Breaking News : ક્રિકેટ મેચ રસિકો માટે સારા સમાચાર ! IPL દરમિયાન વરસાદની શક્યતા નહિવત, કેટલાક વિસ્તારોમાં ઠંડરસ્ટોર્મની શક્યતા
Weather News આજે અને આવતીકાલે રાજ્યના જુદા જુદા ભાગોમાં હળવાથી મધ્યમ વરસાદની આગાહી કરવામાં આવી છે. જો કે કરા પડવાની શક્યતા નહિવત છે.
IPL મેચના રસિકો માટે સારા સમાચાર સામે આવ્યા છે. હવામાન વિભાગની આગાહી અનુસાર IPL દરમિયાન વરસાદની શક્યતા નહિવત છે. જો કે આજે અને આવતીકાલે રાજ્યના જુદા જુદા ભાગોમાં હળવાથી મધ્યમ વરસાદની આગાહી કરવામાં આવી છે. જો કે કરા પડવાની શક્યતા નહિવત છે.
આ પણ વાંચો- Nitish Rana કેપ્ટન બનતાની સાથે જ કાલી માના દર્શન કરવા પહોંચ્યા, IPL શરૂ થતા પહેલા આશીર્વાદ લીધા
ગુજરાતમાં કમોસમી વરસાદનો રાઉન્ડ એક પછી એક શરુ થયો છે. આજથી બે દિવસ ફરી રાજ્યના જુદા જુદા ભાગોમાં હળવાથી મધ્યમ વરસાદની આગાહી કરવામાં આવી છે. જો કે હવામાન વિભાગે કરા પડવાની શક્યતા નહીંવત દર્શાવી છે. જોકે અમદાવાદમાં યોજાનારી IPL મેચને વરસાદનું ગ્રહણ નહીં નડે. કારણકે અમદાવાદમાં 31 માર્ચથી શરુ થનારી IPL મેચ દરમિયાન વરસાદની શક્યતા નહીંવત છે. આ પહેલા જ અમદાવાદ અને ગાંધીનગરમાં છુટો છવાયો વરસાદ વરસી શકે છે. જેથી IPL દરમિયાન વરસાદ થવાની આફત નહી રહે.
અમદાવાદમાં રમાવાની છે કુલ સાત મેચ
અમદાવાદના નરેન્દ્ર મોદી સ્ટેડિયમમાં લીગ તબક્કાની કુલ સાત મેચો રમાશે. એટલે કે ગુજરાત ટાઇટન્સ પોતાની તમામ હોમ મેચ આ મેદાન પર રમશે. 31મી માર્ચે ગુજરાત ટાઇટન્સ અને ચેન્નાઇ સુપર કિંગ્સ બાદ હવે પછીની મેચ 9મી એપ્રિલે ગુજરાત ટાઇટન્સ અને કોલકાતા નાઇટ રાઇડર્સ વચ્ચે થશે. આ પછી 16મી એપ્રિલે રાજસ્થાન રોયલ્સ, 25મી એપ્રિલે મુંબઈ ઈન્ડિયન્સ, 2જી મેના રોજ દિલ્હી કેપિટલ્સ, 7મીએ લખનૌ સુપર જાયન્ટ્સ અને 15મીએ સનરાઈઝર્સ હૈદરાબાદ આ મેદાન પર ગુજરાત ટાઇટન્સ સામે અમદાવાદમાં મેચ રમશે. જો કે આ દરમિયાન તેમને વરસાદી માહોલ નહીં નડે.
કેટલાક વિસ્તારોમાં ઠંડરસ્ટોર્મની શક્યતા
ગુજરાતમાં કેટલાક વિસ્તારોમાં ઠંડરસ્ટોર્મની શક્યતા છે. હવામાન વિભાગે ઉત્તર ગુજરાત, કચ્છ, જામનગર મોરબી વિસ્તારોમાં વરસાદની આગાહી કરી છે. રાજકોટ જૂનાગઢ, સોમનાથ, અમરેલી, મોરબીમાં વરસાદ વરસી શકે છે. અમદાવાદ અને ગાંધીનગર મહેસાણા વિસ્તારમાં પણ છૂટોછવાયો વરસાદ રહી શકે છે. બે દિવસ તાપમાનમાં 2 થી 3 ડિગ્રી ઘટશે. બે દિવસ બાદ ફરી તાપમાનમાં 2 થી 3 ડિગ્રી વધારો થશે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
Latest News Updates
