CM ભુપેન્દ્ર પટેલનો વધુ એક મહત્વપૂર્ણ નિર્ણય, કાનના મશીન માટે સરકાર આપશે મોટી સહાય
રાજ્યમાં શાળા આરોગ્ય કાર્યક્રમ અંતર્ગત કોકલિયર ઇમ્પ્લાન્ટ ઓપરેશનનો અંદાજિત ખર્ચ 7 લાખ રૂપિયા જેટલો થાય છે. રાજ્ય સરકારે અત્યાર સુધીમાં 3061 કોકલિયર ઇમ્પ્લાન્ટ ઓપરેશન માટે 214 કરોડ રૂપિયાનો ખર્ચ કર્યો છે. રાજ્યમાં હાલ લગભગ 200 બાળકોને કોકલિયર ઇમ્પ્લાન્ટ પ્રોસેસરની જરૂરિયાત છે.
મુખ્યમંત્રીએ રાજયમાં જે બાળકોને સરકાર તરફથી એકવાર વિનામુલ્યે કોકલિયર ઇમ્પ્લાન્ટ કરવામાં આવે છે તેવા બાળકોને બીજા કોકલીયર ઇમ્પ્લાન્ટ પ્રોસેસર માટે અગાઉ 50 ટકા પ્રમાણે આપવાના થતા ફાળાને બદલે હવે લાભાર્થી પાસેથી માત્ર 10 ટકા ફાળો લેવાનો નિર્ણય કર્યો છે. જેથી વાલીઓ બાળકને અગાઉ આપવામાં આવેલ કોકલીયર મશીનની કાળજી વ્યવસ્થિત લેશે.
આ ઉપરાંત જે કિસ્સાઓમાં લાભાર્થીઓએ સરકારી સહાય વગર પોતાના ખર્ચે કોકલિયર ઇમ્પ્લાન્ટ કરાવેલું હશે. તેમાં 4 લાખ રૂપિયાથી ઓછી આવક ધરાવતા લાભાર્થીઓને એક વાર કોકલીયર ઇમ્પ્લાન્ટ પ્રોસેસર માટે હવે લાભાર્થી પાસેથી 10 ટકા ફાળો લેવાની જોગવાઇ કરવામાં આવી છે.
સુપર સ્પેશિયાલીટી સારવાર માટે અમદાવાદ ખાતે રીફર થતા આરોગ્ય કાર્યક્રમના તમામ લાભાર્થીઓને તેમના રહેઠાણથી આરોગ્ય સંસ્થા સુધીનું જવા આવવાનું મુસાફરી ભથ્થુ એસ.ટી.ના ભાવ મુજબ મળશે તેવો પણ નિર્ણય મુખ્યમંત્રી ભુપેન્દ્ર પટેલે કર્યો છે.
રાજ્યમાં શાળા આરોગ્ય કાર્યક્રમ અંતર્ગત કોકલિયર ઇમ્પ્લાન્ટ ઓપરેશનનો અંદાજિત ખર્ચ 7 લાખ રૂપિયા જેટલો થાય છે. રાજ્ય સરકારે અત્યાર સુધીમાં 3061 કોકલિયર ઇમ્પ્લાન્ટ ઓપરેશન માટે 214 કરોડ રૂપિયાનો ખર્ચ કર્યો છે. રાજ્યમાં હાલ લગભગ 200 બાળકોને કોકલિયર ઇમ્પ્લાન્ટ પ્રોસેસરની જરૂરિયાત છે. આવા એક પ્રોસેસરની અંદાજિત કિંમત 3 લાખ રૂપિયા થાય છે.
મુખ્યમંત્રી ભુપેન્દ્ર પટેલના આ બાળ આરોગ્ય હિતલક્ષી નિર્ણયને પરિણામે આવા બાળકોને માત્ર 10 ટકા ફાળામાં આ કોકલિયર ઇમ્પ્લાન્ટ પ્રોસેસરનો લાભ મળતો થશે.
