એસ એસ રાજમૌલીની (S. S. Rajamouli)તાજેતરની મેગ્નમ ઓપસ RRR એ તેની વિશ્વવ્યાપી રિલીઝના (RRR Release) માત્ર 16 દિવસમાં 1000 કરોડ ક્લબમાં પ્રવેશ કર્યો છે. આ સાથે ‘RRR’ અત્યાર સુધીની ત્રીજી સૌથી વધુ કમાણી કરનાર ભારતીય ફિલ્મ બની ગઈ છે અને બીજી તરફ રાજમૌલી, વિશ્વભરની ટોચની 10 ભારતીય ફિલ્મોની યાદીમાં ત્રણ ફિલ્મો પોતાના નામે કરી છે, જે દેશના અન્ય દિગ્દર્શકો (Director Rajamouli)કરતાં વધુ છે. રસપ્રદ વાત એ છે કે, એસએસ રાજામૌલી વિશ્વભરમાં બોક્સ ઓફિસ ઇતિહાસ રચનારા એકમાત્ર ભારતીય નિર્દેશક છે જેમની બેક ટુ બેક બે ફિલ્મો ‘બાહુબલી 2’ અને ‘RRR’ 1000 કરોડની ક્લબમાં પ્રવેશી છે.
તમને જણાવી દઈએ કે, જુનિયર એનટીઆર(Junior NTR) અને રામ ચરણ (Ram Caran) અભિનીત ‘RRR’ એક કાલ્પનિક પીરિયડ ડ્રામા ફિલ્મ છે જે 20મી સદીની શરૂઆતના બે ભારતીય સ્વતંત્રતા સેનાનીઓની આસપાસ ફરે છે. આ ફિલ્મની તેની વિશાળ સિનેમેટિક લાગણી, એક્શન અને ડ્રામા માટે પ્રશંસા કરવામાં આવી હતી અને યુકે જેવા વિદેશી બજારોમાં પણ પ્રભુત્વ ધરાવે છે જ્યાં ભારતીય પરંપરાગત ફિલ્મો સામાન્ય રીતે સારી કામગીરી કરતી નથી.
‘RRR’ને તેના જબરદસ્ત VFX માટે પણ પ્રશંસા મળી છે. સમગ્ર વિશ્વમાં ‘બાહુબલી 2’ અને ‘RRR’ની ઐતિહાસિક સફળતાએ સાબિત કરી દીધું છે કે ફિલ્મ નિર્માતા રાજમૌલી ભારતીય સુપરહીરો, ભારતીય પૌરાણિક કથાઓ અને ભારતીય ઐતિહાસિક વિષયો પર આધારિત ફિલ્મો બનાવવામાં કેવી નિપુણતા ધરાવે છે. એસએસ રાજમૌલીએ ભારતીય સિનેમામાં પોતાનું આગવું સ્થાન બનાવ્યું છે. તેથી ફિલ્મના મુખ્ય પાત્રો કરતાં વધુ ટિકિટ વેચનાર અને સતત બોક્સ ઓફિસ પાવર સાથે જોડાયેલો હોય તેવા ફિલ્મમેકરને મળવું અસામાન્ય છે.
આ અંગે એસએસ રાજમૌલી કહે છે, વાર્તાકારની સૌથી મોટી જરૂરિયાત તેની વાર્તા સાંભળવા માટે મહત્તમ શ્રોતાઓ હોય છે. હું ખૂબ જ ખુશ છું કે મારી પાસે માત્ર એક નહીં પરંતુ બે ફિલ્મો છે જેને આ પ્રકારનો આવકાર મળ્યો છે અને 1000 કરોડના ક્લબમાં પ્રવેશ કર્યો છે. ‘બાહુબલી 2’ અને ‘RRR’ બંનેની સફળતાએ પુનરોચ્ચાર કર્યો છે કે માનવીય લાગણીઓ પર આધારિત ફિલ્મ ભૌગોલિક સીમાઓને પાર કરી શકે છે.
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-
આ પણ વાંચો : Lata Mangeshkar Award: પ્રથમ લતા મંગેશકર સન્માન વડા પ્રધાન નરેન્દ્ર મોદીના નામે, મંગેશકર પરિવારે કરી જાહેરાત