Ahmedabad : રાજ્યની સૌથી મોટી યુનિ.પાસે રસ્તાની હાલત મગરની પીઠ સમાન, લોકોની રજૂઆતો ખાડામાં ગરકાવ
અનેક વિદ્યાર્થીઓ ધરાવનાર ગુજરાત યુનિવર્સીટીના આ રોડનો ઉપયોગ આજુબાજુમાં આવેલ હોસ્ટેલના વિદ્યાર્થીઓ (Students) અને સામાન્ય લોકો કરી રહ્યા છે.
રાજ્યની (gujarat) સૌથી મોટી ગુજરાત યુનિવર્સિટીનું (Gujarat University) ઈન્ફ્રાસ્ટ્રક્ચર છેલ્લા વર્ષોમાં સુદ્રઢ થયું છે, જો કે એનો જ એક રસ્તો યુનિવર્સિટી અને AMCના કારણે વિવાદનું કારણ બન્યો છે. અનેક વિદ્યાર્થીઓ ધરાવનાર ગુજરાત યુનિવર્સીટીના આ રોડનો ઉપયોગ આજુબાજુમાં આવેલ હોસ્ટેલના વિદ્યાર્થીઓ (Students) અને સામાન્ય લોકો કરી રહ્યા છે. આ રસ્તાની હાલત ખરાબ છે સાથે જ રોડ પર સ્ટ્રીટ લાઇટની સુવિધા નથી. જેથી સંધ્યાકાળ બાદ આજુબાજુની હોસ્ટેલમાં રહેતી વિદ્યાર્થીનીઓને પસાર થવામાં ડર લાગે છે.મહત્વનું છે યુનિવર્સીટીના આ વિસ્તારમાં સમરસ ગર્લ્સ હોસ્ટેલ (Girls hostel) અને યુનિવર્સિટી ગર્લ્સ હોસ્ટેલ આવેલી છે.
અહીંથી પસાર થતા રાહદારીઓ પણ પરેશાન
સ્ટ્રીટ લાઈટનો (Street light) અભાવ અને તૂટેલા રસ્તાના કારણે અહીંથી પસાર થતા રાહદારીઓ પણ પરેશાન છે.યુનિવર્સિટીમાંથી પસાર થતા આ રોડ પર રોજના અનેક અકસ્માતો થઈ રહ્યા છે.વિદ્યાર્થી સંગઠન NSUI એ અગાઉ વિરોધ દર્શાવી રોડ બનાવવાની માગ કરી હતી.જો કે સ્થિતિ એ છે કે આ રોડ કોનો એને લઈને પ્રશ્નો છે. લોકો રોડને લઈ ઓનલાઈન ફરિયાદ કરે તો પણ નિવેડો નથી આવતો. પૂર્વ સેનેટ મેમ્બર તો આક્ષેપ કરી રહ્યા છે કે પીઆરએલ, યુનિવર્સિટી અને મનપા ખર્ચ (AMC) કરવા તૈયાર નથી અને વિદ્યાર્થીઓ પરેશાન થઈ રહ્યા છે.
Latest News Updates
