Ahmedabad: એસઓજીએ નશાયુક્ત કફસિરપનો 900 બોટલનો જથ્થો કબજે કર્યો, આરોપીની ધરપકડ કરી
અમદાવાદ શહેરમાં કફ શિરપના નશાનું ચલણ એટલે કે સસ્તા નશાનો વેચાણ વધ્યુ છે. જેમા શહેર એસઓજી દ્વારા ફરી એક વખત કફ શિરપનો મોટો જથ્થો ઝડપી પાડ્યો છે.અમદાવાદ એસઓજી એ દાણીલીમડા વિસ્તારમાંથી 1.44 લાખની કિંમતની 900 બોટલો કબ્જે કરી છે. સાથે જ એક આરોપીની ધરપકડ કરી છે.
અમદાવાદ શહેરમાં કફ શિરપના નશાનુ ચલણ એટલે કે સસ્તા નશાનો વેચાણ વધ્યુ છે. જેમા શહેર એસઓજી દ્વારા ફરી એક વખત કફ શિરપનો મોટો જથ્થો ઝડપી પાડ્યો છે.અમદાવાદ એસઓજી એ દાણીલીમડા વિસ્તારમાંથી 1.44 લાખની કિંમતની 900 બોટલો કબ્જે કરી છે. સાથે જ એક આરોપીની ધરપકડ કરી છે. જોકે કફ શિરપ જે ગોડાઉનમાંથી લાવવામાં આવી અને કોને પહોચાડવાની હતી તે અંગે તપાસ હાથ ધરી છે. અમદાવાદ એસઓજીની કસ્ટડીમાં રહેલા આરોપીનુ નામ શીવશંકર કેવટ છે. જે પોતાની રિક્ષામાં ગેરકાયદે કોડીન ફોસ્ફેટ ધરાવતી કફ શિરપની બોટલના જથ્થો લઈને જતો હતો તે સમયે પોલીસે તેને ઝડપી પાડ્યો છે. કોમર્શિયલ જથ્થામાં ઝડપાયેલી 900 કફ શિરપ આરોપી એક ગોડાઊનમાંથી લઈને આવ્યો હોવાની હકિકત મળતા પોલીસે તે ગોડાઉનની પણ તપાસ શરૂ કરી છે. જેની સાથે જ જે આરોપીને આ જથ્થો મોકલવાનો હતો. તે આરોપીના મોબાઈલ નંબરના આધારે તેની શોધખોળ હાથ ધરી છે.
જેમાં ઝડપાયેલ આરોપી શીવશંકર પોતે પણ કફ શિરપનો નશો કરતો હોવાનુ પોલીસ માની રહી છે. કારણ કે તે પોતાના નશા માટે આ કફ શિરપ નો ઉપયોગ કરતો અને તેની હેરાફેરી માટે પોતાની જ રિક્ષામાં તે કફ શિરપની હેરાફેરી કરતો હતો. આ સાથે જ આરોપી જેને આ જથ્થો આપવાનો હતો તે આરોપીની ધરપકડ બાદ નશાના રેકેટમા અન્ય આરોપીની સંડોવણી અંગે ખુલાસો થશે.
જેમાં શહેરમાં તાજેતરમાં જ અમદાવાદ એસઓજી દ્વારા કફ શિરપના અલગ અલગ કેસ કરી નશાનું નેટવર્ક તોડવા પોલીસે કાર્યવાહી કરી છે. જોકે હવે પોલીસની તપાસ કફ સિરપના સપ્લાયર અને ઉત્પાદક સુધી પહોચે તેવી શક્યતાઓ જોવાઈ રહી છે. ત્યારે જોવુ એ રહ્યુ કે પોલીસ તપાસમાં શુ નવા ખુલાસા થાય છે. અને આ રેકેટમાં કેટલા આરોપી પોલીસ ગિરફ્તમા આવે છે.