Bhavnagar: મહુવાના કતપરમાં લગ્ન પ્રસંગે સ્પ્રે ઉડાડવા બાબતે બબાલ, 5 લોકો ઈજાગ્રસ્ત, જુઓ Video

ભાવનગરના ( Bhavnagar ) મહુવામાં કતપર ગામે લગ્ન પ્રસંગમાં મારામારીની ઘટના બની છે. કતપર ગામે બે પક્ષના વરઘોડા સામસામે આવી જતા માથાકૂટ સર્જાઇ હતી. વરઘોડામાં સ્પ્રે ઉડાડવા જેવી સામાન્ય બાબતને લઇ માથાકૂટ ઉગ્ર બની જતા મારામારી થઇ હતી. જો કે બંને પક્ષ વચ્ચે સામાન્ય બોલાચાલી બાદ મારામારી થતા 5 જેટલા લોકોને ઇજા પહોંચી હતી.

આ પણ વાંચો :Bhavnagar ના બજારોમાં હાલ કેસર કેરીનું ધૂમ વેચાણ, ઉત્પાદન ઓછું હોવાથી ખેડૂતોને મળ્યા સારા ભાવ

ઇજાગ્રસ્ત તમામ લોકોને મહુવાની જનરલ હોસ્પિટલમાં ખસેડવામાં આવ્યા છે. પરંતુ મહત્વનું છે કે, આજના સમયમાં સામાન્ય બાબતે લોકો પોતાના ગુસ્સા પર કાબૂ ન રાખીને મારામારી પર ઉતરી આવે છે. અને તેમાં અનિચ્છનીય બનાવો ઘટી જતા હોય છે. લોકોને જાણે કાયદાનો ભય રહ્યો જ નથી તેમ લાગે છે. વ્યક્તિ ઉગ્ર થઇને કાયદા-કાનૂન પોતાના હાથમા લઇ લે છે. પરંતુ આવા બનાવોનો અંત નુકસાન જ હોય છે.

Clash erupts in #Bhavnagar over marriage procession; 5 injured #Gujarat #TV9News pic.twitter.com/HiQccgJSgZ

— Tv9 Gujarati (@tv9gujarati) May 21, 2023

દેવભૂમિ દ્વારકાના કલ્યાણપુરના રાણ ગામે જૂથ અથડામણ

તો બીજી તરફ આ અગાઉ દેવભૂમિ દ્વારકાના કલ્યાણપુરના રાણ ગામે જૂથ અથડામણ થયુ હતું . બે જૂથ વચ્ચે જમીન બાબતે માથાકુટ ઉગ્ર બની હતી. અને બંને જૂથ વચ્ચે પથ્થરમારો થતા કેટલાક લોકો ઈજાગ્રસ્ત થયા હતા. જેને સારવાર અર્થ નજીકની હોસ્પિટલમાં સારવાર માટે ખસેડવામાં આવ્યા હતા. તો કલ્યાણપુર સહિત જિલ્લા LCB અને અન્ય ટીમ ઘટનાસ્થળે પહોંચી કાયદો અને વ્યવસ્થા જાળવી હતી. તો DySP સહિતના અધિકારીઓ પણ ઘટનાસ્થળે દોડી આવ્યા હતા, હાલ તો સમગ્ર બનાવને લઈ તપાસ હાથ ધરવામાં આવી હતી.

DySP સહિતના અધિકારીઓ ઘટનાસ્થળે દોડી આવ્યા

થોડા દિવસો અગાઉ જૂનાગઢના બિલખાના થુંબાળા ગામમાં બે જૂથ વચ્ચે અથડામણની ઘટના બની હતી. અંગત અદાવતમાં બે જૂથ વચ્ચે મારામારી થઈ હતી. આ અથડામણમાં અનેક લોકો ઈજાગ્રસ્ત પણ થયા હતા. તો બીજી તરફ ઘટનાની જાણ થતાં પોલીસ કાફલો ઘટનાસ્થળે પહોંચ્યો હતો. હાલ તો પોલીસે આ ઘટનામાં ફરિયાદ નોંધી આગળની તપાસ હાથ ધરી હતી.

ભાવનગર  અને ગુજરાતના તમામ જિલ્લાના સમાચાર વાંચવા માટે અહીં ક્લિક કરો