Gandhinagar: અમદાવાદના નરેન્દ્ર મોદી સ્ટેડિયમમાં 14 ઓક્ટોબરે ભારત પાકિસ્તાન વચ્ચે મેચ યોજાશે. આ મેચને લઈને કડક સુરક્ષાનો બંદોબસ્ત કરવામાં આવ્યો છે. સમગ્ર સ્ટેડિયમ જાણે સુરક્ષા છાવણીમાં ફેરવાય ગયુ તે પ્રકારે સુરક્ષાનો જડબેસલાક બંદોબસ્ત કરવામાં આવ્યો છે. સ્ટેડિયમની અંદર અને બહાર પોલીસનો કડક બંદોબસ્ત છે.
મેચ દરમિયાન પ્રેક્ષકોના ભારે ધસારાને ધ્યાને રાખી 17 પાર્કિંગ પ્લોટ બનાવવામાં આવ્યા છે. જેમા 8000 કાર અને 10,000 ટુવ્હીલના પાર્કિંગની ક્ષમતા ધરાવતા પ્લોટ માટે શો માય પાર્કિગ એપથી પાર્કિંગ સ્લોટ બુક કરાવી ચાર્જ ચુકવી વાહનો પાર્ક કરવાના રહેશે. આ દરમિયાન ઍરપોર્ટથી સ્ટેડિયમ સુધી VVIP કોરિડોર તૈયાર કરાશે.
સ્ટેડિયમ પર મેચ જોવા આવનારા લોકોએ તેમના વાહનો પાર્કિંગ પ્લોટમાં પાર્ક કરવાના રહેશે. જ્યારે અમદાવાદના સ્થાનિક લોકોને મેટ્રો, BRTS અને AMTSનો ઉપયોગ કરે તેવી અપીલ કરવામાં આવી છે. જેટલો લોકો પબ્લિક ટ્રાન્સપોર્ટનો ઉપયોગ કરશે તેટલી સુચારુ વ્યવસ્થા જળવાઈ રહેશે અને લોકોએ ટ્રાફિકજામનો ભોગ નહીં બનવુ પડે.
પ્રેક્ષકોની સુરક્ષાને ધ્યાને રાખી સ્ટેડિયમની અંદર અને સ્ટેડિયમની બહાર સુરક્ષાનો લોખંડી બંદોબસ્ત કરવામાં આવ્યો છે. જેમા 1 DIG, 8 DCP, 12 ACP, 25 PI, 68 PSI, 1631 કોન્સ્ટેબલ, હેડ કોન્સ્ટેબલ, મહિલા કોન્સ્ટેબલ સહિત કુલ 1743 પોલીસકર્મીઓ તૈનાત રહેશે. ઉપરાંત ટ્રાફિક વિભાગના JCP, 3 DCP, 4 ACP, 9 PI, 17 PSI, 1205 જેટલા કોન્સ્ટેબલ, હેડ કોન્સ્ટેબલ, ASI સહિત કુલ 1200થી વધુ પોલીસકર્મી તૈનાત રહેશે.
ગાંધીનગર સહિત ગુજરાતના તમામ સમાચાર વાંચવા માટે અહીં ક્લિક કરો
Published On - 11:24 am, Mon, 9 October 23