નેટફ્લિક્સ (Netflix) પર આવેલી સ્ક્વીડ ગેમ (Squid Game) સીરિઝે લોકોને જકડી રાખ્યા છે. આ સાથે જ સાઉથ કોરિયન સીરિઝે અનેક રેકોર્ડ તોડી નાંખ્યા છે. સોશિયલ મીડિયા પર ચારે તરફ આ જ શોની ચર્ચા થઇ રહી છે અને સાથે જ ટ્રેન્ડ કરી રહી છે એક કેન્ડી. શોના બીજા એપિસોડમાં સ્પર્ધકો ડાલ્ગોના કેન્ડીમાંથી વિવિધ આકૃતિઓને કાપવા માટે સ્ટ્રગલ કરતા જોવા મળે છે. તેવામાં હવે આ ગેમ અને કેન્ડી ખૂબ જ લોકપ્રિય બની રહી છે.
તમને જણાવી દઇએ કે આ કેન્ડી સાઉથ કોરિયાનું એક પ્રખ્યાત સ્ટ્રીટ ફૂડ છે અને સ્ક્વીડ ગેમ દ્વારા હવે તેને દુનિયાભરમાં ઓળખ મળી ગઇ છે. સોશિયલ મીડિયામાં ચારે તરફ ડાલ્ગોના કેન્ડી ચેલેન્જ ચાલી રહ્યુ છે. આ કેન્ડી ઘરે બનાવવી ખૂબ જ સહેલી છે અને તેના માટે વધારે સામગ્રીની જરૂર પણ નથી.
2 ચમચી સાકર
એક ચપટી બેકિંગ સોડા
બટર પેપર
શેપ કટર (કુકી કટર)
1. નોન સ્ટીક પેન અથવા તો ચમચામાં 2 ચમચી સાકરને ગરમ કરવા મુકો અને તેને સતત હલાવતા રહો જ્યાં સુધી સાકર પીગળી ન જાય.
2. સાકર પીગળી જાય અને તેનો કલર હળવો કથ્થઇ થાય એટલે તરત ગેસ પરથી હટાવીને તેમાં એક ચમચી બેકિંગ સોડા નાંખો.
3. સોડા નાખ્યા બાદ તેને બરાબર મિક્ષ કરો. હવે તેનો કલર ડાલ્ગોના કોફી જેવો (હળવો બ્રાઉન) થઇ જશે.
4. હવે આ ચાસણીને બટર પેપર રાઉન્ડ શેપમાં મુકો અને ઉપર બીજુ બટર પેપર મુકીને તેના પર ભાર આપો.
5. તેની જાડાઇ એક કુકી જેવી થઇ જાય એટલે તેના પર શેપ કટર (કુકી કટર) મુકીને મન ગમતો શેપ આપો.
6. બસ હવે તમારી કુકી હની કોમ્બ ચેલેન્જ માટે તૈયાર છે.
આ પણ વાંચો –
આ પણ વાંચો –
આ પણ વાંચો –