Breaking News : ગુજરાતમાં કોરોના બ્લાસ્ટ, એક્ટિવ કેસની સંખ્યા 1000ને પાર, નવા 247 કેસ, એક મૃત્યુ

ગુજરાતમાં કોરોનાના કેસમાં સતત વધારો થઈ રહ્યો છે. જેમાં 22 માર્ચના રોજ રાજ્યના કોરોના બ્લાસ્ટ થયો છે. જેમાં નવા 247 કેસ ઉમેરાતા એક્ટિવ કેસની સંખ્યા 1000ને પાર થઈ છે.  કોરોનાના એક્ટિવ કેસ 1064એ પહોંચ્યા છે . તેમજ આજે એક દર્દીનું મૃત્યુ થયું છે. જેમાં અમદાવાદમાં 124, અમરેલીમાં 19, મોરબીમાં 17, સુરતમાં 17, રાજકોટમાં 16, મહેસાણામાં 12, વડોદરામાં 09, રાજકોટ જિલ્લામાં 08, સુરત જિલ્લામાં 06, ગાંધીનગરમાં 03, જામનગરમાં 03, આણંદમાં 02, સાબરકાંઠામાં 02, ભાવનગરમાં 01, દ્વારકામાં 01, ગાંધીનગરમાં 01, જામનગરમાં 01, ખેડામાં 01, નવસારીમાં 01, પંચમહાલમાં 01, પાટણમાં 01 અને પોરબંદરમાં 01 કેસ નોંધાયો છે.
જ્યારે કોરોના રિકવરી રેટ 99.05 ટકા થયો છે.  તેમજ આજે કોરોનાથી 98 દર્દી સાજા થયા છે.

ગુજરાત કોરોના અપડેટ; કોરોનાના નવા 247 કેસ, એક દર્દીનું મોત #Covid19 #coronavirus #gujarat #TV9News pic.twitter.com/YGD4WSpa5f

— Tv9 Gujarati (@tv9gujarati) March 22, 2023

ગુજરાતમાં કોરોનાની સાથે સાથે H3N3 વાયરસનો વધારો જોવા મળી રહ્યો છે. જેમાં રાજ્ય સરકારે આ વાયરસના ફેલાવાના રોકવા માટે પણ પગલાં લેવાનું શરૂ કર્યું છે.

ICMRની ગાઈડ લાઈન પ્રમાણે જરૂરી પગલા લેવા સૂચના આપવામાં આવી

આ ઉપરાંત, રાજ્યમાં નવા વાયરસ H3N2ના ઝડપી પ્રસારને લઈ આરોગ્ય વિભાગ એક્શનમાં આવ્યું છે. આરોગ્ય પ્રધાન ઋષિકેશ પટેલે વરિષ્ઠ અધિકારીઓ સાથે સમીક્ષા બેઠક યોજી હતી. H3N2 વાયરસના દર્દીઓમાં તાવ, શરદી, ખાંસી, ગળાની તકલીફ, ઊલટી, કળતર જેવા લક્ષણો જોવા મળી રહ્યાં છે. ત્યારે રાજ્યામાં દવાનો જથ્થો, ટેસ્ટિંગ લેબ, તબીબોની ઉપલબ્ધતા અંગે સમીક્ષા કરવામાં આવી. આ ઉપરાંત કેન્દ્ર સરકારની ICMRની ગાઈડ લાઈન પ્રમાણે જરૂરી પગલા લેવા સૂચના આપવામાં આવી.

આ પણ વાંચો : Gujarati Video : ગુજરાતમાં તાપી, અમરેલી, સુરત, રાજકોટ સહિતના વિસ્તારોમાં ધોધમાર વરસાદ, જગતનો તાત મુશ્કેલીમાં