Ahmedabad : કાળઝાળ ગરમી વચ્ચે સર્જાઈ પાણી સમસ્યા, ફતેવાડીમાં ટેન્કર રાજ આવ્યુ
ફતેવાડી વિસ્તારમાં અલસાયરા પાર્ક, હાજુ સુલેમાન પાર્ક, રજ્જાક ટેનામેન્ટ સહિત તેની આસપાસ આવેલ પાર્ક અને ટેનામેન્ટ અને સોસાયટીમાં હાલાકી છે.
Ahmedabad : એક તરફ રાજ્યમાં કાળઝાળ ગરમી પડી રહી છે. ત્યાં બીજી તરફ શહેરના જુહાપુરામાં (Juhapura) આવેલ ફતેવાડી વિસ્તારમાં લોકો પાણી (Water) માટે વલખા મારી રહ્યાં છે. અને તે પણ રમઝાન મહિના વચ્ચે અને તેનાથી પણ મોટી હદ તો એ થઇ કે શહેરી વિસ્તારમાં લોકોએ પાણીના ટેન્કર મંગાવી કામ ચલાવી પડી રહ્યું છે.
ફતેવાડી વિસ્તારના રહીશો છેલ્લા એક બે દિવસ નહિ પણ એક મહિનાથી પાણીની સમસ્યાથી પીડાઈ રહ્યા છે. ફતેવાડી વિસ્તારના રહીશોનો આક્ષેપ છે કે તેમના વિસ્તારમાં નવી પાઇપ લાઇન નાખી હોવા છતાં પીવાનું પાણી પૂરતું મળી નથી રહ્યું. પાણી આવે તો કેટલાક દિવસ ના આવે તો ફોર્સમાં ન આવે અથવા આવે પણ નહિ. તો ગરમીના કારણે બોરમાં પણ પાણી જમીનમાં નીચે ઉતરી ગયા છે. જેથી સ્થાનિકોએ ટેન્કરો મંગાવી કામ ચલાવવું પડે છે.
કંઈ કંઈ જગ્યા પર છે સમસ્યા
ફતેવાડી વિસ્તારમાં અલસાયરા પાર્ક, હાજુ સુલેમાન પાર્ક, રજ્જાક ટેનામેન્ટ સહિત તેની આસપાસ આવેલ પાર્ક અને ટેનામેન્ટ અને સોસાયટીમાં હાલાકી છે. જેની તેઓએ AMC માં પણ રજુઆત કરી છે. એટલું જ નહીં પણ નલ સે જળ ઘર યોજના શરૂ કરી, જેમાં નળ તો લોકો આ ઘરે પહોંચ્યા પણ પૂરતું પાણી ઘરે નહીં પહોંચતા લોકોની પરિસ્થિતિ જેસૈ થે વેસૈ જ જોવા મળી. જોકે તેમ છતાં પણ સમસ્યાનો ઉકેલ નથી આવી રહ્યો. એટલું જ નહીં પણ રમઝાન મહિનામાં પાણી સમસ્યા સર્જાતા ફતેવાડી વિસ્તારના રહીશો વધુ હલાકીમાં મુકાયા.
એવું નથી કે શહેરમાં ટેન્કર રાજ માત્ર ફતેવાડી વિસ્તારમાં હોય. ફતેવાડી સહિત આસપાસ જુહાપુરા. સરખેજ તેમજ પૂર્વ વિસ્તારમાં પણ કેટલાક વિસ્તાર એવા છે કે જ્યાં હજુ પણ ગરમી વચ્ચે લોકોએ ટેન્કર મંગાવી કામ ચલાવવું પડે છે. જેણે તંત્રની કામગીરી પર સવાલ ઉભા કર્યા છે. જેની સામે રહીશોની એક જ માંગ છે કે પાણીની સમસ્યા જલ્દી દુર થાય.
આ પણ વાંચો :યશ સ્ટારર KGF 2 એ બોક્સ ઓફિસ પર મચાવી ધમાલ, જાણો સાઉથ સુપર સ્ટાર યશની કઈ ફિલ્મો છે હિટ
Latest News Updates
