હવે માત્ર બે મિનિટ બ્રેઇન સ્કેન કરી જાણી શકાશે તેની સ્થિતિ, સંશોધક દંપતીનો દાવો

હવે બે મિનિટમાં બ્રેઈન સ્કેન(Brain Scan)કરીને રિપોર્ટ મેળવી શકાશે કે દર્દીને બ્રેઇન હેમરેજ છે કે નહીં. અત્યાર સુધી આ રિપોર્ટ જાણવા માટે MRI કે સિટીસ્કેન( CT Scan) કરવું પડતું હતું. જેમાં રિપોર્ટ આવતા 2 કલાક કે તેથી વધુનો સમય લાગતો હતો.. આટલા સમયમાં દર્દીની હાલત વધુ બગડવાની પણ શક્યતાઓ રહેલી છે.

ત્યારે CERBO મશીન આવવાથી 2 મિનિટમાં રિપોર્ટ મળી જતા દર્દીની સારવાર ઝડપી બનશે તેવું મશીન બનાવનારનું માનવું છે.. અમદાવાદના(Ahmedabad)દંપતી અનુપમ લાવણીયા અને તેમના પત્ની શિલ્પા લાવણીયાએ આ મશીન બનાવ્યું છે.. જેઓ શ્યામલ પાસે સ્થિત બાયોટેક રિસર્ચ કંપનીમાં ફરજ બજાવે છે.. આ મશીનથી અકસ્માત અને અન્ય ઘટનામાં મગજને થતી અસરને ત્વરીતે જાણી શકાશે તેવો આ દંપતીનો દાવો છે.

આ દંપતીએ વર્ષ-2016માં મશીન બનાવવાની શરૂઆત કરી હતી. તેમણે 2016થી 2020 એટલે કે 4 વર્ષમાં મશીનના કુલ 13 વર્ઝન બનાવ્યા છે. જેમાં છેલ્લું વર્ઝન સરબો મશીન છે. જે મશીનની મદદથી 2 મિનિટમાં બ્રેઈન ઈન્જરીના ટેસ્ટનું રિઝલ્ટ જાણી શકાશે.. તેમજ મશીનનો રિપોર્ટ સચોટ આવતો હોવાનો પણ મશીન બનાવનારનો દાવો છે.

આ પણ વાંચો : ગુજરાતમાં કોળી સમાજની બેઠકમાં રાજકીય મુદ્દાની ચર્ચા, કુંવરજી બાવળિયાને સમર્થન આપવા આહવાન

આ પણ વાંચો : ગુજરાતમાં આ વિસ્તારોમાં વધશે ઠંડીનું જોર, હવામાન વિભાગની આગાહી