે, આ વાન લૂંટ, હત્યા, દુષ્કર્મ, ડ્રગ્સ, આગ જેવા ગુના ઉકેલવામાં મદદરૂપ બનશે.

પ્રાથમિક ગુનાનો રિપોર્ટ તૈયાર કરવા માટે જ આ ખાસ વાન બનાવવામાં આવી છે. આ વાન ગુનાની પ્રાથમિક તપાસ માટે તમામ પ્રકારના કીટ સાથે તૈયાર કરવામાં આવી છે. હાલમાં દેશના અલગ-અલગ રાજ્યોમાં આ પ્રકારની 55 ખાસ વાન મોકલવામાં આવી છે. રાજ્યના 500થી વધારે પોલીસ મથકોને આ વાનનો લાભ મળશે અને તપાસ પ્રક્રિયામાં વધુ સરળતા રહેશે. ગુજરાત પોલીસને આ ખાસ પ્રકારની 11 વાનની ફાળવણી કરવામાં આવી છે.

આ પણ વાંચો: Surat: કોરોનાની ત્રીજી લહેરનો વિદ્યાર્થી સંગઠનોમાં ભય, ઓફલાઈન પરીક્ષાનો વિરોધ કર્યો