Monsoon 2022: હજુ પાંચ દિવસ ભારે વરસાદની આગાહી, દ.ગુજરાત અને દ. સૌરાષ્ટ્રમાં રેડ એલર્ટ

ગુજરાત (Gujarat) રાજ્યમાં આગામી 5 દિવસ સાર્વત્રિક વરસાદ  (Rain) રહેવાની હવામાન વિભાગે આગાહી (forecast) આપી છે. વોલમાર્ક લો પ્રેશર હોવાથી રાજ્યમાં અત્યંત ભારે વરસાદની આગાહી આપવામાં આવી છે. આજે રાજ્યમાં વરસાદનું પ્રમાણ ઘટ્યું છે. પરંતુ હજી પણ જૂનાગઢ, ગીર સોમનાથ, ડાંગ, વલસાડ અને નવસારીમાં ભારેથી અતિભારે વરસાદની આગાહીને પગલે રેડ એલર્ટ જાહેર કરવામાં આવ્યુ છે. 14 અને 15 જુલાઈએ દક્ષિણ ગુજરાતમાં નવસારી. ડાંગ અને વલસાડમાં અને સૌરાષ્ટ્રમાં અમરેલી અને ગિરસોમનાથમાં રેડ એલર્ટ અપાયું છે જ્યારે 15 જુલાઈએ સૌરાષ્ટ્રમાં જૂનાગઢ. અમરેલી અને ગિરસોમનાથમાં રેડ એલર્ટ અપાયું છે. આ સાથે કચ્છ, જામનગર, રાજકોટ, ભરૂચ, વડોદરા, આંણદ, પંચમહાલ, છોટા ઉદેપુર, સાબરકાંઠા, મહીસાગર, અરવલ્લીમાં યેલ્લો એલર્ટ અપાયું છે. ભારે વરસાદની આગાહીના પગલે રાજ્યનું વહીવટી તંત્ર હજુ સ્ટેન્ડ ટૂ છે અને નાગરિકોના જાનમાલની સુરક્ષા અને સલામતી માટે સુસજજ કરાયું છે. આગાહીને ભાગરૂપે માછીમારોને 5 દિવસ દરિયો ન ખેડવાની સૂચના આપવામાં આવી છે.

હવામાન વિભાગનાં ડાયરેકટર ડો. મનોરમાં મોહંતીએ રાજ્યમાં પડેલા વરસાદના આકડા આપતાં કહ્યું હતું કે રાજ્યમાં છેલ્લા 24 કલાકમાં સરેરાશ 46 ટકાથી વધુ વરસાદ વરસ્યો છે. ભરૂચ જિલ્લાના વાગરા તાલુકામાં સૌથી વધુ 9 ઇંચ વરસાદ તથા રાજ્યના અન્ય 25 તાલુકાઓમાં 4 ઇંચથી વધુ વરસાદ સહિત રાજ્યના અન્ય 142 તાલુકાઓમાં નોંધપાત્ર વરસાદ વરસ્યો હોવાના અહેવાલો છે.

રાજ્યના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ આજે તારીખ ૧૩ જુલાઇ 2022ના રોજ સવારે 6 કલાક પુરા થતાં ૨૪ કલાક દરમિયાન વાગરા તાલુકામાં 233 મિ.મી., અંજારમાં 212 મિ.મી. મળી એમ બે તાલુકાઓમાં 8 ઇંચ કરતા વધુ વરસાદ નોંધાયો છે. ભુજમાં 197 મિ.મી, વઘઈમાં 174 મિ.મી, ગાંધીધામમાં 171 મિ.મી, વાંસદામાં 165 મિ.મી, આહવામાં 160 મિ.મી, કરજણમાં 149મિ.મી મળી કુલ સાત તાલુકાઓમાં પાંચ ઈંચ જેટલો વરસાદ વરસ્યો છે. જ્યારે નખત્રાણામાં 141 મિ.મી, ડોલવાણમાં ૧૪૧ મિ.મી, વ્યારામાં 138 મિ.મી, સોનગઢમાં 136 મિ.મી, રાજકોટમાં, ધનસુરા, માંડવી (સુરત)માં 133 મિ.મી, ભરૂચમાં 126 મિ.મી, મહુવામાં 123 મિ.મી, સુબીરમાં 115 મિ.મી, ખેડબ્રહ્મામાં 114 મિ.મી, વાલોડમાં 113 મિ.મી, જોડિયામાં 112 મિ.મી, ઝઘડિયામાં, ઉમરપાડામાં 102 મિ.મી, પાદરામાં 101 મિ.મી, અંકલેશ્વરમાં 100 મિ.મી, આમ કુલ 25 તાલુકાઓમાં 4 ઇંચ કરતા વધુ વરસાદ નોંધાયો છે.

આ પણ વાંચો

આ ઉપરાંત સુત્રાપાડા તાલુકામાં 94 મિ.મી, અબડાસામાં 90 મિ.મી, વાલિયામાં 85 મિ.મી, બારડોલીમાં 83 મિ.મી, માંડવી (કચ્છ)માં 81 મિ.મી, વિસાવદરમાં 80 મિ.મી, ભાભરમાં 79 મિ.મી, ચોર્યાસી અને પલસાણામાં 76 મિ.મી, મેંદરડામાં 77 મિ.મી મળી કુલ 10 તાલુકાઓમાં 3 ઈંચથી વધુ વરસાદ નોંધાયો છે.

જ્યારે વડોદરા તાલુકામાં 72 મિ.મી, કપરાડામાં 71 મિ.મી, નવસારીમાં અને મહુધામાં 70 મિ.મી, મેઘરજમાં 69 મિ.મી, મુન્દ્રામાં 68 મિ.મી, કોડીનારમાં 66 મિ.મી, હાંસોટમાં અને મોરબીમાં 64 મિ.મી, માંગરોળમાં 63 મિ.મી, નેત્રંગમાં, ભિલોડામાં 60 મિ.મી, આણંદમાં 58 મિ.મી, કેશોદમાં, ડેડીયાપાડામાં, પોશિનામાં 57 મિ.મી, ગીર ગઢડામાં, કામરેજમાં, આંકલાવમાં 56 મિ.મી, નાંદોદમાં 55 મિ.મી, જલાલપુરમાં 54 મિ.મી, ખંભાળિયામાં 53 મિ.મી, ગણદેવીમાં ૫૨ મિ.મી, જામનગરમાં 51 મિ.મી, તાલાલામાં અને ચીખલીમાં 50 મિ.મી મળી કુલ 27 તાલુકાઓમાં 2 ઇંચથી વધુ વરસાદ વરસ્યો છે. તેમજ રાજ્યના અન્ય કુલ 148 તાલુકાઓમાં 1 ઇંચ જેટલો વરસાદ નોંધાયા હોવાના અહેવાલ છે.

અત્રે ઉલ્લેખનીય છે કે, રાજ્યનો કુલ સરેરાશ વરસાદ 46 ટકા જેટલો નોંધાયો છે. જેમાં કચ્છ ઝોનમાં સૌથી વધુ 93.54 ટકા, દક્ષિણ ગુજરાત ઝોનમાં 57.36 ટકા, સૌરાષ્ટ્ર ઝોનમાં 47.23 ટકા, પૂર્વ ગુજરાતમાં 37.92 ટકા અને ઉત્તર ગુજરાતમાં 26.25 ટકા મોસમનો કુલ સરેરાશ નોંધાયો હોવાના અહેવાલ છે.