કરણે કરીનાને શું પૂછ્યું કે દંગ થઈ ગયો આમિર, કહ્યું- કેવી રીતે સવાલ પૂછે છે
કોફી વિથ કરણનો (Koffee With Karan) લેટેસ્ટ પ્રોમો સોશિયલ મીડિયા પર વાયરલ થઈ રહ્યો છે. ક્લિપમાં કરણ જોહર, કરીનાને એવા સવાલ પૂછી રહ્યો છે કે આમિર ખાન (Aamir Khan) તેની બોલતી બંધ કરી દે છે.
કરણ જોહરનો મોસ્ટ પોપ્યુલર ચેટ શો કોફી વિથ કરણ (Koffee With Karan) આ દિવસોમાં ચર્ચામાં છે. આ શોમાં દર્શકોને તેમના મનપસંદ સેલેબ્સની પર્સનલ લાઈફ સાથે જોડાયેલી તમામ ગોસિપ જોવા મળી જાય છે. હાલમાં જ શોનો એક લેટેસ્ટ પ્રોમો સામે આવ્યો છે. જેમાં કરીના કપૂર ખાન અને આમિર ખાન (Aamir Khan) એકબીજાને હેરાન કરતા જોવા મળે છે. તેમની અપકમિંગ ફિલ્મ લાલ સિંહ ચઢ્ઢાને લઈને બંને સ્ટાર્સ આ શોમાં જોવા મળશે. આ દરમિયાન કરણ જોહરે કરીનાને કેટલાક આવા સવાલો પૂછ્યા હતા, જેના કારણે આમિર ખાને કરણની બોલતી બંધ કરી દીધી હતી.
કોફી વિથ કરણના લેટેસ્ટ પ્રોમોમાં આમિર અને કરીના કરણ જોહરના ક્રેઝી સવાલોના જવાબ આપતા જોવા મળશે. 4 ઓગસ્ટથી શરૂ થઈ રહેલા આ શોની દર્શકો આતુરતાથી રાહ જોઈ રહ્યા છે. હાલમાં જ વાઈરલ થઈ રહેલી શોની ક્લિપમાં કરણ જોહર કરીના કપૂરને તેની સેક્સ લાઈફ વિશે સવાલ કરતા જોવા મળે છે.
View this post on Instagram
કરણ જોહરે કરીનાને સવાલ કર્યો કે શું બાળકો થયા પછી ક્વોલિટી સેક્સ એક મિથ કે રિયાલિટી છે? આના પર કરીના કપૂર કહે છે કે તમારે જાણવું છે? આના પર કરણ કહે છે કે મારી માતા તમારો શો જુએ છે જેમાં તમે આ વિશે કહી રહ્યા હતા. પ્રેગ્નન્સી બાદ કરીના કપૂરે કેટલાક શો કર્યા હતા. જેમાં તેણે ઘણા હોટ ટોપિક પર વાત કરી હતી.
તેના શોમાં બોલાવીને તમારું અપમાન કરે છે કરણ જોહર: આમિર ખાન
આ દરમિયાન આમિર ખાન કરીનાના જવાબ પહેલા બોલે છે અને કરણની વાતને કાપી નાખે છે. આ દરમિયાન કરણ કહે છે કે મારે આ શો છોડી દેવો જોઈએ? જે બાદ આમિર કહે છે કે જ્યારે પણ તમે શો કરો છો ત્યારે કોઈનું અપમાન થાય છે. આ સિવાય આમિર ઘણી વખત કહેતો પણ જોવા મળે છે કે આ શોમાં મારું કેટલું અપમાન થઈ રહ્યું છે.
આમિર ખાને કરણ જોહરની કરી બોલતી બંધ
આ પછી ફની અંદાજમાં કરણની બોલતી બંધ કરતાં આમિર ખાને એમ પણ કહ્યું કે તમારી માતાને કોઈ વાંધો નથી કે તમે બીજાને તેમની સેક્સ લાઈફ વિશે પૂછો છો? શું સવાલ પૂછી રહ્યો છો આ માણસ…? આ પહેલા પણ કોફી વિથ કરણના પહેલા એપિસોડમાં આલિયા ભટ્ટ અને રણવીર સિંહ જોવા મળ્યા હતા. તે દરમિયાન પણ કરણ જોહરે આવા તમામ સવાલો પૂછ્યા હતા જે તેમની પર્સનલ લાઈફ સાથે જોડાયેલા હતા.
Latest News Updates
