પંચાયત વેબ સિરીઝનું ફૂલેરા ગામ હકીકતમાં ક્યાં આવેલું છે અને આ ગામનું અસલી નામ શું છે ?

ઓટીટી પર ઓછા બજેટમાં અને ઓછી સ્ટાર કાસ્ટ સાથે બનેલી વેબ સિરીઝ પણ લોકોને એટલી ગમે છે કે તેની ચારેબાજુ ચર્ચા થાય છે, તેમાંથી એક છે પંચાયત. હાલમાં પંચાયતની ત્રીજી સિઝન રીલીઝ થઈ છે. જેના કારણે તે હાલ ચર્ચામાં છે. ત્યારે શું તમે જાણો છો કે પંચાયતનું ફૂલેરા ગામ યુપીનું નહીં, પરંતુ મધ્યપ્રદેશનું ગામ છે. વેબ સિરીઝનું શૂટિંગ મધ્યપ્રદેશના આ ગામમાં થયું હતું. ખાસ વાત એ છે કે એક સીએમનું પણ આ ગામ સાથે ખાસ કનેક્શન છે.

આ ગામમાં પંચાયતનું શૂટિંગ થયું હતું

યુપીના બલિયામાં સ્થિત ફુલેરાને ભલે પંચાયત વેબ સિરીઝનો આધાર બનાવવામાં આવ્યો હોય, પરંતુ હકીકતમાં આ વેબ સિરીઝનું શૂટિંગ મધ્યપ્રદેશના મહોડિયા ગામમાં કરવામાં આવ્યું છે. આ ગામમાં બે મહિનામાં સમગ્ર પંચાયત વેબ સિરીઝનું શૂટિંગ કરવામાં આવ્યું હતું, જેને લોકોનો ઘણો પ્રેમ મળ્યો હતો. જો કે પંચાયત વેબ સિરીઝમાં ઉલ્લેખિત ફૂલેરા ગામ પણ રાજસ્થાનમાં છે, પરંતુ આ વેબ સિરીઝનું શૂટિંગ ન તો રાજસ્થાનમાં થયું છે કે ન તો ઉત્તર પ્રદેશમાં.

સીએમ શિવરાજસિંહ સાથે ખાસ કનેક્શન

તમને જણાવી દઈએ કે ઓનસ્ક્રીન ગ્રામ પંચાયત ‘ફૂલેરા’ મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણના ગામ પાસે છે. આ વેબ સિરીઝનો સેટ શિવરાજ સિંહ ચૌહાણના પૈતૃક ગામથી થોડાક કિલોમીટરના અંતરે આવેલા મહોડિયા ગામમાં તૈયાર કરવામાં આવ્યો હતો. સીએમ શિવરાજનું પૈતૃક ગામ જૈતાગાંવ છે. માડમ અને જૈતાગાંવ બંને સિહોર જિલ્લામાં આવે છે અને બંને ગામોની લોકસભા બેઠક વિદિશા છે, જ્યાંથી શિવરાજ સિંહ ચૌહાણ આ લોકસભા ચૂંટણીમાં સાંસદની ચૂંટણી લડી રહ્યા છે.

પૂર્વ સરપંચના ઘરે શૂટિંગ થયું હતું

પંચાયત વેબ સિરીઝને ઘણી સફળતા મળી, જેના પછી આ ત્રીજો ભાગ બનાવવામાં આવ્યો છે. પંચાયતના આ ભાગને પણ લોકોનો ભરપૂર પ્રેમ મળી રહ્યો છે. આ ગામમાં પૂર્વ સરપંચનું ઘર, પંચાયત ભવન અને ગામની પાણીની ટાંકી જેવી જગ્યાઓ પર વેબ સિરીઝના દ્રશ્યો શૂટ કરવામાં આવ્યા છે. તેના શૂટિંગમાં ગામના લોકો પણ મદદ માટે આગળ આવે છે, જ્યારે હવે આ વેબ સિરીઝને કારણે મહોડિયા પણ ખૂબ જ લોકપ્રિય બની ગયું છે, જેને જોવા માટે લોકો દૂર-દૂરથી આવે છે.