Mika Di Vohti: સિંગર મીકા સિંહ હવે દુલ્હન શોધવા સાઉથ આફ્રિકા જશે, કાશ્મીરથી કન્યાકુમારી સુધી લાખો છોકરીઓએ કરાવ્યું રજીસ્ટ્રેશન

Mika Di Vohti: સિંગર મીકા સિંહ હવે દુલ્હન શોધવા સાઉથ આફ્રિકા જશે, કાશ્મીરથી કન્યાકુમારી સુધી લાખો છોકરીઓએ કરાવ્યું રજીસ્ટ્રેશન
Mika Singh

મિકા સિંહની (Mika Singh) સ્વયંવરનું (Swayamvar) શૂટિંગ હવે દેશમાં નહીં તો દેશની બહાર થવાનું છે. આ સ્વયંવર માટે બનાવવામાં આવેલ ખાસ ગીત સોશિયલ મીડિયા પર વાયરલ થઈ રહ્યું છે.

TV9 GUJARATI

| Edited By: Nancy Nayak

May 18, 2022 | 8:04 PM

મીકા સિંહનો આગામી શો ‘મીકા દી વોહતી’ (Swayamvar : Mika Di Vohti) શરૂ થતા પહેલા જ દર્શકોને આકર્ષવામાં સફળ થઈ રહ્યો છે. તમને જણાવી દઈએ કે સ્ટાર ભારત પર આવનાર આ સ્વયંવર મીકા સિંહની (Mika Singh) દુલ્હન શોધવા વિશે છે. નવી ચેનલ પર પહેલીવાર પ્રસારિત થવા જઈ રહેલા આ શોની ચર્ચામાં દરેક વ્યક્તિ જાણવા માંગે છે કે આ શો કેવો હશે અને મિકા કી દુલ્હનિયા કેવો હશે. મિકા સિંહના ફેન્સ પણ આ રિયાલિટી શોને લઈને ખૂબ જ ઉત્સુક બન્યા છે. આ શોનું શૂટિંગ માત્ર ભારતમાં જ નહીં, પરંતુ ભારતની બહાર પણ થશે.

શૂટિંગ દક્ષિણ આફ્રિકામાં થશે

અહેવાલ છે કે આ શોના કેટલાક એપિસોડનું શૂટિંગ દક્ષિણ આફ્રિકાની ભવ્ય રાજધાની કેપટાઉનમાં કરવામાં આવશે. આ બાબત આ શોની ખ્યાતિને સાતમા આસમાન પર લઈ જાય છે. આ પહેલા આવા બહુ ઓછા ટીવી શો છે, જેનું શૂટિંગ દેશની બહાર થયું હોય. મેકર્સ માને છે કે કેપટાઉન એક સુંદર અને અદ્ભુત શહેર છે, જ્યાં પર્વતો પણ ખૂબ જ લોકપ્રિય છે. આ શો બાકીના રિયાલિટી શોથી ઘણો અલગ હશે અને તેથી કેપટાઉન જેવા સુંદર શહેરને “Mika di Vohti” માટે પસંદ કરવામાં આવ્યું હતું.

તાજેતરમાં રિલીઝ થયેલું ખાસ ગીત

મીકા સિંહનું ‘સ્વયંવર – મિકા દી વોહતી’નું વર્ષનું બેસ્ટ વેડિંગ સોંગ પણ તાજેતરમાં રિલીઝ થયું છે. આ ગીતમાં દર્શકોને કાશ્મીરથી કન્યાકુમારી સુધીની વિવિધ પરંપરાગત દુલ્હનોની ઝલક જોવા મળી છે. આ વીડિયોમાં બતાવવામાં આવ્યું છે કે મિકા સિંહ સાથે લગ્ન કરવા માટે તેને દેશના ખૂણે-ખૂણેથી યુવતીઓના પ્રપોઝલ આવે છે. તમને જણાવી દઈએ કે મિકા સિંહના સ્વયંવરનું રજિસ્ટ્રેશન શરૂ થતાં જ આ શોમાં આવવા માટે 1 લાખથી વધુ છોકરીઓએ પોતાનું રજિસ્ટ્રેશન કરાવ્યું હતું.

જાણો શા માટે મિકા સિંહ આ શો કરવા માંગે છે

મિકા સિંહનું કહેવું છે કે ઘણા વર્ષો સુધી તે લગ્નના નામે ભાગતો હતો, પરંતુ હવે તે જીવનના એવા મોડ પર આવી ગયો છે, જ્યાં તેને એક સાથીદારની જરૂર છે. જ્યારે તેને આ શોની ઓફર કરવામાં આવી, ત્યારે તેણે વિચાર્યું કે આ શોથી દર્શકોનું મનોરંજન થશે અને કદાચ તેને તેનો પ્રેમ પણ મળશે અને આ વિચારીને મિકાએ આ શો માટે “હા” કહ્યું. આ શોના લોન્ચિંગ સમયે મીકા સિંહનો પરિવાર પણ તેને સપોર્ટ કરતો જોવા મળ્યો હતો. આ સ્વયંવરમાં પણ તેની સાથે તેનો ભાઈ દલેર મહેંદી અને ખાસ મિત્ર કપિલ શર્મા જોવા મળવાના છે.

Follow us on

Related Stories

Most Read Stories

Click on your DTH Provider to Add TV9 Gujarati