Rain News : ચોમાસું 23 જૂનથી સક્રિય થશે, ગુજરાતમાં 27 થી 30 જૂન વચ્ચે આગમનની સંભાવના, જુઓ Video

ચોમાસાના મોરચે રાહતભર્યા સમાચાર સામે આવ્યા છે. હવામાન વિભાગની નવીનતમ આગાહી મુજબ, આગામી 23 જૂનથી દેશભરમાં ચોમાસું ફરી એકવાર સક્રિય થઈ રહ્યું છે અને ઝડપથી આગળ વધવાની સંભાવના છે. ગુજરાત રાજ્ય માટે ચોમાસાનું આગમન 27 થી 30 જૂન વચ્ચે થઈ શકે છે, જેનાથી કાળઝાળ ગરમી અને વરસાદની પ્રતીક્ષા કરી રહેલા લોકોને હાશકારો મળશે.

હાલ ભલે ગુજરાત સહિત રાજસ્થાનમાં ચોમાસાની રાહ જોવાઈ રહી હોય, પરંતુ દક્ષિણ ભારતના કેરળ, માહે, લક્ષદ્વીપ અને દરિયાકાંઠાના કર્ણાટકમાં 26 જૂન સુધી સતત વ્યાપક વરસાદની અપેક્ષા છે, જ્યાં મુશળધાર વરસાદની શરૂઆત થઈ ગઈ છે. હવામાન વૈજ્ઞાનિકોએ આગામી 48 કલાકમાં દેશના અનેક રાજ્યોમાં ચોમાસું વધુ આગળ વધવા માટે અત્યંત સાનુકૂળ પરિસ્થિતિ હોવાનું જણાવ્યું છે.

ચોમાસાની ઉત્તરીય સરહદ હાલમાં મહારાષ્ટ્રના હરનાઈ, તેલંગાણાના હૈદરાબાદ, ઓડિશાના કોરાપુટ, ઝારખંડના રાંચી અને બિહારના મુઝફ્ફરપુરથી પસાર થઈ રહી છે. હવામાન વિભાગના મતે, ૨૩ જૂનની આસપાસ ચોમાસું મહારાષ્ટ્ર, તેલંગાણા, ઓડિશા, ઝારખંડ અને બિહારના વધુ કેટલાક ભાગોમાં પ્રવેશ કરી જશે. આ સાથે જ છત્તીસગઢમાં પણ ચોમાસાના આગમન માટે ઉત્તમ સ્થિતિ સર્જાઈ રહી છે.

ઉત્તર-પશ્ચિમ ભારતના પહાડી ક્ષેત્રોમાં હવામાનનો મિજાજ બદલાવા જઈ રહ્યો છે. જમ્મુ-કાશ્મીર, લદ્દાખ અને મુઝફ્ફરાબાદમાં ૨૨ જૂને ભારે વરસાદ સાથે કેટલાક સ્થળોએ કરા પડવાની પણ આશંકા છે. આ ઉપરાંત, હિમાચલ પ્રદેશ અને ઉત્તરાખંડમાં ૨૬ જૂન સુધી સતત હળવાથી મધ્યમ વરસાદની આગાહી છે. બીજી તરફ, પંજાબ, હરિયાણા, ચંદીગઢ અને દિલ્હીમાં 23 જૂન દરમિયાન 40 થી 50 કિલોમીટર પ્રતિ કલાકની ઝડપે તેજ પવન ફૂંકાશે અને ગાજવીજ સાથે વરસાદી ઝાપટા પડશે. ઉત્તર પ્રદેશમાં પણ પ્રી-મોન્સુનની પ્રવૃત્તિઓ સક્રિય થતાં પૂર્વીય ઉત્તર પ્રદેશમાં ૨૫ અને 26 જૂને વરસાદની શક્યતા છે.

પૂર્વ ભારતમાં મોન્સુનનું સૌથી ઉગ્ર સ્વરૂપ જોવા મળી શકે છે. પશ્ચિમ બંગાળ અને સિક્કિમમાં ૨૧ જૂને અત્યંત ભારે વરસાદની આશંકાને કારણે રેડ એલર્ટ જાહેર કરવામાં આવ્યું છે. બિહાર અને ઓડિશામાં પણ આગામી પાંચ દિવસ સુધી ભારે વરસાદનું અનુમાન છે. પૂર્વોત્તર ભારતના અસમ અને મેઘાલયમાં ૨૨ જૂને અતિભારે વરસાદનું એલર્ટ આપવામાં આવ્યું છે.

મધ્ય ભારતના છત્તીસગઢ, મધ્યપ્રદેશ અને વિદર્ભમાં પણ ગાજવીજ સાથે વરસાદી પવન ફૂંકાશે. પશ્ચિમ ભારતના કોંકણ અને ગોવામાં 25 જૂન સુધી ભારેથી અતિભારે વરસાદની સંભાવના છે. જ્યારે ગુજરાત, મધ્ય મહારાષ્ટ્ર અને મરાઠાવાડામાં 26 જૂન દરમિયાન ગાજવીજ સાથે છૂટોછવાયો વરસાદ જોવા મળશે. દક્ષિણ ભારતમાં આંધ્રપ્રદેશ, તેલંગાણા અને તમિલનાડુમાં વાવાઝોડું અને વીજળી પડવાની પ્રબળ સંભાવના હોવાથી દરિયાકાંઠાના રહેવાસીઓને સતર્ક રહેવા માટે સલાહ આપવામાં આવી છે.

દેશના મોટાભાગના વિસ્તારમાં પ્રિ-મોન્સુન પ્રવૃત્તિઓ સક્રિય છે. હવામાન વિભાગે 20થી પણ વધારે રાજ્યોમાં વાવાઝોડા અને વરસાદનું એલર્ટ જાહેર કર્યું છે. ચોમાસું જે રાજ્યોને આવરી ચૂક્યું છે ત્યાં ભારે વરસાદ ચાલી રહ્યો છે, જેમાં સિક્કિમના છ જિલ્લા અને પશ્ચિમ બંગાળના પાંચ જિલ્લાનો સમાવેશ થાય છે.

સાજિદમાંથી સ્વપ્નિલ બન્યો, અમદાવાદના આ સરનામાનો કર્યો ઉપયોગ, જુઓ Video