Breaking News: રાજ્ય સરકારની એસ.ટી.નિગમના કર્મચારીઓને ભેટ, મોંઘવારી ભથ્થામાં 2% વધારો

ગુજરાત રાજ્ય માર્ગ વાહનવ્યવહાર નિગમ (GSRTC)ના કર્મચારીઓ માટે ખુશીના સમાચાર છે. CM દ્વારા એસ.ટી. નિગમના કર્મચારીઓને હાલમાં મળતા મોંઘવારી ભથ્થામાં 2% નો વધારો કરવાનો નિર્ણય લેવામાં કર્યો છે. આ વધારા બાદ હવે કર્મચારીઓને 53% ના બદલે 55% મુજબ મોંઘવારી ભથ્થું ચૂકવવામાં આવશે. આ નિર્ણયથી લાંબા સમયથી મોંઘવારી ભથ્થામાં વધારાની રાહ જોઈ રહેલા હજારો કર્મચારીઓમાં ખુશીનો માહોલ છે અને તેઓએ સરકારના આ નિર્ણયને આવકાર્યો છે.

મોંઘવારી ભથ્થાનું એરિયર્સ પણ મળશે

મોંઘવારી ભથ્થામાં વધારાની સાથે સાથે, સરકારે કર્મચારીઓને મોંઘવારી ભથ્થાના એરિયર્સની પણ ચુકવણી કરવાનો નિર્ણય લીધો છે. આ નિર્ણયથી કર્મચારીઓને આર્થિક રીતે મોટો ફાયદો થશે. સરકારના નિર્ણય થકી કુલ રૂપિયા 30 કરોડથી વધુનો લાભ એસ.ટી. નિગમના કર્મચારીઓને મળશે. આ રકમ તેમને આર્થિક રીતે મદદરૂપ થશે.

ટૂંક સમયમાં સત્તાવાર જાહેરાત

આ નિર્ણય લેવાઈ ગયો હોય, પરંતુ ટૂંક સમયમાં જ આ માટેની વિગતવાર માહિતી સત્તાવાર રીતે જાહેર કરવામાં આવશે. આ માહિતીમાં મોંઘવારી ભથ્થાના વધારાની તારીખ અને એરિયર્સની ચૂકવણીની પદ્ધતિ જેવી બાબતોનો સમાવેશ થશે. કર્મચારીઓ આ વિગતવાર માહિતીની આતુરતાપૂર્વક રાહ જોઈ રહ્યા છે. આ નિર્ણય CM ની કર્મચારીલક્ષી નીતિ દર્શાવે છે અને રાજ્યના કર્મચારીઓના કલ્યાણ પ્રત્યેની સરકારની પ્રતિબદ્ધતાને ઉજાગર કરે છે.