Ahmedabad: પૂર્વ વિસ્તારમાં અસામાજિક તત્વોનો આંતક, મકાનની દલાલી કરતા વ્યક્તિના ઘર જઈ સાતથી આઠ લોકોએ તોડફોડ કરી
ફરિયાદીનું કહેવું છે કે હેમુ દેસાઈ ફોન પર જાનથી મારી નાખવાની ધમકી આપી અને બાદમાં ઘરની બહાર તોડફોડ કરી. હતો. જોકે જાહેર રોડ પર આરોપીઓ આંતક મચાવતાં શાહીબાગ પોલીસે આરોપીઓને પકડવા અલગ અલગ ટિમ બનાવી શોધખોળ શરૂ કરી છે.
અમદાવાદ (Ahmedabad) પૂર્વ વિસ્તારમાં અસામાજિક તત્વોનો આંતક (anti social elements) હજી યથાવત જોવા મળી રહ્યો છે. શાહીબાગમાં મકાન દલાલી કરતા વ્યક્તિના ઘરે જઈ અસામાજિક તત્વોએ આંતક મચાવ્યો હતો. પૈસાની લેતીદેતીમાં સમાધાન કરાવાની અદાવત રાખીને મકાન દલાલ (broker) ના ઘરે જઈ સાતથી આઠ લોકોએ તોડફોડ કરી હતા. બાઈક પર આવેલા અસામાજિક તત્વોએ પહેલો દરવાજો ખખડાવ્યો હતો જે કોઇએ ન ખોલતાં તોડફોડ કરી જતા રહ્યા હતા. તોડફોડની સમગ્ર ઘટના સીસીટીવી (CCTV) માં કેદ થઈ ગઈ છે. શાહીબાગ પોલીસે ગુનો નોંધી સીસીટીવી આધારે આરોપી પકડવાની તજવીજ હાથ ધરી છે.
શાહીબાગમાં રહેતા મનીષ જૈન મકાન-જમીન દલાલી કામ કરે છે. આજથી ત્રણ વર્ષ પહેલાં મનીષ જૈનના પરિચિત પુનિત શાહ વ્યાજ પર હેમુ દેસાઈ સાથે પૈસા લીધા હતા. જે પૈસાની લેતીદેતી મામલે મનીષ જૈન સાથે રહી સમાધાન કરાવ્યું હતું. જે સમાધાન વાતને લઈ ગત્ત બપોરે હેમુ દેસાઈએ મનીષ જૈનને ફોન કરી કહ્યું કે તારા ઘર પાસે ઉભો છું પુનિત શાહમાં અવાર નવાર વચ્ચે કેમ પડે છે. મારે પૈસા લેવાના છે.એમ કહીને હેમુ દેસાઈએ મનીષ જૈન ફોન પર બીભત્સ ગાળો બોલી ધમકી આપી અને હેમુ દેસાઈ સહિત ચાર થી પાંચ લોકો લાકડી, દંડા, તલવાર જેવા હથિયારો વડે મનીષ જૈનના ઘરની બહાર તોડફોડ કરી. હતા. અસામાજિક તત્વો દ્વારા તોડફોડની સમગ્ર ઘટના સીસીટીવી કેદ થઈ હતી.
ફરિયાદી મનીષ જૈનનું કહેવું છે કે હેમુ દેસાઈ ફોન પર જાનથી મારી નાખવાની ધમકી આપી અને બાદમાં ઘરની બહાર તોડફોડ કરી. હતો. જોકે જાહેર રોડ પર આરોપીઓ આંતક મચાવતાં શાહીબાગ પોલીસે આરોપીઓને પકડવા અલગ અલગ ટિમ બનાવી શોધખોળ શરૂ કરી છે. પોલીસની પ્રાથમિક તપાસ મુજબ હેમુ દેસાઈ વ્યાજખોર છે અને ઉંચા વ્યાજે લોકોને પૈસા આપે છે.આરોપી હેમુ દેસાઈ વિરુદ્ધમાં અગાઉ વ્યાજખોર સહિત મારમારીના ગુના નોંધાઇ ચુક્યા છે. સાથે જ નિવૃત પોલીસ કર્મચારીનો પુત્ર હેમુ દેસાઈ હોવાનું સામે આવ્યું છે. હાલ શાહીબાગ પોલીસે ગુનો નોંધી વધુ તપાસ શરૂ કરી છે.
