Railway news: પશ્ચિમ રેલવે ચલાવશે મુંબઈ સેન્ટ્રલ અને ભુજ વચ્ચે સ્પેશિયલ ટ્રેનના બે ફેરા
ટ્રેન નંબર 09423 મુંબઈ સેન્ટ્રલ - ભુજ સ્પેશલ મુંબઈ સેન્ટ્રલ 5 નવેમ્બર, 2022 ના રોજ મુંબઈ સેન્ટ્રલથી 22:50 કલાકે ઉપડશે અને બીજા દિવસે 14.15 કલાકે ભુજ પહોંચશે.
મુસાફરોની સુવિધા માટે અને વધારા ની સંખ્યામાં મુસાફરોને સમાવવા માટે પશ્ચિમ રેલવેએ મુંબઈ સેન્ટ્રલ અને ભુજ વચ્ચે વિશેષ ભાડા પર વિશેષ ટ્રેનની બે ટ્રીપ ચલાવવાનો નિર્ણય કર્યો છે. જેની વિગતો આ પ્રમાણે છે. આ ટ્રેનમાં લિનન (ઓઢવાની ચાદરો)આપવામાં આવશે નહીં. ટ્રેનના હોલ્ટ્સ અને કમ્પોઝિશનના સમય સંબંધિત વિગતવાર માહિતી માટે, www.enquiry.indianrail.gov.in ની મુલાકાત લઈ શકે છે. ટ્રેન નંબર 09423 અને 09424 માટે બુકિંગ 5 નવેમ્બર, 2022 થી તમામ પીઆરએસ કાઉન્ટર અને આઇઆરસીટી ની વેબસાઇટ પર શરૂ થશે.
ટ્રેન નંબર 09423/09424 મુંબઈ સેન્ટ્રલ – ભુજ સ્પેશલ [2 ટ્રીપ દોડાવાશે]
ટ્રેન નંબર 09423 મુંબઈ સેન્ટ્રલ – ભુજ સ્પેશલ મુંબઈ સેન્ટ્રલ 5 નવેમ્બર, 2022 ના રોજ મુંબઈ સેન્ટ્રલથી 22:50 કલાકે ઉપડશે અને બીજા દિવસે 14.15 કલાકે ભુજ પહોંચશે.
તેવી જ રીતે, ટ્રેન નંબર 09424 ભુજ – મુંબઈ સેન્ટ્રલ સ્પેશલ 6 રવિવાર નવેમ્બર, 2022, રવિવારના રોજ ભુજથી 15.50 કલાકે ઉપડશેઅને બીજા દિવસે 06.45 કલાકે મુંબઈ સેન્ટ્રલ પહોંચશે માર્ગમાં આ ટ્રેન બંને દિશામાં બોરીવલી, વાપી, સુરત, વડોદરા, અમદાવાદ, સામાખિયાળી અને ગાંધીધામ સ્ટેશનો પર ઉભી રહેશે. આ ટ્રેનમાં એસી ફર્સ્ટ ક્લાસ, એસી ટુ ટાયર, એસી થ્રી ટાયર, સ્લીપર ક્લાસ અને જનરલ સેકન્ડ ક્લાસ કોચ સામેલ છે.
5 નવેમ્બરથી વંદે ભારત એક્સપ્રેસના સમયમાં થયો છે ફેરફાર
ટ્રેન નંબર 20901/20902 મુંબઈ સેન્ટ્રલ – ગાંધીનગર કેપિટલવંદે ભારત સુપરફાસ્ટ એક્સપ્રેસના સમયમાં 5મી નવેમ્બરથી અમુક સ્ટેશનો વચ્ચે ફેરફાર કરવામાં આવ્યો છે. ટ્રેન નંબર 20901/20902 મુંબઈ સેન્ટ્રલ – ગાંધીનગર કેપિટલ વંદે ભારત સુપરફાસ્ટ એક્સપ્રેસ 5મી નવેમ્બરથી ફરીથી શેડ્યૂલ કરવામાં આવી છે. આ અંગે મુખ્ય જનસંપર્ક અધિકારી સુમિત ઠાકુરે વિગતો આપી હતી.
ટ્રેન નંબર 20901 મુંબઈ સેન્ટ્રલ – ગાંધીનગર રાજધાની વંદે ભારત સુપરફાસ્ટ એક્સપ્રેસ વાપીથી 08.04/08.06 કલાકને બદલે 08.00/08.02 કલાકે, સુરત સ્ટેશને 09.00/09.03 કલાકને બદલે 08.55/08.58 કલાકે પહોંચશે.
તેવી જ રીતે, રિટર્નમાં ટ્રેન નંબર 20902 ગાંધીનગર કેપિટલ – મુંબઈ સેન્ટ્રલ વંદે ભારત સુપરફાસ્ટ એક્સપ્રેસ વડોદરાથી 15.50/15.55 કલાકે ને બદલે 15.53/15.56 કલાકે ઉપડશે, વાપી સ્ટેશને 18.13/18.15 કલાકે 18.81/18.48 કલાકે આવશે. અન્ય સ્ટેશનો પર ટ્રેનના સમયમાં કોઈ ફેરફાર કરવામાં આવ્યો નથી.
