શાહરૂખ ખાને ફિલ્મી કોચ કબીર ખાન બનીને કરી ટ્વીટ, ઇન્ડિયન હોકી ટીમના Real કોચે આપ્યો જબરદસ્ત જવાબ

ઓલમ્પિકમાં ભારતીય મહિલા હોકી ટીમે સોમવારે ઓસ્ટ્રેલિયા સામે ઐતિહાસિક વિજય મેળવ્યો. આ સાથે જ ભારતીય હોકી ટીમ સેમીફાયનલમાં પહોંચી ગઈ છે. આ જીત સમગ્ર દેશ માટે ઈમોશનલ ક્ષણ હતી. ઘણી આંખમાંથી આંસુ આવી ગયા અને ઘણા ખુશીનો ઉત્સવ હજુ ઉજવી રહ્યા છે. આ વિજયની વાત કરતા જ રુંવાડા ઉભા થઇ આવે છે. સમગ્ર દેશ માટે એક મોટી ક્ષણ આ સોમવાર લઈને આવ્યો.

વિજય સાથે જ દરેકે હોકી ટીમને શુભેચ્છાઓ પાઠવી. બોલીવૂડ સ્ટાર્સે પણ તેમનો ઉમંગ જાહેર કર્યો. આ શાનદાર જીતના વખાણમાં ઘણા લોકો ‘ચક દે’ જેવા શબ્દો લખી રહ્યા હતા. અને એ ફિલ્મમાં પણ દર્શાવવામાં આવેલી ક્ષણોને યાદ કરી રહ્યા હતા. અને આ કારણે ચક દે ટ્રેન્ડ માં આવી ગયું.

એટલું જ નહીં, આ શાનદાર જીત બાદ શાહરૂખ ખાન (Shah Rukh Khan) અને કોચ કબીર ખાન પણ ટ્વિટર પર ટ્રેન્ડ કરી રહ્યા છે. તમને જણાવી દઈએ કે કબીર ખાન એ ફિલ્મ ચક દે ઇન્ડિયા ફિલ્મના કોચનું નામ હતું. જેમાં શાહરૂખે આ પાત્ર કોચ ભજવ્યું હતું.

Haan haan no problem. Just bring some Gold on your way back….for a billion family members. This time Dhanteras is also on 2nd Nov. From: Ex-coach Kabir Khan. https://t.co/QcnqbtLVGX

— Shah Rukh Khan (@iamsrk) August 2, 2021

શાહરુખે કોચની સેલ્ફી પર શું કહ્યું?

જીત પછી, કોચ Sjoerd Marijne એ ટીમ સાથે એક સેલ્ફી શેર કરી અને ટ્વિટ કર્યું, “માફ કરજો ફેમીલી, હું પછીથી આવીશ.” આના જવાબમાં કબીર ખાન ઉર્ફે શાહરુખ ખાને પણ મજેદાર જવાબ આપ્યો હતો, SRK એ લખ્યું કે ‘હા હા કોઈ સમસ્યા નથી. પરત ફરતી વખતે, થોડું સોનું લઈને આવજો… પરિવારના અબજ સભ્યો માટે. આ વખતે ધનતેરસ પણ 2 નવેમ્બરે છે. ભૂતપૂર્વ કોચ કબીર ખાન તરફથી.

Thank you for all the support and love. We will give everything again. From: The Real Coach. 😉 https://t.co/TpKTMuFLxt

— Sjoerd Marijne (@SjoerdMarijne) August 2, 2021

રિયલ કોચે શાહરૂખને જવાબ આપ્યો

કિંગ ખાનની ટ્વીટના જવાબમાં Marijne એ ધમાકેદાર જવાબ આપ્યો હતો. તેમણે કહ્યું કે, ‘સપોર્ટ અને પ્રેમ માટે આભાર. અમે બધું ફરીથી આપીશું. ધ રિયલ કોચ તરફથી.’ અને બાદમાં આ જવાબ ખુબ વાયરલ થઇ રહ્યો છે. લોકો પણ શાહરૂખ પર મિમ બનાવીને તેની મજા લઇ રહ્યા છે.

આ પણ વાંચો: હરભજન સિંહની પત્ની ગીતા બસરાએ ઠાલવ્યું દુઃખ, કહ્યું બે કસુવાવડ પછી પુત્રનો જન્મ, વેઠી ઘણી વેદના