શું તમે જાણો છો? ‘રામાયણે’ આ વિશ્વ રેકોર્ડ કર્યો હતો પોતાના નામે, 15 વર્ષ સુધી કોઈ તોડી શક્યું નહીં
1987 થી 1988 દરમિયાન પ્રસારિત થયેલા આ શોને ઘણો સારો પ્રતિસાદ મળ્યો હતો. આટલી વિશાળ દર્શકશક્તિને કારણે, તેને લિમ્કા બુક ઓફ રેકોર્ડ્સમાં પણ સ્થાન મળ્યું હતું.
રામાનંદ સાગરની રામાયણ સાથે દરેક પરિવારની યાદો જોડાયેલી હશે. વર્ષો પહેલાની યાદો ત્યારે તાજા થઇ જ્યારે લોકડાઉનમાં આ સિરિયલ રિટેલિકાસ્ટ કરવામાં આવી. રામાનંદ સાગરની રામાયણે ભારતીય ટેલિવિઝન ઇન્ડસ્ટ્રીનો આખો ચહેરો બદલી કાઢ્યો. આ સિરિયલના કારણે ભારતીય પૌરાણિક કથાઓ પરના શો માટે આગળ બહોળો માર્ગ ખોલ્યો.
આ શો હજી પણ ભારતીય દર્શકોના હૃદયમાં વિશેષ સ્થાન ધરાવે છે. ‘વિશ્વની સૌથી વધુ જોવાયેલી પૌરાણિક સિરીયલ’ તરીકે રામાયણનું નામ રેકોર્ડ પુસ્તકોમાં અલગ સ્થાન ધરાવે છે. આ શોએ 2003 સુધી તેનો રેકોર્ડ જાળવી રાખ્યો હતો. થોડાક વર્ષોજ નહીં 15 વર્ષ સુધી પોતાનું નામ ટોપ પર રાખીને આ સિરિયલે અલગ સિદ્ધિ હાંસિલ કરી હતી.
આ શોને મળ્યો છે લિમ્કા બુક ઓફ રેકોર્ડ્
1987 થી 1988 દરમિયાન પ્રસારિત થયેલા આ શોને ઘણો સારો પ્રતિસાદ મળ્યો હતો. આટલી વિશાળ દર્શકશક્તિને કારણે, તેને લિમ્કા બુક ઓફ રેકોર્ડ્સમાં પણ સ્થાન મળ્યું હતું. જેમને ખબર નથી, તેમના માટે જણાવી દઈએ કે લિમ્કા બુક ઓફ રેકોર્ડ્સમાં ભારતીય લોકો દ્વારા વર્લ્ડ રેકોર્ડની નોંધ રાખવામાં આવ્યા છે. તેમાં શિક્ષણ, મનોરંજન અને વ્યવસાય જેવા તમામ ક્ષેત્રોના રેકોર્ડ શામેલ છે.
આ શો પાત્રની તૈયારી માટે મદદગાર હતો: સની સિંઘ
રામાયણ તેના પ્રેક્ષકો માટે સારા નૈતિક મૂલ્યોનો જાળવવા કરવા માટે લોકપ્રિય છે. અભિનેતા સન્ની સિંહને પણ આ સિરિયલ થકી ઘણું માર્ગદર્શન મળ્યું છે. શોથી ફિલ્મ આદિપુરુષમાં તેના પાત્રની તૈયારીમાં ઘણી મદદ મળી. તેણે કહ્યું હતું કે, “બાળપણમાં, મેં મારા માતાપિતા સાથે રામાયણ જોઈ હતી. મેં પાત્રો પર વધારે ધ્યાન આપ્યું ન હતું, પણ વાર્તા મને જકડી રાખવા માટે પૂરતી હતી.”
લક્ષ્મણનું પાત્ર ભજવવા જઈ રહેલા સન્ની સિંહએ કહ્યું કે “હવે હું લક્ષ્મણનું પાત્ર ભજવવાનો છું, તેથી હું ફરી એકવાર આ શોને ધ્યાનથી જોઉં છું. જેમાં મેં લક્ષ્મણ પર પુરતું ધ્યાન આપ્યું છે. જેનાથી મને તેમની રીતભાત, શરીરની લેન્ગવેજ, પહેરેલા કપડાં, એસેસરીઝ વિશે ઘણું શીખવવામાં મદદ મળી.”
જણાવી દઈએ કે ગયા વર્ષે લોકડાઉન દરમિયાન રામાયણ ફરી ટીવી પર ટેલીકાસ્ટ થઇ હતી. તે બાદ અન્ય ચેનલ પર પણ રિટેલીકાસ્ટ થઇ. આ દરમિયાન પણ જૂની પૌરાણિક આ સિરિયલે TRP ના અનેક રેકોર્ડ તોડ્યા. અને ટોપ પર રહી.
આ પણ વાંચો: Surat: કોરોનાએ હોટેલ ઇન્ડસ્ટ્રીઝને પણ મૂકી દીધી વેન્ટિલેટર પર, 70 ટકા રેસ્ટોરન્ટ બંધ
આ પણ વાંચો: બાર્બરાએ કહ્યું ચોકસીએ તેને ખોટા દાગીના ભેટ આપ્યા હતા, કથિત ગર્લફ્રેન્ડે કર્યા ચોંકાવનારા ખુલાસા
