Ahmedabad : અમદાવાદમાં વિકાસલક્ષી કાર્યો માટે, ગુજરાત સરકારે ફાળવી 702 કરોડ રૂપિયાની ગ્રાન્ટ

Ahmedabad Municipal Corporation : ગુજરાત સરકારે અમદાવાદ શહેરમાં વિવિધ પ્રજાલક્ષી કાર્યો માટે રૂપિયા 702 કરોડની ગ્રાન્ટ ફાળવી છે. આ નાણાંમાંથી, શાળા, બોર્ડ ઓફિસ, મલ્ટીલેવલ પાર્કિગ, રેલવે ઓવરબ્રીજ, રેલવે અંડરબ્રિજ, પ્રદુષણ નિયંત્રણ માટે ખર્ચ કરવામાં આવશે.

TV9 GUJARATI

| Edited By: Mamta Gadhvi

Jul 03, 2021 | 4:11 PM

Ahmedabad Municipal Corporation : ગુજરાત સરકારે અમદાવાદ મ્યુનિસિપલ કોર્પોરેશન વિસ્તારમાં વિકાસના કામો (developmental work) માટે 702 કરોડ રૂપિયા ફાળવ્યા છે. આ ગ્રાન્ટથી અમદાવાદ કોર્પોરેશનની હદમાં આવતા વિસ્તારોમાં વિવિધ પ્રજાલક્ષી વિકાસના કામો કરવામાં આવશે.

રાજ્ય સરકારે ફાળવેલ રૂપિયામાંથી,  અમદાવાદ શહેરમાં રોડ રિસરફેસિગ, સ્ટ્રોમ વોટર ડ્રેનેજ, ( Strome water drainage ) સુએજ ટ્રીટમેન્ટ પ્લાન્ટ જેવા વિકાસના કામો કરવામાં આવશે. આ ઉપરાંત પાણી પૂરવઠા, ફાયરના સાધનો, તળાવ ડેવલપમેન્ટ ( Development) વગેરેના કામો માટે 354.80 કરોડ રૂપિયા ફાળવવામાં આવ્યા છે.

 

ઉપરાંત બિલ્ડીંગ, શાળા, બોર્ડ ઓફિસ, મલ્ટીલેવલ પાર્કિગ જેવા સામાજિક આંતરમાળખાકીય વિકાસના(Infrastructural Growth) કામો માટે 85 કરોડનો ખર્ચ કરવામાં આવશે. જ્યારે શહેરમાં બે રેલવે ઓવરબ્રીજ અને એક રેલવે અંડરબ્રિજ બનાવવા માટે રૂ.8 કરોડની ફાળવણી કરવામાં આવી છે.

અમદાવાદમાં એર ક્વોલિટી ઇન્ડેક્સ 300ને પાર પહોંચી ગયો છે ,ત્યારે આ સ્થિતિમાં શહેરની હવાને શુદ્ધ કરવા મ્યુનિસિપલને કેન્દ્ર તરફથી 91 કરોડની ગ્રાન્ટ મળી છે. આ ગ્રાન્ટની મદદથી શહેરમાં મુખ્યત્વે પ્રદુષણને ઘટાડવા માટે 6 પ્રકારની કામગીરી કરવામાં આવશે. જેમાં, પ્રદૂષણ રોકતાં ટાવર ઉભા કરાશે,પબ્લિક ટ્રાન્સપોર્ટમાં (Public Transport) સુધારો કરવામાં આવશે,15 કરોડના ખર્ચે શહેરમાં વધુ વૃક્ષો વાવવા, ગ્રીન કવર તૈયાર કરવું. ઉપરાંત એર ક્વોલિટીના તમામ ધારાધોરણ જળવાઈ રહે તે માટે વિશેષ સેલ સ્થાપવા 5 કરોડની જોગવાઈ કરાશે.

Follow us on

Click on your DTH Provider to Add TV9 Gujarati