Breaking News : અમરેલીના વડિયામાં આતંક મચાવનાર સિંહણનું પાંજરે પુરાયા બાદ મોત, હડકવાના લક્ષણોની આશંકા, જુઓ Video

અમરેલી જિલ્લાના વડિયા વિસ્તારમાં છેલ્લા કેટલાક સમયથી લોકોમાં ભયનો માહોલ સર્જનાર સિંહણનું મોત થયું છે. આ સિંહણને વનવિભાગે પાંજરે પૂરી હતી. જોકે, પાંજરે પુરાયા બાદ તેનું મોત થતાં વનવિભાગની કામગીરી અને સિંહણના મોતને લઈને અનેક સવાલો ઊભા થયા છે.

મળતી પ્રાથમિક માહિતી મુજબ, સિંહણના વર્તનમાં અસામાન્યતા જોવા મળી હતી અને તેમાં હડકવાના લક્ષણો હોવાની આશંકા વ્યક્ત કરવામાં આવી રહી છે. સમગ્ર મામલે હકીકત જાણવા માટે વનવિભાગે સિંહણના વર્તન અને અન્ય જરૂરી સેમ્પલ લીધા હતા. હવે સેમ્પલના પરીક્ષણ બાદ જ સિંહણના મોતનું ચોક્કસ કારણ સામે આવી શકશે.

સિંહણના મોતથી વનવિભાગની ચિંતામાં પણ વધારો થયો છે. ખાસ કરીને છેલ્લા દોઢ વર્ષમાં ત્રણ સિંહણના મોતની ઘટનાઓ સામે આવી હોવાથી આ મામલો ગંભીર બન્યો છે. સિંહણના મોત પાછળનું ચોક્કસ કારણ જાણવા માટે વનવિભાગ દ્વારા જરૂરી તપાસ હાથ ધરવામાં આવી રહી છે.

આ અગાઉ પણ અમરેલી જિલ્લાના રાજુલા, જાફરાબાદ અને બાબરકોટ સહિતના વિસ્તારોમાં સિંહો અને સિંહણની માનવ વસાહત તરફની અવરજવર તથા લોકો સાથેના ઘર્ષણની ઘટનાઓ સામે આવી ચૂકી છે. વડિયાની આ ઘટના બાદ સ્થાનિક લોકોમાં પણ ચિંતા જોવા મળી રહી છે.

હાલમાં વનવિભાગ સિંહણના સેમ્પલના રિપોર્ટની રાહ જોઈ રહ્યું છે. રિપોર્ટ આવ્યા બાદ જ સિંહણને હડકવા સહિતની કોઈ બીમારી હતી કે નહીં અને તેના મોતનું ચોક્કસ કારણ શું હતું તે અંગે વધુ સ્પષ્ટતા થઈ શકશે.

અમદાવાદ ઇસ્કોન બ્રિજ અકસ્માતમાં સ્વિફ્ટ કારે પાર્ક કરેલા ચાર વાહનોને ટક્કર મારી, જુઓ Video