Ahmedabad: ‘હર હર મહાદેવ’ના નાદથી ગુંજી ઉઠ્યા શિવાલયો, પારમેશ્વર મહાદેવ મંદિરમાં ભક્તોની ભીડ જોવા મળી

આજથી પાવન શ્રાવણનો પ્રારંભ થયો છે. ગુજરાત (Gujarat) સહિત દેશભરમાં શિવાલયો હર હર મહાદેવ અને ઓમ નમઃ શિવાયના નાદથી ગુંજી રહ્યા છે. શ્રાવણ મહિનાના પ્રથમ દિવસે શિવાલયોમાં ભક્તોની ભાર ભીડ જોવા મળી રહી છે. અમદાવાદમાં (Ahmedabad) કેટલાક શિવાલયોમાં તો ભક્તોની લાંબી લાઇન જોવા મળી રહી છે. આજના દિવસે સ્નાન-દાનનું પણ ખુબજ મહત્વ માનવામાં આવે છે. ત્યારે સવારથી જ અમદાવાદના વિવિધ મંદિરોમાં શિવલિંગ પર (Shiv Temple) અભિષેક કરવા ભક્તોનો જમાવડો જોવા મળી રહ્યો છે.

પારમેશ્વર મહાદેવ મંદિરમાં ભક્તોની ભીડ ઉમટી

શ્રાવણ મહિનો એટલે ભગવાન શિવની આરાધનાનો મહિનો. આજથી પવિત્ર શ્રાવણ મહિનાનો પ્રારંભ થયો છે. ત્યારે અમદાવાદના પારમેશ્વર મહાદેવ મંદિરમાં મોટી સંખ્યામાં ભક્તો ઉમટી પડ્યાં હતા. ભક્તોએ દેવાધિદેવ મહાદેવને જળ, બિલ્વપત્ર અર્પણ કર્યા અને પોતાના અને પરિવારના સારા સ્વાસ્થ્ય માટે પ્રાર્થના કરી. તો બીજી તરફ ભીમનાથ મહાદેવ મંદિરમાં પણ મોટી સંખ્યામાં શિવભક્તોએ ભોળાનાથના દર્શન કરી ધન્યતા અનુભવી.

Web Stories View more

ધોરણ -12 પછી આ ફિલ્ડમાં બનાવી શકો છો ઉજ્જવળ કારકિર્દી

ઓટોમેટિક કારના ફાયદા વધારે કે ગેરફાયદા? જાણો ગણિત

આજનું રાશિફળ તારીખ 09-05-2024

પાકિસ્તાનમાં કામ કરતી હતી ક્રિકેટરની આ સુંદર પત્ની, હવે IPLમાં મળી નોકરી

અક્ષય તૃતીયા પર 23 વર્ષ પછી બનવા જઈ રહ્યો છે આ દુર્લભ સંયોગ, જાણો

કેરીના પાનનું પાણી પીવાના ફાયદા જાણી ચોંકી જશો

Parmeshwar Mahadev echoes with chants of ‘Har Har Mahadev’ in #Ahmedabad #Gujarat #TV9News pic.twitter.com/5uz3dxBz1R

— Tv9 Gujarati (@tv9gujarati) July 29, 2022

અમદાવાદમાં શિવાલયોને શણગારાયા

શ્રાવણ મહિનાના પગલે અમદાવાદમાં પારમેશ્વર મહાદેવ મંદિર સહિત વિવિધ મંદિરોમાં શિવલિંગને વિશેષ શણગાર કરવામાં આવ્યા છે. બીજા અન્ય શિવમંદિરોને પણ શણગારવામાં આવ્યા છે. આ દિવસે મંત્રજાપ, તપ અને વ્રત કરવાની પરંપરા છે. અમાસના દિવસે સવારે સ્નાન કર્યા પછી સૂર્યદેવને જળ ચઢાવી અને ઓમ સૂર્યાય નમઃ મંત્રનો જાપ કરવો ખૂબ શુભ માનવામાં આવે છે. સોમવારના દિવસે વ્રત અને રુદ્રાભિષેકનું પણ શિવજીને પ્રસન્ન કરવા વિશેષ મહત્વ માનવામાં આવે છે. આ વર્ષના શ્રાવણ માસમાં પ્રીતિ યોગનો પણ સંયોગ છે. ત્યારે પારાના શિવલિંગની પૂજા કરવાથી શિવજીના આશીર્વાદ મળે છે તેવુ માનવામાં આવે છે.

એવુ માનવામાં આવે છે કે, ભગવાન શિવને શ્રાવણ ખૂબ જ પ્રિય છે. એટલે આ મહિનામાં શિવપૂજાનું ખૂબ જ મહત્ત્વ છે. શ્રાવણનો દરેક દિવસ ખૂબ જ ખાસ હોય છે. સોમવારથી રવિવાર સુધી દરરોજ કરવામાં આવતી શિવપૂજાથી અલગ-અલગ શુભફળ મળે છે. આ મહિને દર બીજા-ત્રીજા દિવસે કોઈ શુભ તિથિ-તહેવાર અને ઉત્સવ હોય છે. એટલે ગ્રંથોમાં શ્રાવણ મહિનાને પર્વ પણ કહેવામાં આવે છે.