Breaking News : ખેડૂતો માટે ફરી એકવાર માઠા સમાચાર, ગુજરાતમાં કમોસમી વરસાદનો આવશે વધુ એક રાઉન્ડ, અમદાવાદ ગાંધીનગરમાં પડશે વરસાદ

ગુજરાતમાં ખેડૂતોની મુસીબત ઓછુ થવાનું નામ નથી લઇ રહી. ખેડૂતો માટે ફરી એકવાર માઠા સમાચાર સામે આવ્યા છે. હવામાન વિભાગની આગાહી અનુસાર ગુજરાતમાં કમોસમી વરસાદનો વધુ એક રાઉન્ડ થશે. 29, 30 અને 31 માર્ચે ગુજરાતમાં વરસાદ માહોલ રહેવાની આગાહી કરવામાં આવી છે. હવામાન વિભાગે ગાજવીજ અને ભારે પવન સાથે વરસાદની આગાહી કરી છે.

28 માર્ચે રાજ્યમાં વાદળછાયુ વાતાવરણ રહેશે

રાજ્યમાં ફરી એક વખત કમોસમી વરસાદનું સંકટ જોવા મળશે. સાયક્લોનિક સિસ્ટમ સક્રિય થતા હવામાન વિભાગે વરસાદની આગાહી કરી છે.  હવામાન વિભાગે આગામી 5 દિવસને લઈને આગાહી કરી છે. આગામી 2 દિવસમાં વરસાદની શકયતા નહીંવત દર્શાવવામાં આવી છે. જો કે હવામાન વિભાગે કરેલી આગાહી અનુસાર આવતીકાલ એટલે કે 28 માર્ચે રાજ્યમાં વાદળછાયુ વાતાવરણ જોવા મળશે. જે પછી 29, 30 અને 31 માર્ચે ગુજરાતમાં ફરીથી વરસાદી માહોલ જોવા મળશે.

દક્ષિણ ગુજરાત અને સૌરાષ્ટ્રમાં થશે વરસાદ

વેસ્ટર્ન ડિસ્ટર્બન્સના કારણે ગુજરાત રિજયન અને કચ્છમાં વરસાદ રહેવાની આગાહી કરવામાં આવી છે. હવામાન વિભાગે ગાજવીજ અને ભારે પવન સાથે વરસાદની આગાહી કરી છે. હવામાન વિભાગની આગાહી અનુસાર જામનગર, રાજકોટ, સુરેન્દ્રનગર, અમદાવાદ, બનાસકાંઠા, પાટણ અને અરવલ્લીમાં વરસાદ રહેશે.

Web Stories View more

IPL Mega Auction : આ ટીમ રૂપિયા ખર્ચવામાં નંબર-1

IPL 2025 Auction : જાણો ક્યાં મફતમાં ઓક્શન લાઈવ જોઈ શકાશે

કાજોલે આ કારણથી શાહરૂખ ખાનની ફિલ્મ કરી હતી રિજેક્ટ, બાદમાં એશ્વર્યાને મળ્યો રોલ

સૌથી સસ્તી Tata Car ની કાર કેટલાની આવે ? જાણો તેની કિંમત

Green onion : લીલી ડુંગળીમાં કયું વિટામિન હોય છે, તેને ખાવાથી શું ફાયદા થાય છે?

શિયાળામાં સ્ટાર ફ્રુટ ખાવાથી થાય છે અઢળક લાભ

31 માર્ચે દક્ષિણ ગુજરાતમાં અને સૌરાષ્ટ્રમાં કેટલાક વિસ્તારમાં વરસાદ રહેશે. 30 તારીખે રાજકોટ, જામનગર, દ્વારકા અને કચ્છમાં વરસાદની આગાહી કરાઈ છે. તો 31 તારીખે પોરબંદર, અમરેલી, જૂનાગઢ, દ્વારકામાં વરસાદની આગાહી કરવામાં આવી છે.

29 અને 30 માર્ચે અમદાવાદ અને ગાંધીનગરમાં વરસાદ પડશે

આગામી 3 દિવસમાં તાપમાન 3 ડિગ્રી વધવાની આગાહી કરવામાં આવી છે. તાપમાન વધતા ગરમીમાં પણ વધારો થશે. બે દિવસ બાદ વરસાદને કારણે તાપમાનમાં સામાન્ય ઘટાડો થશે. 29 અને 30 માર્ચે અમદાવાદ અને ગાંધીનગરમાં વરસાદ રહેવાની આગાહી કરવામાં આવી છે. કેટલાક વિસ્તારમાં પવન અને ઠંડર સ્ટોર્મ એક્ટિવિટી સાથે વરસાદ વરસી શકે છે. પહેલા ગરમી અને બાદમાં કમોસમી વરસાદ થવાની આગાહી કરવામાં આવી છે.

કમોસમી વરસાદથી ખેડૂતોના મોઢે આવેલો કોળ્યો છિનવાયો છે. ખેડૂતો માટે આભમાંથી આફત વરસતા જગતના તાતની કમાણી પાણીમાં ગરકાવ થઈ ગઈ છે. માવઠાથી ઘઉં, ચણા, ધાણા, તલ, એરંડા, સૂર્યમુખી સહિતના ઊભા પાકો પર પાણી ફરી ગયુ છે. હવે સરકાર દ્વારા વહેલી તકે સર્વે કરાવી અને સહાય આપે તેવી ખેડૂતો માગ કરી રહ્યા છે.