કપિલ શર્માએ ટ્રાફિક સિગ્નલ પર સામાન વેચતી મહિલાઓને પૂછ્યું ‘શું તમે મારો શો જુઓ છો?’ મળ્યો કંઈક આવો જવાબ
હાલમાં જ કોમેડિયન કપિલ શર્માનો એક વીડિયો સોશિયલ મીડિયા પર ધમાલ મચાવી રહ્યો છે, જેને ફેન્સ દ્વારા ખૂબ પસંદ કરવામાં આવી રહ્યો છે.
કપિલ શર્માએ (Kapil sharma) પોતાની કોમેડીથી દર્શકોને ખૂબ હસાવ્યા છે. તેણે શોમાં સ્ટેન્ડ-અપ કોમેડીથી તેની શરૂઆત કરી હતી અને આજે તે પોતાનો શો (kapil sharma show) ચલાવે છે અને દર્શકોનું મનોરંજન કરે છે. આ શોથી કપિલે દરેક લોકોના દિલમાં પોતાનું અલગ સ્થાન બનાવ્યું છે. તેમણે ગરીબોથી લઈને મોટી હસ્તીઓમાં પોતાનીએક ઓળખ ઉભી કરી દીધી છે. જેની સાબિતીનો વીડિયો હાલમાં જ વાયરલ થયો છે.
વીડિયોમાં કપિલ ટ્રાફિક સિગ્નલ પર સામાન વેચતી મહિલાઓને પૂછે છે કે શું તમે ‘ધ કપિલ શર્મા શો’ જુઓ છો? તો બંને મહિલાઓ ખુશીથી કહે છે કે હા, જોઈએ છીએ. જવાબમાં કપિલે પણ તેમનો આભાર માન્યો અને કહ્યું, ‘તમારા પ્રેમ માટે આભાર. સાલ મુબારક.’
View this post on Instagram
કપિલ શર્મા તેની કરિયરમાં વધુ એક મોટી સિદ્ધિ હાંસલ કરવા જઈ રહ્યો છે. તે ટૂંક સમયમાં નેટફ્લિક્સ પર તેના શો ‘Kapil Sharma: I’am not done yet’ માં જોવા મળશે, જ્યાં તે દર્શકોનું મનોરંજન કરતો જોવા મળશે. કદાચ તે પોતાના જીવનના ઉતાર-ચઢાવને પણ રમુજી રીતે રજૂ કરશે. આ શો 28 જાન્યુઆરી 2022ના રોજ પ્રસારિત થશે.
કપિલે તાજેતરમાં જ તેના આગામી શોનો પ્રોમો શેર કર્યો હતો, જેમાં તેણે નશાની હાલતમાં કેટલીક વાંધાજનક ટ્વીટ કરી હતી અને તેના પર ઘણો હોબાળો થયો હતો, ત્યારે તેણે કિસ્સો પણ સંભળાવ્યો હતો. તેણે મજાકિયા અંદાજમાં કહ્યું કે ટ્વીટ કરીને તે માલદીવ ભાગી ગયો હતો અને ત્યાં ગયો હતો અને કહ્યું હતું કે એક રૂમ આપો જ્યાં ઇન્ટરનેટ ન હોય. તે 8-9 દિવસ ત્યાં રહ્યો અને 9 લાખ રૂપિયા ખર્ચ્યા હતા.
તમને જણાવી દઈએ કે કપિલ સાથે ઘણા વિવાદો જોડાયેલા છે. આ ટ્વીટ સિવાય તેના કો-સ્ટાર સુનીલ ગ્રોવર અને ચંદન પ્રભાકર સાથેના અણબનાવના પણ અહેવાલ હતા. વર્ષ 2015માં તેણે ક્રૂઝ પાર્ટીમાં નશાની હાલતમાં ખરાબ વર્તન કર્યું હતું, જેની ખૂબ ચર્ચા થઈ હતી.
કપિલે ટીવી પર ‘કોમેડી નાઈટ્સ વિથ કપિલ’ અને ‘ધ કપિલ શર્મા શો’ જેવા સફળ શો કર્યા છે. તેણે ગિન્ની ચતરથ સાથે લગ્ન કર્યા છે અને તેના બે બાળકો છે.
આ પણ વાંચો : Jammu Kashmir: બડગામ એન્કાઉન્ટરમાં ત્રણ આતંકવાદી ઠાર, સુરક્ષાદળોએ 7 દિવસમાં 19 આતંકવાદીઓને કર્યા ઠાર
Latest News Updates
