Ahmedabad: ટ્રાફિક નિયમો તોડનારા પોલીસ કર્મચારીઓ પણ હવે દંડાશે, આજથી આ ડ્રાઈવ શરુ
પોલીસ કમિશનર સંજય શ્રીવાસ્તવના ધ્યાનમાં આવ્યું હતું કે, "પોલીસકર્મીઓ જ ટ્રાફિક નિયમોનો ભંગ કરે છે. " સાત દિવસ સુધી ચાલનારી આ ચેકિંગ ડ્રાઇવ અંતર્ગત હેલ્મેટ પહેર્યા વગર આવતા-જતા પોલીસ કર્મચારીઓ અને પોલીસ અધિકારીઓ પાસેથી દંડ વસૂલવામાં આવશે.
અત્યાર સુધી ટ્રાફિક નિયમો (Traffic rules)નું પાલન ન કરવા બદલ માત્ર જાહેર જનતા કાયદાના સકંજામાં આવતી હતી અને તેમને દંડ ફટકારવામાં આવતો હતો. જો કે હવે ટ્રાફિકના નિયમો તોડવા બદલ પોલીસ કર્મીઓએ (Police personnel) પણ દંડ ભરવો પડશે. 26 એપ્રિલથી પોલીસ કર્મચારીઓ માટે શરુ થયેલી આ ડ્રાઈવ (Drive) 1 એપ્રિલ સુધી ચાલશે. એટલુ જ નહીં આજથી એટલે કે 27 એપ્રિલથી પોલીસ કર્મચારી અને અધિકારીઓ માટે વધુ એક ડ્રાઈવ શરુ કરવામાં આવી છે. જે મુજબ ખાનગી કાર કે બાઈક પર પોલીસ કે અન્ય કોઈ લખાણ લખી નહીં શકાય. જો તેવુ જણાશે તો દંડ ફટકારવામાં આવશે. તેમજ પોલીસની કારમાંથી બ્લેક ફિલ્મો દૂર કરવામાં આવશે.
હેલ્મેટ વગર વાહન ચલાવનારા અને ટ્રાફિક નિયમો તોડતા પોલીસકર્મીઓને પકડવા ખાસ ઝુંબેશ હાથ ધરવામાં આવી છે. શનિવારથી 1 એપ્રિલ સુધી નિયમો તોડતા પોલીસકર્મીઓને દંડ ફટકારવા અમદાવાદ પોલીસ કમિશનરે આદેશ આપ્યો છે. પોલીસ કમિશનર સંજય શ્રીવાસ્તવના ધ્યાનમાં આવ્યું હતું કે “પોલીસકર્મીઓ જ ટ્રાફિક નિયમોનો ભંગ કરે છે. ” સાત દિવસ સુધી ચાલનારી આ ચેકિંગ ડ્રાઈવ અંતર્ગત હેલ્મેટ પહેર્યા વગર આવતા-જતા પોલીસ કર્મચારીઓ અને પોલીસ અધિકારીઓ પાસેથી દંડ વસૂલવામાં આવશે. પોલીસ કચેરી અને પોલીસ સ્ટેશનમાં આવતા પોલીસ કર્મચારીઓ હેલમેટ વગર આવશે તો તેઓની પાસેથી પણ દંડ લેવામાં આવશે.
આજથી પોલીસ માટે હેલ્મેટ બાદ વધુ એક ડ્રાઈવ યોજાશે. પોલીસ કર્મચારી અને અધિકારીઓ ખાનગી કાર કે બાઈક પર પોલીસ કે અન્ય કોઈ લખાણ લખી શકશે નહીં. પોલીસની કારમાંથી બ્લેક ફિલ્મો પણ દૂર કરવામાં આવશે. સાથે જ પોલીસના વાહન પર કોઈ લખાણ હશે તો તેને દંડ કરવામાં આવશે.
આ પણ વાંચો- ગુજરાતના જામનગરમાં સ્થપાશે ટ્રેડીશનલ મેડિસીનનું વૈશ્વિક કેન્દ્ર , WHO અને ભારત સરકાર વચ્ચે કરાર
