Ahmedabad: 36.95 કરોડની GST ચોરી કેસમાં એક વ્યકિતની ધરપકડ, 13 જૂન સુધી ન્યાયિક કસ્ટડીમાં

Ahmedabad : ગુજરાતમાં CGST અમદાવાદ(Ahmedabad) સાઉથ કમિશનરેટની પ્રિવેન્ટિવ વિંગે એવી કંપનીઓ સામે તપાસ શરૂ કરી છે કે જેઓ માલની વાસ્તવિક રસીદ વિના છેતરપિંડી યુક્ત(Fraud)ઇનપુટ ટેક્સ ક્રેડિટની(Input Tax Credit) પ્રાપ્તિ અને ઉપયોગ સાથે સંકળાયેલી છે. આ કંપનીઓ મુખ્યત્વે ભંગારના વેપાર સાથે સંકળાયેલી હતી. તપાસ દરમિયાન એવું જાણવા મળ્યું છે કે બિન-અસ્તિત્વ ધરાવતી/નોન ફંક્શનલ ફર્મ્સનું એક વેબ છે જે કંપનીઓની શ્રેણી મારફતે ઇન્વૉઇસને રૂટ કરીને નકલી ઇનપુટ ટેક્સ ક્રેડિટ પસાર કરવામાં સામેલ છે.

વિહોલ જગતસિંહ વિરમજીની રૂ.7.22 કરોડની નકલી ઇનપુટ ટેક્સ ક્રેડિટ મેળવવા પ્રયાસ

જેમાં તપાસ દરમિયાન GST ચોરી રૂ. 36.95 કરોડ જેનું કરપાત્ર મૂલ્ય રૂપિયા 205.27 કરોડની 10 બિન-અસ્તિત્વ ધરાવતી કંપનીઓનો પર્દાફાશ કરવામાં આવ્યો છે. વધુમાં આશાપુરા ટ્રેડર્સના વિહોલ જગતસિંહ વિરમજીની રૂ.7.22 કરોડની નકલી ઇનપુટ ટેક્સ ક્રેડિટ મેળવવા અને તેનો ઉપયોગ કરવા બદલ 29.05.2023 ના રોજ ધરપકડ કરવામાં આવી હતી અને તેને 30.05.2023 ના રોજ એડિશનલ ચીફ મેટ્રોપોલિટન મેજિસ્ટ્રેટ કોર્ટ અમદાવાદ સમક્ષ રજૂ કરવામાં આવ્યા હતા. જ્યાં કોર્ટે 13.06.2023 સુધી તેની ન્યાયિક કસ્ટડીનો આદેશ આપ્યો છે.

ઇનપુટ ટેક્સ ક્રેડિટની છેતરપિંડી અને ઉપયોગ સાથે સંકળાયેલા હતા.

જેમાં શંકાસ્પદ/બનાવટી નોંધણીઓને શોધવા માટે હાલમાં નકલી GST નોંધણીઓ સામે ઓલ ઈન્ડિયા સ્પેશિયલ ડ્રાઈવ હાથ ધરવામાં આવી રહી છે. CGST અમદાવાદ દક્ષિણ કમિશ્નરેટ બિન-અસ્તિત્વ ધરાવતી અને બનાવટી કંપનીઓને સંડોવતા ઈનપુટ ટેક્સ ક્રેડિટની છેતરપિંડી અને ઉપયોગ સાથે સંકળાયેલા સિન્ડિકેટ અને જૂથો પર સક્રિયપણે દેખરેખ રાખે છે.

જે GSTની મોટી ચોરી તરફ દોરી જાય છે. કમિશનરેટે અત્યાર સુધીમાં નાણાકીય વર્ષ 2023-24 દરમિયાન ચાર વ્યક્તિઓની ધરપકડ કરી છે, જેઓ ઇનપુટ ટેક્સ ક્રેડિટની છેતરપિંડી અને ઉપયોગ સાથે સંકળાયેલા હતા.

અમદાવાદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો